ਅਦਾਕਾਰ ਅਭਿਸ਼ੇਕ ਬਣੇ ਪਿਤਾ, ਪੋਤੇ ਨੂੰ ਗੋਦੀ ''ਚ ਖਿਡਾਉਂਦੀ ਨਜ਼ਰ ਆਈ ਦਾਦੀ

ਮੁੰਬਈ- ਸਾਲ 2024 ਮਨੋਰੰਜਨ ਜਗਤ ਲਈ ਚੰਗਾ ਰਿਹਾ। ਵਿਕਰਾਂਤ ਮੈਸੀ ਤੋਂ ਲੈ ਕੇ ਦੀਪਿਕਾ ਪਾਦੂਕੋਣ, ਅਨੁਸ਼ਕਾ ਸ਼ਰਮਾ, ਦ੍ਰਿਸ਼ਟੀ ਧਾਮੀ ਅਤੇ ਯਾਮੀ ਗੌਤਮ ਤੱਕ ਨੇ ਇਸ ਸਾਲ ਨਵੇਂ ਮਹਿਮਾਨਾਂ ਦਾ ਸਵਾਗਤ ਕੀਤਾ ਗਿਆ ਹੈ। ਜੀ ਹਾਂ, ਇਹ ਸਾਰੇ ਜੋੜੇ ਇਸ ਸਾਲ ਮਾਤਾ-ਪਿਤਾ ਬਣੇ ਹਨ। ਹੁਣ ਇਸ ਲਿਸਟ ‘ਚ ਇਕ ਹੋਰ ਨਾਂ ਜੁੜ ਗਿਆ ਹੈ, ਉਹ ਹੈ ਅਭਿਸ਼ੇਕ ਅੰਬਰੀਸ਼ ਦਾ, ਜੋ ਸਾਊਥ ਇੰਡਸਟਰੀ ‘ਚ ਇਕ ਵੱਡਾ ਨਾਂ ਹੈ। ਸੈਂਡਲਵੁੱਡ ਐਕਟਰ ਅਭਿਸ਼ੇਕ ਦੇ ਘਰ ਪੁੱਤਰ ਨੇ ਜਨਮ ਲਿਆ ਹੈ। ਇਸ ਖੁਸ਼ਖਬਰੀ ਤੋਂ ਅਦਾਕਾਰ ਦੇ ਪ੍ਰਸ਼ੰਸਕ ਵੀ ਕਾਫੀ ਖੁਸ਼ ਹਨ।ਵਿਆਹ ਦੇ ਇੱਕ ਸਾਲ ਬਾਅਦ ਦਿੱਤੀ ਖੁਸ਼ਖਬਰੀ
ਅਭਿਸ਼ੇਕ ਦਾ ਵਿਆਹ ਇੱਕ ਸਾਲ ਪਹਿਲਾਂ ਭਾਵ ਜੂਨ 2023 ਵਿੱਚ ਅਵੀਵਾ ਬਿਡੱਪਾ ਨਾਲ ਹੋਇਆ ਸੀ। ਵਿਆਹ ਦੇ ਇੱਕ ਸਾਲ ਬਾਅਦ, ਜੋੜੇ ਨੇ ਇੱਕ ਛੋਟੇ ਮਹਿਮਾਨ ਦਾ ਸਵਾਗਤ ਕੀਤਾ ਹੈ ਅਤੇ ਜੋੜਾ ਦੋ ਤੋਂ ਤਿੰਨ ਹੋ ਗਿਆ ਹੈ. ਜੀ ਹਾਂ, ਅਭਿਨੇਤਾ ਦੇ ਘਰ ਬੇਟੇ ਨੇ ਜਨਮ ਲਿਆ ਹੈ ਅਤੇ ਮਾਂ ਦੇ ਨਾਲ-ਨਾਲ ਬੱਚਾ ਬਿਲਕੁਲ ਠੀਕ ਹੈ।

ਕਦੋਂ ਹੋਇਆ ਬੱਚੇ ਦਾ ਜਨਮ
ਸੈਂਡਲਵੁੱਡ ਅਦਾਕਾਰ ਅਭਿਸ਼ੇਕ ਅੰਬਰੀਸ਼ ਅਤੇ ਉਨ੍ਹਾਂ ਦੀ ਪਤਨੀ ਅਵੀਵਾ ਬਿਡੱਪਾ ਨੇ ਬੀਤੇ ਕੱਲ੍ਹ ਆਪਣੇ ਪਹਿਲੇ ਬੱਚੇ ਦਾ ਸਵਾਗਤ ਕੀਤਾ। ਜਾਣਕਾਰੀ ਲਈ ਦੱਸ ਦੇਈਏ ਕਿ ਅਵੀਵਾ ਨੇ ਕੱਲ੍ਹ ਸਵੇਰੇ ਯਾਨੀ 12 ਨਵੰਬਰ 2024 ਨੂੰ ਇੱਕ ਨਿੱਜੀ ਹਸਪਤਾਲ ਵਿੱਚ ਪੁੱਤਰ ਨੂੰ ਜਨਮ ਦਿੱਤਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਪੁੱਤਰ ਅਤੇ ਮਾਂ ਬਿਲਕੁਲ ਠੀਕ ਹਨ। ਅਭਿਸ਼ੇਕ ਦੀ ਮਾਂ ਨੇ ਆਪਣੇ ਪੋਤੇ ਨੂੰ ਗੋਦੀ ‘ਚ ਫੜਿਆ ਹੋਇਆ ਹੈ ਅਤੇ ਉਹ ਉਸ ਵੱਲ ਬਹੁਤ ਪਿਆਰ ਨਾਲ ਦੇਖ ਰਹੀ ਹੈ।

