‘ਰਾਕੇਟਰੀ : ਦਿ ਨੰਬੀ ਇਫੈਕਟ’ ਸਭ ਤੋਂ ਉੱਤਮ ਫੀਚਰ ਫ਼ਿਲਮ, ਆਲੀਆ ਭੱਟ ਅਤੇ ਕ੍ਰਿਤੀ ਸੈਨਨ ਸਭ ਤੋਂ ਉੱਤਮ ਅਦਾਕਾਰਾਂ

ਨਵੀਂ ਦਿੱਲੀ (ਬਿਊਰੋ) - ਹਿੰਦੀ ਫ਼ਿਲਮ ‘ਰਾਕੇਟਰੀ : ਦਿ ਨੰਬੀ ਇਫੈਕਟ’ ਨੇ ਵੀਰਵਾਰ ਨੂੰ ਸਭ ਤੋਂ ਉੱਤਮ ਫੀਚਰ ਫ਼ਿਲਮ ਦਾ ਰਾਸ਼ਟਰੀ ਐਵਾਰਡ ਜਿੱਤਿਆ, ਜਦੋਂਕਿ ਆਲੀਆ ਭੱਟ ਨੇ ‘ਗੰਗੂਬਾਈ ਕਾਠੀਆਵਾੜੀ’ ਅਤੇ ਕ੍ਰਿਤੀ ਸੈਨਨ ਨੇ ‘ਮਿਮੀ’ ਵਿਚ ਭੂਮਿਕਾਵਾਂ ਲਈ ਸਭ ਤੋਂ ਉੱਤਮ ਅਭਿਨੇਤਰੀਆਂ ਦਾ ਐਵਾਰਡ ਜਿੱਤਿਆ। ਦੱਖਣ ਭਾਰਤੀ ਫ਼ਿਲਮਾਂ ਦੇ ਸੁਪਰਸਟਾਰ ਅੱਲੂ ਅਰਜੁਨ ਨੂੰ ਤੇਲੁਗੂ ਫ਼ਿਲਮ ‘ਚੰਪਾਪੁਰੀ : ਦਿ ਰਾਈਜ (ਪਾਰਟ 1)’ ਲਈ ਸਭ ਤੋਂ ਉੱਤਮ ਅਦਾਕਾਰ ਦਾ ਰਾਸ਼ਟਰੀ ਐਵਾਰਡ ਦੇਣ ਦਾ ਫੈਸਲਾ ਕੀਤਾ ਗਿਆ ਹੈ।

ਇਹ ਖ਼ਬਰ ਵੀ ਪੜ੍ਹੋ : ਚੰਦਰਯਾਨ-3 ਦੀ ਸਫ਼ਲਤਾਪੂਰਵਕ ਲੈਂਡਿੰਗ ’ਤੇ ਪੰਜਾਬੀ, ਹਿੰਦੀ ਤੇ ਸਾਊਥ ਕਲਾਕਾਰਾਂ ਨੇ ਇੰਝ ਦਿੱਤੀ ਦੇਸ਼ ਵਾਸੀਆਂ ਨੂੰ ਵਧਾਈ

ਫ਼ਿਲਮ ਨਿਰਮਾਤਾ ਕੇਤਨ ਮਹਿਤਾ ਨੇ ਰਾਸ਼ਟਰੀ ਐਵਾਰਡ, 2021 ਲਈ 11 ਮੈਂਬਰੀ ਜਿਊਰੀ ਦੀ ਪ੍ਰਧਾਨਗੀ ਕੀਤੀ। ਸਭ ਤੋਂ ਉੱਤਮ ਨਿਰਦੇਸ਼ਕ ਦਾ ਰਾਸ਼ਟਰੀ ਫ਼ਿਲਮ ਐਵਾਰਡ ਮਰਾਠੀ ਫ਼ਿਲਮ ‘ਗੋਦਾਵਰੀ’ ਲਈ ਨਿਖਿਲ ਮਹਾਜਨ ਨੂੰ ਦਿੱਤਾ ਗਿਆ। ਪੰਕਜ ਤ੍ਰਿਪਾਠੀ ਨੂੰ ‘ਮਿਮੀ’ ਲਈ ਸਭ ਤੋਂ ਉੱਤਮ ਸਹਾਇਕ ਕਲਾਕਾਰ ਅਤੇ ਪੱਲਵੀ ਜੋਸ਼ੀ ਨੂੰ ‘ਦਿ ਕਸ਼ਮੀਰ ਫਾਈਲਸ’ ਲਈ ਸਭ ਤੋਂ ਉੱਤਮ ਸਹਾਇਕ ਅਦਾਕਾਰਾ ਦਾ ਐਵਾਰਡ ਦੇਣ ਦਾ ਐਲਾਨ ਕੀਤਾ ਗਿਆ ਹੈ।

ਇਹ ਖ਼ਬਰ ਵੀ ਪੜ੍ਹੋ - ਗਾਇਕ ਮੀਕਾ ਸਿੰਘ ਦੀ ਮੁੜ ਵਿਗੜੀ ਸਿਹਤ, ਆਪਣੀਆਂ ਗਲਤੀਆਂ ਕਾਰਨ ਭੁਗਤਣਾ ਪਿਆ 15 ਕਰੋੜ ਦਾ ਨੁਕਸਾਨ

ਵਿਵੇਕ ਰੰਜਨ ਅਗਨੀਹੋਤਰੀ ਦੇ ਨਿਰਦੇਸ਼ਨ ਵਾਲੀ ‘ਦਿ ਕਸ਼ਮੀਰ ਫਾਈਲਸ’ ਨੇ ਰਾਸ਼ਟਰੀ ਏਕਤਾ ’ਤੇ ਸਭ ਤੋਂ ਉੱਤਮ ਫਿਲਮ ਲਈ ਨਰਗਿਸ ਦੱਤ ਐਵਾਰਡ ਵੀ ਜਿੱਤਿਆ। ਦਰਸ਼ਕਾਂ ਦਾ ਭਰਪੂਰ ਮਨੋਰੰਜਨ ਕਰਨ ਲਈ ਸਭ ਤੋਂ ਉੱਤਮ ਲੋਕਪ੍ਰਿਯ ਫ਼ਿਲਮ ਦਾ ਐਵਾਰਡ ‘ਆਰ. ਆਰ. ਆਰ.’ ਦੇ ਤੇਲੁਗੂ ਐਡੀਸ਼ਨ ਨੂੰ ਦਿੱਤਾ ਗਿਆ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ-  ਇਸ ਖ਼ਬਰ ਸਬੰਧੀ ਤੁਹਾਡੀ ਕੀ ਹੈ ਰਾਏ, ਕੁਮੈਂਟ ਕਰਕੇ ਜ਼ਰੂਰ ਦਿਓ ਰਾਏ।