ਦੁਖਦਾਇਕ ! ਡਰੱਗ ਦੀ ਓਵਰਡੋਜ਼ ਨੇ ਲੈ ਲਈ ਸੀ ਮਸ਼ਹੂਰ ਅਦਾਕਾਰ ਦੀ ਜਾਨ

ਐਂਟਰਟੇਨਮੈਂਟ ਡੈਸਕ: ਹਾਲੀਵੁੱਡ ਦੀ ਦੁਨੀਆ ਵਿੱਚੋਂ ਇੱਕ ਬਹੁਤ ਹੀ ਦੁਖਦਾਈ ਖ਼ਬਰ ਸਾਹਮਣੇ ਆਈ ਹੈ। ਪ੍ਰਤਿਭਾਸ਼ਾਲੀ ਅਦਾਕਾਰ ਰਿਵਰ ਫੀਨਿਕਸ  ਬਹੁਤ ਜਲਦੀ ਇਸ ਦੁਨੀਆ ਤੋਂ ਚਲੇ ਗਏ ਅਤੇ ਆਪਣੇ ਪਿੱਛੇ ਸਿਰਫ ਯਾਦਾਂ ਛੱਡ ਗਏ। ਰਿਵਰ ਫੀਨਿਕਸ ਨੇ ਆਪਣੇ ਛੋਟੇ ਜਿਹੇ ਕਰੀਅਰ ਵਿੱਚ ਉਹ ਪ੍ਰਸਿੱਧੀ ਹਾਸਲ ਕਰ ਲਈ ਸੀ ਜੋ ਕਈ ਲੋਕਾਂ ਨੂੰ ਪੂਰੀ ਜ਼ਿੰਦਗੀ ਵਿੱਚ ਵੀ ਨਹੀਂ ਮਿਲਦੀ। ਉਨ੍ਹਾਂ ਨੇ ਮਹਿਜ਼ 10 ਸਾਲ ਦੀ ਉਮਰ ਵਿੱਚ ਫਿਲਮ ਇੰਡਸਟਰੀ ਵਿੱਚ ਕਦਮ ਰੱਖਿਆ ਸੀ। ਸਾਲ 1986 ਵਿੱਚ ਆਈ ਫਿਲਮ ‘ਸਟੈਂਡ ਬਾਏ ਮੀ’ ਉਨ੍ਹਾਂ ਦੇ ਕਰੀਅਰ ਦਾ ਇੱਕ ਅਹਿਮ ਮੋੜ ਸਾਬਿਤ ਹੋਈ।
ਆਸਕਰ ਤੱਕ ਦਾ ਸਫ਼ਰ ਰਿਵਰ ਫੀਨਿਕਸ ਨੇ ਫਿਲਮ ‘ਰਨਿੰਗ ਆਨ ਐਮਪਟੀ’ ਵਿੱਚ ਸ਼ਾਨਦਾਰ ਅਦਾਕਾਰੀ ਕੀਤੀ, ਜਿਸ ਲਈ ਉਨ੍ਹਾਂ ਨੂੰ ਆਸਕਰ ਨਾਮਜ਼ਦਗੀ ਵੀ ਮਿਲੀ। ਉਹ ਆਪਣੇ ਕਿਰਦਾਰਾਂ ਵਿੱਚ ਪੂਰੀ ਤਰ੍ਹਾਂ ਡੁੱਬ ਜਾਣ ਵਾਲੇ ਕਲਾਕਾਰ ਮੰਨੇ ਜਾਂਦੇ ਸਨ। ਕਈ ਵਾਰ ਉਨ੍ਹਾਂ ਨੇ ਫਿਲਮਾਂ ਵਿੱਚ ਆਪਣੇ ਭਾਵਨਾਤਮਕ ਸੀਨ ਖੁਦ ਲਿਖੇ ਅਤੇ ਬਿਨਾਂ ਦੱਸੇ ਸ਼ੂਟ ਕਰ ਲਏ, ਜੋ ਕਿ ਨਿਰਦੇਸ਼ਕਾਂ ਨੂੰ ਵੀ ਪ੍ਰਭਾਵਿਤ ਕਰਦੇ ਸਨ।
