ਯੂਜ਼ਰ ਦੀ ਬਦਤਮੀਜ਼ੀ ਦਾ ਤਾਪਸੀ ਪਨੂੰ ਨੇ ਇੰਝ ਦਿੱਤਾ ਜਵਾਬ, ਕਿਹਾ- ‘ਆਪਣੀ ਬਕਵਾਸ ਕਰਕੇ...’

ਮੁੰਬਈ (ਬਿਊਰੋ)– ਬਾਲੀਵੁੱਡ ਅਦਾਕਾਰਾ ਤਾਪਸੀ ਪਨੂੰ ਦਾ ਨਾਂ ਉਨ੍ਹਾਂ ਅਦਾਕਾਰਾਂ ’ਚ ਸ਼ਾਮਲ ਹੈ, ਜੋ ਸੋਸ਼ਲ ਮੀਡੀਆ ’ਤੇ ਬੇਹੱਦ ਸਰਗਰਮ ਰਹਿੰਦੀਆਂ ਹਨ ਤੇ ਆਏ ਦਿਨ ਕੋਈ ਨਾ ਕੋਈ ਮੁੱਦਾ ਚੁੱਕਦੀਆਂ ਹਨ। ਸੋਸ਼ਲ ਮੀਡੀਆ ’ਤੇ ਆਪਣੀਆਂ ਤਸਵੀਰਾਂ ਤੇ ਵੀਡੀਓਜ਼ ਨਾਲ ਉਹ ਲੋਕਾਂ ਦੇ ਦਿਲਾਂ ’ਚ ਵੀ ਵੱਖਰੀ ਪਛਾਣ ਬਣਾ ਚੁੱਕੀ ਹੈ, ਨਾਲ ਹੀ ਸਮਾਜਿਕ ਮੁੱਦਿਆਂ ’ਤੇ ਆਪਣੀ ਬੇਬਾਕ ਰਾਏ ਰੱਖਦੀ ਰਹਿੰਦੀ ਹੈ।

ਦੇਸ਼ ਭਰ ’ਚ ਕੋਰੋਨਾ ਮਹਾਮਾਰੀ ਦਾ ਕਹਿਰ ਲਗਾਤਾਰ ਜਾਰੀ ਹੈ। ਇਸ ਨੂੰ ਲੈ ਕੇ ਵੀ ਤਾਪਸੀ ਸੋਸ਼ਲ ਮੀਡੀਆ ’ਤੇ ਲੋਕਾਂ ਨੂੰ ਜਾਗਰੂਕ ਕਰਦੀ ਰਹਿੰਦੀ ਹੈ।

ਇਹ ਖ਼ਬਰ ਵੀ ਪੜ੍ਹੋ : ਸ਼ਹਿਨਾਜ਼ ਗਿੱਲ ਨੇ ਲੋਕਾਂ ਨੂੰ ਦਿੱਤੀ ਮਾਸਕ ਪਹਿਨਣ ਦੀ ਨਸੀਹਤ, ਖ਼ੁਦ ਹੀ ਹੋ ਗਈ ਟਰੋਲ

ਇਸ ਦੌਰਾਨ ਹਾਲ ਹੀ ’ਚ ਇਕ ਯੂਜ਼ਰ ਨੇ ਤਾਪਸੀ ਦੀ ਇਸ ਮਦਦ ’ਤੇ ਸਵਾਲ ਚੁੱਕਿਆ ਹੈ ਤੇ ਉਸ ਨੂੰ ਟਰੋਲ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ, ਜਿਸ ਤੋਂ ਬਾਅਦ ਤਾਪਸੀ ਨੇ ਵੀ ਯੂਜ਼ਰ ਨੂੰ ਅਜਿਹਾ ਜਵਾਬ ਦਿੱਤਾ ਕਿ ਉਸ ਦੀ ਬੋਲਤੀ ਬੰਦ ਹੋ ਗਈ ਤੇ ਡਰ ਦੇ ਮਾਰੇ ਯੂਜ਼ਰ ਨੇ ਆਪਣਾ ਟਵੀਟ ਹੀ ਡਿਲੀਟ ਕਰ ਦਿੱਤਾ।

Can you please shut up! Like just STFU ! If this is all u wanna say in these times then hold on until this country gets back to breathing normally and then get back to your shit ways until then DONT CROWD MY TIMELINE WITH YOUR NONSENSE and let me do what I am doing! https://t.co/is6bUOG6mA

— taapsee pannu (@taapsee) April 26, 2021

ਅਸਲ ’ਚ ਤਾਪਸੀ ਦੇ ਟਵੀਟ ’ਤੇ ਇਕ ਯੂਜ਼ਰ ਨੇ ਕੁਮੈਂਟ ਕਰਦਿਆਂ ਲਿਖਿਆ, ‘ਆਪਣੀ ਕਾਰ ਦੇ ਦੇ ਪਨੂੰ... ਸਾਰੇ ਕੰਮ ਟਵਿਟਰ ’ਤੇ ਹੀ ਕਰੇਗੀ... ਦੁਕਾਨ ਬਣਾ ਲਓ ਇਸ ਸਸਤੇ ਸਾਮਾਨ ਨਾਲ।’

ਯੂਜ਼ਰ ਦੀ ਇਸ ਬਦਤਮੀਜ਼ੀ ’ਤੇ ਅਦਾਕਾਰਾ ਨੇ ਲਿਖਿਆ, ‘ਕੀ ਤੂੰ ਆਪਣਾ ਮੂੰਹ ਬੰਦ ਕਰ ਸਕਦਾ ਹੈ। ਜੇਕਰ ਤੂੰ ਇਸ ਸਮੇਂ ਇਹ ਗੱਲ ਕਰਨੀ ਹੈ ਤਾਂ ਰੁੱਕ ਪਹਿਲਾਂ ਦੇਸ਼ ਨੂੰ ਵਾਪਸ ਸਾਧਾਰਨ ਹੋ ਕੇ ਸਾਹ ਲੈਣ ਦੇ, ਫਿਰ ਤੇਰੀ ਬਕਵਾਸ ’ਤੇ ਆਵਾਂਗੀ। ਉਦੋਂ ਤੱਕ ਮੇਰੀ ਟਾਈਮਲਾਈਨ ’ਤੇ ਆਪਣੀ ਬਕਵਾਸ ਕਰਕੇ ਭੀੜ ਨਾ ਵਧਾ ਤੇ ਮੈਨੂੰ ਕਰਨ ਦੇ ਜੋ ਮੈਂ ਕਰ ਰਹੀ ਹਾਂ।’

ਨੋਟ– ਤਾਪਸੀ ਦੇ ਇਸ ਟਵੀਟ ’ਤੇ ਤੁਸੀਂ ਕੀ ਕਹੋਗੇ? ਕੁਮੈਂਟ ਕਰਕੇ ਜ਼ਰੂਰ ਦੱਸੋ।