TMKOC : ਮੋਨਿਕਾ ਭਦੋਰੀਆ ਦਾ ਦਾਅਵਾ, ਮੇਕਰਜ਼ ‘ਬਬੀਤਾ ਜੀ’ ਨੂੰ ਕਰਦੇ ਸਨ ਪ੍ਰੇਸ਼ਾਨ

ਮੁੰਬਈ (ਬਿਊਰੋ)– ‘ਤਾਰਕ ਮਹਿਤਾ ਕਾ ਉਲਟਾ ਚਸ਼ਮਾ’ ਦੀ ਰੌਸ਼ਨ ਭਾਬੀ ਉਰਫ ਜੈਨੀਫਰ ਮਿਸਤਰੀ ਅਸਿਤ ਮੋਦੀ ’ਤੇ ਗੰਭੀਰ ਦੋਸ਼ ਲਗਾਉਂਦਿਆਂ ਸ਼ੋਅ ਤੋਂ ਬਾਹਰ ਹੋ ਗਈ। ਇਸ ਤੋਂ ਬਾਅਦ ਮੋਨਿਕਾ ਭਦੋਰੀਆ ਨੇ ਵੀ ਕਈ ਹੈਰਾਨ ਕਰਨ ਵਾਲੇ ਦਾਅਵੇ ਕੀਤੇ ਹਨ। ਇਸ ਤੋਂ ਪਹਿਲਾਂ ਉਹ ਦਿਸ਼ਾ ਵਕਾਨੀ ਬਾਰੇ ਕਾਫੀ ਕੁਝ ਕਹਿ ਚੁੱਕੀ ਹੈ। ਉਸ ਨੇ ਕਿਹਾ ਕਿ ਉਹ ਇਸ ਸ਼ੋਅ ’ਚ ਕਦੇ ਵਾਪਸ ਨਹੀਂ ਆਵੇਗੀ ਕਿਉਂਕਿ ਨਿਰਮਾਤਾ ਨੇ ਉਨ੍ਹਾਂ ਨਾਲ ਗਲਤ ਵਿਵਹਾਰ ਕੀਤਾ ਹੈ ਤੇ ਹੁਣ ਉਹ ਮੁਨਮੁਨ ਦੱਤਾ ਦਾ ਜ਼ਿਕਰ ਕਰਦੀ ਨਜ਼ਰ ਆ ਰਹੀ ਹੈ।

‘ਤਾਰਕ ਮਹਿਤਾ ਕਾ ਉਲਟ ਚਸ਼ਮਾ’ ’ਚ ਬਾਵਰੀ ਦਾ ਕਿਰਦਾਰ ਨਿਭਾਉਣ ਵਾਲੀ ਮੋਨਿਕਾ ਭਦੋਰੀਆ ਨੇ ਆਪਣੇ ਤਾਜ਼ਾ ਇੰਟਰਵਿਊ ’ਚ ਦਾਅਵਾ ਕੀਤਾ ਹੈ ਕਿ ਮੁਨਮੁਨ ਦੱਤਾ, ਜੋ ਬਬੀਤਾ ਜੀ ਦੀ ਭੂਮਿਕਾ ’ਚ ਸੀ, ਮੇਕਰਸ ਤੇ ਅਸਿਤ ਮੋਦੀ ਨਾਲ ਉਨ੍ਹਾਂ ਦੀ ਤਕਰਾਰ ਹੋ ਗਈ ਸੀ। ਇਸ ਦੌਰਾਨ ਜ਼ਬਰਦਸਤ ਲੜਾਈ ਹੋਈ ਤੇ ਉਹ ਸ਼ੋਅ ਛੱਡ ਕੇ ਚਲੀ ਗਈ। ਇੰਨਾ ਹੀ ਨਹੀਂ, ਉਨ੍ਹਾਂ ਨੇ ਸ਼ੋਅ ’ਚ ਪੁਰਸ਼ਾਂ ਤੇ ਔਰਤਾਂ ਅਦਾਕਾਰਾਂ ਤੇ ਅਭਿਨੇਤਰੀਆਂ ਦੀ ਤਨਖ਼ਾਹ ’ਚ ਫਰਕ ਬਾਰੇ ਵੀ ਗੱਲ ਕੀਤੀ ਕਿਉਂਕਿ ਦੋਵੇਂ ਬਰਾਬਰ ਸਕ੍ਰੀਨ ਟਾਈਮ ਦੇ ਰਹੇ ਹਨ ਤੇ ਫਿਰ ਵੀ ਪੁਰਸ਼ਾਂ ਨੂੰ ਜ਼ਿਆਦਾ ਤਨਖ਼ਾਹ ਦਿੱਤੀ ਜਾਂਦੀ ਹੈ।