ਇਹ ਵੀ ਪੜ੍ਹੋ- ਦਿਲਜੀਤ ਦੋਸਾਂਝ ਦੀਆਂ ਹੈਦਰਾਬਾਦ ਸ਼ੋਅ ਨੂੰ ਲੈ ਕੇ ਵਧੀਆਂ ਮੁਸ਼ਕਲਾਂ

ਸਾਲ ਦੇ ਸ਼ੁਰੂ 'ਚ ਗਰਭ ਅਵਸਥਾ ਦਾ ਕੀਤਾ ਸੀ ਐਲਾਨ 
ਅਭਿਸ਼ੇਕ ਅਤੇ ਅਵੀਵਾ ਨੇ ਇਸ ਸਾਲ 2024 ਦੀ ਸ਼ੁਰੂਆਤ ‘ਚ ਹੀ ਆਪਣੀ ਪ੍ਰੈਗਨੈਂਸੀ ਦਾ ਐਲਾਨ ਕੀਤਾ ਸੀ। ਅਵੀਵਾ ਨੇ ਹਰੇ ਰੰਗ ਦੀ ਬਨਾਰਸੀ ਸਾੜੀ ਵਿੱਚ ਆਪਣੇ ਬੇਬੀ ਬੰਪ ਨੂੰ ਫਲਾਂਟ ਕਰਦੇ ਹੋਏ ਆਪਣੇ ਪ੍ਰਸ਼ੰਸਕਾਂ ਨੂੰ ਇਹ ਖੁਸ਼ਖਬਰੀ ਦਿੱਤੀ। ਸਤੰਬਰ ਵਿੱਚ ਇੱਕ ਬੇਬੀ ਸ਼ਾਵਰ ਦਾ ਆਯੋਜਨ ਕੀਤਾ ਗਿਆ ਸੀ ਜਿਸ ਵਿੱਚ ਉਸਦੇ ਨਜ਼ਦੀਕੀ ਲੋਕਾਂ ਨੇ ਸ਼ਿਰਕਤ ਕੀਤੀ ਸੀ। ਇਸ ਦੌਰਾਨ ਮੰਮੀ-ਡੈਡੀ ਬਣਨ ਵਾਲਾ ਜੋੜਾ ਕਾਫੀ ਖੁਸ਼ ਨਜ਼ਰ ਆ ਰਿਹਾ ਸੀ। ਮਾਂ ਬਣਨ ਦੀ ਖੁਸ਼ੀ ਅਵੀਵਾ ਦੇ ਚਿਹਰੇ ‘ਤੇ ਸਾਫ ਝਲਕ ਰਹੀ ਸੀ।

ਲੋਕਾਂ ਨੇ ਦਿੱਤੀ ਵਧਾਈ
ਜਿਵੇਂ ਹੀ ਅਭਿਸ਼ੇਕ ਦੇ ਪ੍ਰਸ਼ੰਸਕਾਂ ਨੂੰ ਪਤਾ ਲੱਗਾ ਕਿ ਉਹ ਪਿਤਾ ਬਣਨ ਵਾਲੇ ਹਨ, ਉਨ੍ਹਾਂ ਦੀ ਖੁਸ਼ੀ ਦੀ ਕੋਈ ਹੱਦ ਨਹੀਂ ਰਹੀ। ਪੂਰਾ ਕਮੈਂਟ ਬਾਕਸ ਇਕ ਤੋਂ ਬਾਅਦ ਇਕ ਵਧਾਈ ਸੰਦੇਸ਼ਾਂ ਨਾਲ ਭਰ ਗਿਆ। ਹੁਣ ਜਿਵੇਂ ਹੀ ਅਦਾਕਾਰ ਦੇ ਪ੍ਰਸ਼ੰਸਕਾਂ ਨੂੰ ਪਤਾ ਲੱਗਾ ਹੈ ਕਿ ਅਦਾਕਾਰ ਦੇ ਘਰ ਪੁੱਤਰ ਨੇ ਜਨਮ ਲਿਆ ਹੈ ਤਾਂ ਉਹ ਖੁਸ਼ੀ ਨਾਲ ਭਰ ਗਏ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