ਸ਼ਾਹਰੁਖ ਖ਼ਾਨ ਨੂੰ ਬਾਲੀਵੁੱਡ ''ਚ 30 ਸਾਲ ਹੋਏ ਪੂਰੇ, ਭਾਵੁਕ ਪੋਸਟ ਸਾਂਝੀ ਕਰ ਆਖੀ ਇਹ ਗੱਲ

ਮੁੰਬਈ- ਬਾਲੀਵੁੱਡ ਦੇ ਮਸ਼ਹੂਰ ਅਦਾਕਾਰ ਸ਼ਾਹਰੁਖ ਖ਼ਾਨ ਨੂੰ ਫ਼ਿਲਮ ਇੰਡਸਟਰੀ ‘ਚ 30 ਸਾਲ ਹੋ ਗਏ ਹਨ। 1992 ਵਿੱਚ ਉਸ ਨੇ ਬਾਲੀਵੁੱਡ ਵਿੱਚ ਡੈਬਿਊ ਦਿਵਿਆ ਭਾਰਤੀ ਅਤੇ ਅਦਾਕਾਰ ਰਿਸ਼ੀ ਕਪੂਰ ਦੀ ਫ਼ਿਲਮ ‘ਦੀਵਾਨਾ’ ਨਾਲ ਕੀਤਾ ਸੀ। ਬਾਲੀਵੁੱਡ ਵਿੱਚ 30 ਸਾਲ ਪੂਰੇ ਹੋਣ ਤੇ ਸ਼ਾਹਰੁਖ ਨੇ ਸੋਸ਼ਲ ਮੀਡੀਆ ਉੱਤੇ ਇੱਕ ਭਾਵਨਾਤਮਕ ਪੋਸਟ ਸਾਂਝੀ ਕੀਤੀ ਹੈ। ਸ਼ਾਹਰੁਖ ਖ਼ਾਨ ਨੇ ਟਵੀਟ ਕਰਦੇ ਹੋਏ ਲਿਖਿਆ ਹੈ ‘ਤੁਸੀਂ ਮੈਨੂੰ 30 ਸਾਲਾਂ ਤੋਂ ਆਪਣਾ ਪਿਆਰ ਦੇ ਰਹੇ ਹੋ।

Been working. Just saw the ’overwhelmed ness’ of the lov of nearly 30 yrs u r showering on me here. Realised it’s more than half my life in the service of hoping to entertain u all. Will take out time tomorrow & share some love back personally. Thx needed to feel loved….

— Shah Rukh Khan (@iamsrk) June 24, 2021

ਮੈਨੂੰ ਅਹਿਸਾਸ ਹੋਇਆ ਕਿ ਮੈਂ ਅੱਧੀ ਜ਼ਿੰਦਗੀ ਤੁਹਾਡੇ ਮਨੋਰੰਜਨ ਵਿੱਚ ਬਿਤਾਈ ਹੈ। ਕੱਲ੍ਹ ਮੈਂ ਤੁਹਾਡੇ ਨਾਲ ਮੁਲਾਕਾਤ ਕਰਨ ਅਤੇ ਆਪਣਾ ਪਿਆਰ ਸਾਂਝਾ ਕਰਨ ਲਈ ਜਲਦੀ ਮਿਲਾਂਗਾ। ਤੁਹਾਡੇ ਪਿਆਰ ਲਈ ਧੰਨਵਾਦ’। ਸ਼ਾਹਰੁਖ ਖ਼ਾਨ ਦੀ ਇਸ ਪੋਸਟ ’ਤੇ ਉਹਨਾਂ ਦੇ ਪ੍ਰਸ਼ੰਸਕ ਲਗਾਤਾਰ ਕਮੈਂਟ ਕਰ ਰਹੇ ਹਨ। ਉਸ ਦੇ ਪ੍ਰਸ਼ੰਸਕ ਟਵੀਟ ਕਰਕੇ ਅਤੇ ਉਸਦੀਆਂ ਪੁਰਾਣੀਆਂ ਤਸਵੀਰਾਂ ਨੂੰ ਸਾਂਝਾ ਕਰਕੇ ਉਸ ਲਈ ਆਪਣੇ ਪਿਆਰ ਦਾ ਇਜ਼ਹਾਰ ਕਰ ਰਹੇ ਹਨ। ਦੂਰਦਰਸ਼ਨ ‘ਤੇ ਸੀਰੀਅਲ 'ਫੌਜੀ' ਅਤੇ 'ਸਰਕਸ ‘ਨਾਲ ਮਨੋਰੰਜਨ ਇੰਡਸਟਰੀ 'ਚ ਦਾਖਲ ਹੋਣ ਵਾਲੇ ਦਿੱਲੀ ਦੇ ਸ਼ਾਹਰੁਖ ਖ਼ਾਨ ਦੀ ਕਾਫੀ ਵੱਡੀ ਫੈਨ ਫਾਲੋਵਿੰਗ ਹੈ।