ਇਹ ਖ਼ਬਰ ਵੀ ਪੜ੍ਹੋ : ਮੂਸੇ ਵਾਲਾ ਕਤਲਕਾਂਡ ’ਚ ਲਾਰੈਂਸ ਦਾ ਵੱਡਾ ਕਬੂਲਨਾਮਾ, ਯੂ. ਪੀ. ’ਚੋਂ ਖ਼ਰੀਦੇ ਸਨ 2 ਕਰੋੜ ਦੇ ਹਥਿਆਰ!

ਮੁਨਮੁਨ ਦੱਤਾ ਬਾਰੇ ਮੋਨਿਕਾ ਦਾ ਦਾਅਵਾ
ਮੋਨਿਕਾ ਭਦੋਰੀਆ ਨੇ ਕਿਹਾ, ‘‘ਮੁਨਮੁਨ ਦੱਤਾ ਨੇ ਸ਼ੋਅ ਨਹੀਂ ਛੱਡਿਆ ਪਰ ਉਸ ਨੂੰ ਪ੍ਰੇਸ਼ਾਨ ਕੀਤਾ ਗਿਆ ਤੇ ਇਸ ਲਈ ਉਹ ਲੰਬੇ ਸਮੇਂ ਤੱਕ ਸੈੱਟ ’ਤੇ ਨਹੀਂ ਆਈ। ਜਦੋਂ ਨਿਰਮਾਤਾ ਬਹੁਤ ਪ੍ਰੇਸ਼ਾਨ ਹੁੰਦੇ ਹਨ, ਲੋਕ ਫ਼ੈਸਲਾ ਕਰਦੇ ਹਨ ਕਿ ਉਹ ਕੰਮ ’ਤੇ ਵਾਪਸ ਨਹੀਂ ਆ ਸਕਦੇ ਪਰ ਬਾਅਦ ’ਚ ਉਨ੍ਹਾਂ ਨੂੰ ਬੁਲਾਇਆ ਜਾਂਦਾ ਹੈ ਤੇ ਚੀਜ਼ਾਂ ਨੂੰ ਬਿਹਤਰ ਬਣਾਉਣ ਦੀ ਕੋਸ਼ਿਸ਼ ਕੀਤੀ ਜਾਂਦੀ ਹੈ। ਉਸ (ਮੁਨਮੁਨ ਦੱਤਾ) ਨਾਲ ਵੀ ਕਈ ਝਗੜੇ ਹੋ ਚੁੱਕੇ ਹਨ। ਕਈ ਦਲੀਲਾਂ ਤੋਂ ਬਾਅਦ ਉਹ ਸੈੱਟ ਛੱਡ ਕੇ ਜਾ ਚੁੱਕੀ ਹੈ ਤੇ ਕਈ ਦਿਨਾਂ ਤੋਂ ਸੈੱਟ ’ਤੇ ਨਹੀਂ ਆਈ ਹੈ।

