ਸ਼ਹਿਨਾਜ਼ ਦੇ ਬਦਲੇ ਲੁੱਕ ''ਤੇ ਲੱਟੂ ਹੋਏ ਭਾਰਤੀ ਸਿੰਘ ਦੇ ਪਤੀ, ਸ਼ਰੇਆਮ ਮੰਗੀ ''Kiss'' (ਵੀਡੀਓ)
10/21/2020 1:34:47 PM
ਜਲੰਧਰ (ਬਿਊਰੋ) : ਪੰਜਾਬ ਦੀ ਕੈਟਰੀਨਾ ਕੈਫ ਸ਼ਹਿਨਾਜ਼ ਗਿੱਲ ਕੌਰ ਨੇ 'ਬਿੱਗ ਬੌਸ 13' ਦੇ ਜ਼ਰੀਏ ