ਸੋਨਮ ਨੇ ਕੈਰੀ ਕੀਤੀ ਬੈਸਟ ਫ੍ਰੈਂਡ ਦੀ ਮੈਟਰਨਿਟੀ ਡਰੈੱਸ, ਬੇਬੀ ਬੰਪ ਫਲਾਂਟ ਕਰਦੇ ਹੋਏ ਸਾਂਝੀਆਂ ਕੀਤੀਆਂ (ਤਸਵੀਰਾਂ)
04/28/2022 4:07:58 PM
ਮੁੰਬਈ- ਵਿਆਹ ਦੇ 4 ਸਾਲਾਂ ਬਾਅਦ ਸੋਨਮ ਕਪੂਰ ਇਨੀਂ ਦਿਨੀਂ ਆਪਣੇ ਪ੍ਰੈਗਨੈਂਸੀ ਸਮੇਂ ਦਾ ਆਨੰਦ ਮਾਣ ਰਹੀ ਹੈ। ਉਹ ਜਲਦ ਹੀ ਪਤੀ ਆਨੰਦ ਆਹੂਜਾ ਦੇ ਬੱਚੇ ਨੂੰ ਜਨਮ ਦੇਵੇਗੀ। ਆਪਣੇ ਪਹਿਲੇ ਬੱਚੇ ਨੂੰ ਇਸ ਦੁਨੀਆ 'ਚ ਲਿਆਉਣ ਲਈ ਸੋਨਮ ਬਹੁਤ ਉਤਸ਼ਾਹਿਤ ਹੈ ਅਤੇ ਉਹ ਆਪਣੇ ਗਰਭਅਵਸਥਾ ਦੇ ਹਰ ਪਲ ਦਾ ਆਨੰਦ ਲੈ ਰਹੀ ਹੈ। ਹਾਲ ਹੀ 'ਚ ਪ੍ਰੈਗਨੈੱਟ ਸੋਨਮ ਨੇ ਆਪਣੀ ਬੈਸਟੀ ਵਲੋਂ ਮਿਲੀ ਡਰੈੱਸ ਪਾ ਕੇ ਇਕ ਵੀਡੀਓ ਸਾਂਝੀ ਕੀਤੀ, ਜਿਸ 'ਚ ਉਹ ਬਹੁਤ ਪਿਆਰੀ ਲੱਗ ਰਹੀ ਹੈ।
ਸੋਨਮ ਕਪੂਰ ਨੂੰ ਇਹ ਡਰੈੱਸ ਸੈਲੀਬ੍ਰਿਟੀ ਫੈਸ਼ਨ ਡਿਜ਼ਾਈਨਰ ਮਸਾਬਾ ਗੁਪਤਾ ਵਲੋਂ ਕੀਤੀ ਗਈ ਹੈ। ਇਹ ਆਰੇਂਜ ਰੰਗ ਦਾ ਓਪਨ ਕਾਫਤਾਨੀ ਕੁੜਤਾ ਹੈ, ਜਿਸ ਨੂੰ ਉਨ੍ਹਾਂ ਨੇ ਵ੍ਹਾਈਟ ਪਲਾਜ਼ੋ ਦੇ ਨਾਲ ਡਰੈੱਸ ਅਪ ਕੀਤਾ ਹੈ। ਹੱਥ 'ਚ ਫੋਨ ਲੈ ਕੇ ਡਰੈੱਸ ਨੂੰ ਸਟਾਈਲ ਕਰਦੇ ਹੋਏ ਉਹ ਆਪਣਾ ਬੇਬੀ ਬੰਪ ਫਲਾਂਟ ਕਰਦੀ ਨਜ਼ਰ ਆ ਰਹੀ ਹੈ।
ਇਸ ਦੌਰਾਨ ਉਨ੍ਹਾਂ ਦੇ ਚਿਹਰੇ 'ਤੇ ਪ੍ਰੈਗਨੈਂਸੀ ਚਮਕ ਦੇਖੀ ਜਾ ਸਕਦੀ ਹੈ। ਇਸ ਵੀਡੀਓ ਦੇ ਨਾਲ ਉਨ੍ਹਾਂ ਨੇ ਮਸਾਬਾ ਦਾ ਧੰਨਵਾਦ ਕਰਦੇ ਹੋਏ 'ਥੈਕਿਊ ਮਸਾਬਾ ਲਵ' ਲਿਖਿਆ ਹੈ। ਇਸ ਵੀਡੀਓ ਨੂੰ ਸੋਨਮ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ਦੀ ਸਟੋਰੀ 'ਤੇ ਸਾਂਝਾ ਕੀਤਾ ਹੈ।
ਦੱਸ ਦੇਈਏ ਕਿ ਸੋਨਮ ਕਪੂਰ ਅਤੇ ਨੀਨਾ ਗੁਪਤਾ ਦੀ ਧੀ ਮਸਾਬਾ ਗੁਪਤਾ ਦੋਵੇਂ ਪੱਕੀਆਂ ਸਹੇਲੀਆਂ ਹਨ। ਦੋਵੇਂ ਹਮੇਸ਼ਾ ਇਕ ਦੂਜੇ ਲਈ ਪੋਸਟਾਂ ਵੀ ਸਾਂਝੀਆਂ ਕਰਦੀਆਂ ਨਜ਼ਰ ਆਉਂਦੀਆਂ ਹਨ। ਉਧਰ ਹੁਣ ਮਾਂ ਬਣਨ ਜਾ ਰਹੀ ਅਦਾਕਾਰਾ ਨੂੰ ਖੁਦ ਡਿਜ਼ਾਈਨ ਕੀਤੀ ਡਰੈੱਸ ਗਿਫਟ ਕਰਕੇ ਉਨ੍ਹਾਂ ਨੇ ਪਿਆਰ ਜ਼ਾਹਿਰ ਕੀਤਾ ਹੈ।
