ਮੋਦੀ ਦੀ ਮੌਜੂਦਗੀ ''ਚ ਵਿਸ਼ਾਲ ਚਤੁਰਵੇਦੀ ਤੇ ਸਾਧੂ ਤਿਵਾੜੀ ਨੇ ਗਾਏ ਫਿਲਮ ''ਹਨੂੰਮਾਨ ਅੰਸ਼'' ਦੇ ਭਜਨ

ਨਵੀਂ ਦਿੱਲੀ (ਏਜੰਸੀ)- ਲੇਖਕ-ਨਿਰਦੇਸ਼ਕ ਵਿਸ਼ਾਲ ਚਤੁਰਵੇਦੀ ਦੀ ਅਗਵਾਈ ਵਾਲੀ ਫਿਲਮ "ਹਨੂੰਮਾਨ ਅੰਸ਼" ਦੀ ਟੀਮ ਨੇ ਹਾਲ ਹੀ ਵਿੱਚ ਦਿੱਲੀ ਵਿੱਚ ਇੱਕ ਵਿਸ਼ੇਸ਼ ਭਜਨ ਕਲੱਬਿੰਗ ਪ੍ਰੋਗਰਾਮ ਵਿੱਚ ਹਿੱਸਾ ਲਿਆ, ਜਿੱਥੇ ਗਾਇਕ ਸਾਧੂ ਐਸ. ਤਿਵਾੜੀ ਅਤੇ ਨਿਰਦੇਸ਼ਕ ਵਿਸ਼ਾਲ ਚਤੁਰਵੇਦੀ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਮੌਜੂਦਗੀ ਵਿੱਚ ਭਜਨ ਪੇਸ਼ ਕੀਤੇ। ਇਸ ਪ੍ਰੋਗਰਾਮ ਵਿੱਚ, ਸਾਧੂ ਐਸ. ਤਿਵਾੜੀ ਨੇ ਫਿਲਮ "ਹਨੂੰਮਾਨ ਅੰਸ਼" ਦਾ ਭਗਤੀ ਗੀਤ "ਪਾਰਵਤੀ" ਗਾਇਆ, ਜਦੋਂਕਿ ਵਿਸ਼ਾਲ ਚਤੁਰਵੇਦੀ ਨੇ "ਹ੍ਰਿਦਯ ਮੇਂ ਜਿਨਕੇ ਸੀਯਾਰਾਮ" ਗਾਇਆ। ਵਿਸ਼ਾਲ ਚਤੁਰਵੇਦੀ ਨੇ ਨਾ ਸਿਰਫ਼ ਇਸ ਗੀਤ ਨੂੰ ਆਪਣੀ ਆਵਾਜ਼ ਦਿੱਤੀ ਸੋਗੋਂ ਇਸਦੇ ਬੋਲ ਅਤੇ ਸੰਗੀਤ ਵੀ ਤਿਆਰ ਕੀਤਾ।

"ਹਨੂੰਮਾਨ ਅੰਸ਼" ਦੇ ਸੰਗੀਤ ਨੂੰ ਡਿਜੀਟਲ ਪਲੇਟਫਾਰਮਾਂ 'ਤੇ ਵੀ ਜ਼ਬਰਦਸਤ ਹੁੰਗਾਰਾ ਮਿਲਿਆ ਹੈ। ਫਿਲਮ ਦਾ ਗੀਤ "ਪਾਰਵਤੀ" ਭਾਰਤ ਵਿੱਚ ਯੂਟਿਊਬ ਦੇ ਹਫਤਾਵਾਰੀ ਟੌਪ ਸੌਂਗਸ ਚਾਰਟ 'ਤੇ ਪਹਿਲੇ ਸਥਾਨ 'ਤੇ ਅਤੇ ਗਲੋਬਲ ਮਿਊਜ਼ਿਕ ਚਾਰਟ 'ਤੇ ਦੂਜੇ ਸਥਾਨ 'ਤੇ ਪਹੁੰਚ ਗਿਆ ਹੈ। ਬੁੰਦੇਲੀ ਲੋਕ ਸੰਗੀਤ ਤੋਂ ਪ੍ਰੇਰਿਤ, ਇਸ ਗੀਤ ਨੂੰ 100 ਮਿਲੀਅਨ ਤੋਂ ਵੱਧ ਵਾਰ ਦੇਖਿਆ ਜਾ ਚੁੱਕਾ ਹੈ ਅਤੇ 700,000 ਤੋਂ ਵੱਧ ਇੰਸਟਾਗ੍ਰਾਮ ਰੀਲਾਂ ਬਣ ਚੁੱਕੀਆਂ ਹਨ। ਫਿਲਮ ਦੇ ਗੀਤ, ਜਿਵੇਂ ਕਿ "ਮੈਂ ਤੇਰੇ ਹੀ ਭਰੋਸੇ ਹਨੂੰਮਾਨ," ਨੂੰ ਵੀ ਸਰੋਤਿਆਂ ਵੱਲੋਂ ਵਿਆਪਕ ਸਮਰਥਨ ਮਿਲਿਆ ਹੈ। ਇਨ੍ਹਾਂ ਗੀਤਾਂ ਦੇ ਵੱਖ-ਵੱਖ ਸੰਸਕਰਣ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਏ ਹਨ। ਦਿੱਲੀ ਵਿੱਚ ਇੱਕ ਭਜਨ ਕਲੱਬਿੰਗ ਪ੍ਰੋਗਰਾਮ ਵਿੱਚ, ਵਿਸ਼ਾਲ ਚਤੁਰਵੇਦੀ ਅਤੇ ਸਾਧੂ ਐਸ. ਤਿਵਾੜੀ ਦੁਆਰਾ ਪੇਸ਼ਕਾਰੀਆਂ ਨੇ "ਹਨੂੰਮਾਨ ਅੰਸ਼" ਦੇ ਭਗਤੀ ਸੰਗੀਤ ਨੂੰ ਸਟੇਜ 'ਤੇ ਲਿਆਂਦਾ।