ਵੀਗਨਿਜ਼ਮ ਦਾ ਸਮਰਥਕ ਰਿਵਰ ਫੀਨਿਕਸ ਸਿਰਫ ਇੱਕ ਕਲਾਕਾਰ ਨਹੀਂ, ਬਲਕਿ ਵੀਗਨਿਜ਼ਮ ਦੇ ਪ੍ਰਵਕਤਾ ਵੀ ਸਨ। ਉਨ੍ਹਾਂ ਨੇ ਬਚਪਨ ਤੋਂ ਹੀ ਮਾਸਾਹਾਰ ਛੱਡ ਦਿੱਤਾ ਸੀ ਅਤੇ ਪੂਰੀ ਜ਼ਿੰਦਗੀ ਪਸ਼ੂ ਅਧਿਕਾਰਾਂ ਲਈ ਆਵਾਜ਼ ਉਠਾਈ। ਆਪਣੀ ਇਸ ਸੰਵੇਦਨਸ਼ੀਲਤਾ ਕਾਰਨ ਲੋਕ ਉਨ੍ਹਾਂ ਨੂੰ “The Gentle Rebel of Hollywood” ਕਹਿ ਕੇ ਬੁਲਾਉਂਦੇ ਸਨ।
ਡਰੱਗਜ਼ ਓਵਰਡੋਜ਼ ਨੇ ਲਈ ਜਾਨ 31 ਅਕਤੂਬਰ 1993 ਦੀ ਰਾਤ ਨੂੰ ਰਿਵਰ ਫੀਨਿਕਸ ਲਾਸ ਏਂਜਲਸ ਦੇ 'ਵਾਇਪਰ ਰੂਮ' ਕਲੱਬ ਦੇ ਬਾਹਰ ਬੇਹੋਸ਼ ਹੋ ਗਏ। ਉਨ੍ਹਾਂ ਨੂੰ ਤੁਰੰਤ ਹਸਪਤਾਲ ਲਿਜਾਇਆ ਗਿਆ, ਪਰ ਡਾਕਟਰਾਂ ਨੇ ਉਨ੍ਹਾਂ ਨੂੰ ਮ੍ਰਿਤਕ ਘੋਸ਼ਿਤ ਕਰ ਦਿੱਤਾ। ਬਾਅਦ ਵਿੱਚ ਪਤਾ ਚੱਲਿਆ ਕਿ ਉਨ੍ਹਾਂ ਦੀ ਮੌਤ ਦਾ ਕਾਰਨ ਡਰੱਗਜ਼ ਦਾ ਓਵਰਡੋਜ਼ ਸੀ।
ਰਿਵਰ ਫੀਨਿਕਸ ਦੀ ਮੌਤ ਨੇ ਨਾ ਸਿਰਫ ਫਿਲਮ ਇੰਡਸਟਰੀ ਬਲਕਿ ਸਮਾਜ ਨੂੰ ਵੀ ਝੰਜੋੜ ਦਿੱਤਾ, ਜਿਸ ਤੋਂ ਬਾਅਦ ਲੋਕਾਂ ਨੇ ਡਰੱਗਜ਼ ਦੇ ਮਾੜੇ ਪ੍ਰਭਾਵਾਂ 'ਤੇ ਗੰਭੀਰਤਾ ਨਾਲ ਗੱਲ ਕਰਨੀ ਸ਼ੁਰੂ ਕੀਤੀ। ਉਨ੍ਹਾਂ ਦੇ ਛੋਟੇ ਭਰਾ ਜੋਆਕਿਨ ਫੀਨਿਕਸ ਨੇ ਵੀ ਹਾਲੀਵੁੱਡ ਵਿੱਚ ਵੱਡਾ ਨਾਮ ਕਮਾਇਆ ਅਤੇ ‘ਜੋਕਰ’ ਫਿਲਮ ਲਈ ਆਸਕਰ ਜਿੱਤਿਆ। ਰਿਵਰ ਫੀਨਿਕਸ ਨੂੰ ਅੱਜ ਵੀ ਉਨ੍ਹਾਂ ਦੇ ਕੰਮ ਅਤੇ ਸੰਦੇਸ਼ ਲਈ ਯਾਦ ਕੀਤਾ ਜਾਂਦਾ ਹੈ, ਜੋ ਕਿ ਸੰਵੇਦਨਸ਼ੀਲਤਾ, ਪ੍ਰਤੀਬੱਧਤਾ ਅਤੇ ਸੱਚਾਈ ਦਾ ਪ੍ਰਤੀਕ ਸੀ।