ਸੰਨੀ ਮਾਲਟਨ ਨੂੰ ਪਸੰਦ ਆਇਆ ਸਿੱਧੂ ਮੂਸੇ ਵਾਲਾ ਦਾ ‘ਬ੍ਰਾਊਨ ਸ਼ੋਰਟੀ’ ਗੀਤ, ਪਿਛਲੇ ਸਾਲ ਖ਼ੁਦ ਕੀਤਾ ਸੀ ਲੀਕ

ਚੰਡੀਗੜ੍ਹ (ਬਿਊਰੋ)– ਸਿੱਧੂ ਮੂਸੇ ਵਾਲਾ ਦਾ ਬੀਤੇ ਦਿਨੀਂ ‘ਬ੍ਰਾਊਨ ਸ਼ੋਰਟੀ’ ਗੀਤ ਰਿਲੀਜ਼ ਹੋਇਆ ਹੈ। ਇਸ ਗੀਤ ’ਚ ਸਿੱਧੂ ਮੂਸੇ ਵਾਲਾ ਨਾਲ ਪੰਜਾਬੀ ਅਦਾਕਾਰਾ ਸੋਨਮ ਬਾਜਵਾ ਨਜ਼ਰ ਆ ਰਹੀ ਹੈ। ਸੋਨਮ ਤੇ ਸਿੱਧੂ ਦੀ ਕੈਮਿਸਟਰੀ ਗੀਤ ’ਚ ਲੋਕਾਂ ਨੂੰ ਖੂਬ ਪਸੰਦ ਆ ਰਹੀ ਹੈ।

ਤੁਹਾਨੂੰ ਦੱਸ ਦੇਈਏ ਕਿ ‘ਬ੍ਰਾਊਨ ਸ਼ੋਰਟੀ’ ਉਨ੍ਹਾਂ ਗੀਤਾਂ ’ਚੋਂ ਇਕ ਹੈ, ਜੋ ਪਿਛਲੇ ਸਾਲ ਸੰਨੀ ਮਾਲਟਨ ਤੇ ਬਿੱਗ ਬਰਡ ਵਲੋਂ ਪਿਛਲੇ ਸਾਲ ਲੀਕ ਕੀਤੇ ਗਏ ਸਨ। ਇਹ ਗੀਤ ਸੰਨੀ ਮਾਲਟਨ ਨੇ ਬਰੈਂਪਟਨ ਦੀਆਂ ਸੜਕਾਂ ’ਤੇ ਲਾਈਵ ਹੋ ਕੇ ਲੀਕ ਕੀਤਾ ਸੀ। ਹਾਲਾਂਕਿ ਉਸ ਸਮੇਂ ਇਸ ਦਾ ਮਿਊਜ਼ਿਕ ਬਿੱਗ ਬਰਡ ਨੇ ਦਿੱਤਾ ਹੈ।

ਇਹ ਖ਼ਬਰ ਵੀ ਪੜ੍ਹੋ : 3000 ਕੈਂਸਰ ਨਾਲ ਪੀੜਤ ਬੱਚਿਆਂ ਦੀ ਮਦਦ ਲਈ ਅੱਗੇ ਆਏ ਵਿਵੇਕ ਓਬਰਾਏ, ਪ੍ਰਸ਼ੰਸਕਾਂ ਨੂੰ ਕੀਤੀ ਖ਼ਾਸ ਅਪੀਲ

ਤੁਹਾਨੂੰ ਦੱਸ ਦੇਈਏ ਕਿ ਹੁਣ ਸੰਨੀ ਮਾਲਟਨ ਤੇ ਬਿੱਗ ਬਰਡ ਵੀ ਇਕੱਠੇ ਨਹੀਂ ਹਨ ਤੇ ਕੁਝ ਦਿਨ ਪਹਿਲਾਂ ਸੰਨੀ ਮਾਲਟਨ ਨੇ ਸਿੱਧੂ ਮੂਸੇ ਵਾਲਾ ਦੀ ਤਾਰੀਫ਼ ਵੀ ਕੀਤੀ ਸੀ ਤੇ ਪੁਰਾਣੀਆਂ ਗੱਲਾਂ ਨੂੰ ਭੁੱਲਣ ਦੀ ਵੀ ਗੱਲ ਆਖੀ ਸੀ।

ਹੁਣ ਸੰਨੀ ਮਾਲਟਨ ਨੇ ਸਿੱਧੂ ਮੂਸੇ ਵਾਲਾ ਦੇ ‘ਬ੍ਰਾਊਨ ਸ਼ੋਰਟੀ’ ਗੀਤ ’ਤੇ ਇੰਸਟਾਗ੍ਰਾਮ ਸਟੋਰੀਜ਼ ਅਪਲੋਡ ਕੀਤੀ ਹੈ। ਇਨ੍ਹਾਂ ’ਚ ਉਹ ਜਿਥੇ ਸਿੱਧੂ ਮੂਸੇ ਵਾਲਾ, ਸੋਨਮ ਬਾਜਵਾ ਤੇ ਦਿ ਕਿੱਡ ਨੂੰ ਟੈਗ ਕਰ ਰਿਹਾ ਹੈ, ਉਥੇ ਦੂਜੇ ਪਾਸੇ ਲਿਖਦਾ ਹੈ, ‘ਮੈਂ ਬਹੁਤ ਕੁਝ ਕਹਿਣਾ ਚਾਹੁੰਦਾ ਹਾਂ ਪਰ ਸ਼ਾਇਦ ਇਹ ਵੀਡੀਓ ਤੁਹਾਨੂੰ ਸਮਝਾ ਦੇਵੇ।’

ਸੰਨੀ ਮਾਲਟਨ ਵਲੋਂ ਸਾਂਝੀ ਕੀਤੀ ਇਹ ਇੰਸਟਾਗ੍ਰਾਮ ਸਟੋਰੀ ਦਿ ਕਿੱਡ ਨੇ ਵੀ ਸਾਂਝੀ ਕੀਤੀ ਹੈ। ਦੱਸ ਦੇਈਏ ਕਿ ਸਿੱਧੂ ਮੂਸੇ ਵਾਲਾ ਦਾ ਇਹ ਗੀਤ ਯੂਟਿਊਬ ’ਤੇ ਤੀਜੇ ਨੰਬਰ ’ਤੇ ਟਰੈਂਡ ਕਰ ਰਿਹਾ ਹੈ, ਜਿਸ ਨੂੰ ਹੁਣ ਤਕ 6 ਮਿਲੀਅਨ ਤੋਂ ਵੱਧ ਵਾਰ ਦੇਖਿਆ ਜਾ ਚੁੱਕਾ ਹੈ।

ਨੋਟ– ਇਸ ਖ਼ਬਰ ’ਤੇ ਤੁਹਾਡੀ ਕੀ ਪ੍ਰਤੀਕਿਰਿਆ ਹੈ? ਕੁਮੈਂਟ ਕਰਕੇ ਜ਼ਰੂਰ ਦੱਸੋ।