ਅਨੂ ਕਪੂਰ ਦੀ ਫਿਲਮ ‘ਉੱਤਰ ਦਾ ਪੁੱਤਰ’ 24 ਜੁਲਾਈ ਨੂੰ ਹੋਵੇਗੀ ਰਿਲੀਜ਼

ਮੁੰਬਈ (ਏਜੰਸੀ) : ਅਨੂ ਕਪੂਰ ਦੀ ਆਉਣ ਵਾਲੀ ਫਿਲਮ ‘ਉੱਤਰ ਦਾ ਪੁੱਤਰ’ ਦੇ ਨਿਰਮਾਤਾਵਾਂ ਨੇ ਫਿਲਮ ਦੀ ਰਿਲੀਜ਼ ਤਰੀਕ ਦਾ ਐਲਾਨ ਕਰ ਦਿੱਤਾ ਹੈ। ਇਹ ਫਿਲਮ 24 ਜੁਲਾਈ 2026 ਨੂੰ ਦੁਨੀਆ ਭਰ ਦੇ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਵੇਗੀ।

ਇਸ ਫਿਲਮ ਵਿੱਚ ਅਨੂ ਕਪੂਰ ਦੇ ਨਾਲ ਰੁਖਸਾਰ ਰਹਿਮਾਨ, ਬ੍ਰਿਜੇਂਦਰ ਕਾਲਾ, ਪਵਨ ਮਲਹੋਤਰਾ, ਇਸ਼ਤਿਆਕ ਖਾਨ, ਜੀਵੇਸ਼ੂ ਆਹਲੂਵਾਲੀਆ, ਰਾਜੇਂਦਰ ਸੇਠੀ, ਸੁਮਿਤ ਗੁਲਾਟੀ ਅਤੇ ਨਿਤਿਨ ਅਰੋੜਾ ਵਰਗੇ ਕਲਾਕਾਰ ਨਜ਼ਰ ਆਉਣਗੇ। ਇਹ ਫਿਲਮ ਵਾਸਤੂ ਅਤੇ ਕਿਸਮਤ ਦੇ ਪਿਛੋਕੜ 'ਤੇ ਅਧਾਰਤ ਹੈ, ਜੋ ਹਿੰਦੀ ਸਿਨੇਮਾ ਵਿੱਚ ਇੱਕ ਨਵਾਂ ਅਤੇ ਨਿਵੇਕਲਾ ਵਿਸ਼ਾ ਲੈ ਕੇ ਆਈ ਹੈ। ਫਿਲਮ ਦਾ ਨਿਰਦੇਸ਼ਨ ਅਤੇ ਲੇਖਣ ਰਵਿੰਦਰ ਸਿਵਾਚ ਦੁਆਰਾ ਕੀਤਾ ਗਿਆ ਹੈ ਅਤੇ ਇਸ ਦੀ ਕਹਾਣੀ ਸੰਦੀਪ ਕਪੂਰ ਨੇ ਲਿਖੀ ਹੈ। ਇਸ ਫਿਲਮ ਦਾ ਨਿਰਮਾਣ ‘ਪ੍ਰੋਮੋਡੋਮ ਮੋਸ਼ਨ ਪਿਕਚਰਜ਼’ ਦੇ ਬੈਨਰ ਹੇਠ ਸੰਦੀਪ ਕਪੂਰ ਅਤੇ ਪ੍ਰਿਆ ਕਪੂਰ ਵੱਲੋਂ ਕੀਤਾ ਗਿਆ ਹੈ।

ਦੱਸ ਦੇਈਏ ਕਿ ਅਨੂ ਕਪੂਰ ਹਿੰਦੀ ਸਿਨੇਮਾ ਦੇ ਸਭ ਤੋਂ ਬਹੁਮੁਖੀ ਅਦਾਕਾਰਾਂ ਵਿੱਚੋਂ ਇੱਕ ਹਨ, ਜੋ ਕਾਮੇਡੀ, ਡਰਾਮਾ ਅਤੇ ਵਿਅੰਗ ਵਿੱਚ ਮਾਹਰ ਮੰਨੇ ਜਾਂਦੇ ਹਨ। 4 ਦਹਾਕਿਆਂ ਤੋਂ ਵੱਧ ਦੇ ਆਪਣੇ ਕਰੀਅਰ ਵਿੱਚ ਉਨ੍ਹਾਂ ਨੇ ‘ਵਿੱਕੀ ਡੋਨਰ’, ‘ਮਿਸਟਰ ਇੰਡੀਆ’, ‘ਡ੍ਰੀਮ ਗਰਲ 2’ ਅਤੇ ‘7 ਖੂਨ ਮਾਫ’ ਵਰਗੀਆਂ ਫਿਲਮਾਂ ਵਿੱਚ ਯਾਦਗਾਰੀ ਭੂਮਿਕਾਵਾਂ ਨਿਭਾਈਆਂ ਹਨ। ਫਿਲਮਾਂ ਤੋਂ ਇਲਾਵਾ, ਉਹ ਰੇਡੀਓ 'ਤੇ ਆਪਣੀ ਕਹਾਣੀ ਸੁਣਾਉਣ ਅਤੇ ਟੈਲੀਵਿਜ਼ਨ 'ਤੇ ਆਪਣੀ ਮੌਜੂਦਗੀ ਲਈ ਵੀ ਲੋਕਾਂ ਵਿੱਚ ਬਹੁਤ ਪਸੰਦ ਕੀਤੇ ਜਾਂਦੇ ਹਨ। ਹਾਲ ਹੀ ਵਿੱਚ ਉਨ੍ਹਾਂ ਨੂੰ ਫਿਲਮ ‘ਲਵ ਕੀ ਅਰੇਂਜ ਮੈਰਿਜ’ ਅਤੇ ‘ਨਾਨ ਸਟੌਪ ਧਮਾਲ’ ਵਿੱਚ ਦੇਖਿਆ ਗਿਆ ਸੀ।