ਮੋਨਿਕਾ ਭਦੋਰੀਆ ਨੇ ਫਿਰ ਲਗਾਇਆ ਇਲਜ਼ਾਮ
ਮੋਨਿਕਾ ਭਦੋਰੀਆ ਨੇ ਸ਼ੋਅ ਦੇ ਨਿਰਮਾਤਾਵਾਂ ’ਤੇ ਅਦਾਕਾਰਾਂ ਨੂੰ ਵੱਧ ਤਨਖ਼ਾਹ ਦੇਣ ਤੇ ਅਭਿਨੇਤਰੀਆਂ ਨਾਲ ਦੁਰਵਿਵਹਾਰ ਕਰਨ ਦਾ ਦੋਸ਼ ਲਗਾਇਆ ਹੈ। ਉਨ੍ਹਾਂ ਕਿਹਾ, ‘‘ਉਹ ਔਰਤਾਂ ਨੂੰ ਮਹੱਤਵ ਨਹੀਂ ਦਿੰਦੇ। ਜੇਕਰ ਕਿਸੇ ਮਹਿਲਾ ਅਭਿਨੇਤਰੀ ਦੀ ਸ਼ੂਟਿੰਗ ਖ਼ਤਮ ਹੋ ਜਾਂਦੀ ਹੈ ਤਾਂ ਉਹ ਉਸ ਨੂੰ ਰੁਕਣ ਲਈ ਕਹਿੰਦੇ ਹਨ। ਉਹ ਪਹਿਲਾਂ ਪੁਰਸ਼ ਕਲਾਕਾਰਾਂ ਦੀ ਸ਼ੂਟਿੰਗ ਖ਼ਤਮ ਕਰਨ ਦੀ ਕੋਸ਼ਿਸ਼ ਕਰਦੇ ਹਨ। ਕੁਝ ਵੀ ਹੋਵੇ, ਉਹ ਉਥੇ ਔਰਤਾਂ ਦੀ ਕਦਰ ਨਹੀਂ ਕਰਦੇ।’’

ਮੋਨਿਕਾ ਭਦੋਰੀਆ ਨੇ ਤਨਖ਼ਾਹ ਦੇ ਫਰਕ ’ਤੇ ਗੱਲ ਕੀਤੀ
ਮੋਨਿਕਾ ਭਦੋਰੀਆ ਨੇ ਕਿਹਾ, ‘‘ਪੁਰਸ਼ ਅਦਾਕਾਰਾਂ ਨੂੰ ਜ਼ਿਆਦਾ ਤਨਖ਼ਾਹ ਦਿੱਤੀ ਜਾਂਦੀ ਹੈ। ਨਿਰਮਾਤਾ ਅਦਾਕਾਰਾਂ ਦੇ ਮੁਕਾਬਲੇ ਅਭਿਨੇਤਰੀਆਂ ਨੂੰ ਬਹੁਤ ਘੱਟ ਤਨਖ਼ਾਹ ਦਿੰਦੇ ਹਨ, ਹਾਲਾਂਕਿ ਦੋਵਾਂ ਦਾ ਸਕ੍ਰੀਨ ਸਮਾਂ ਇਕੋ ਹੁੰਦਾ ਹੈ। ਉਹ ਉਥੇ ਔਰਤਾਂ ਨਾਲ ਦੁਰਵਿਵਹਾਰ ਕਰਦੇ ਹਨ। ਤੁਸੀਂ ਹੋਰ ਕੀ ਉਮੀਦ ਕਰ ਸਕਦੇ ਹੋ? ਮੈਂ ਤੁਹਾਨੂੰ ਕਦੇ ਨਹੀਂ ਦੱਸ ਸਕਦੀ ਕਿ ਉਹ ਕੀ ਕਹਿੰਦੇ ਹਨ। ਮੈਂ ਅਜਿਹੀ ਗੰਦੀ ਭਾਸ਼ਾ ਕਦੇ ਨਹੀਂ ਵਰਤ ਸਕਦੀ।

ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।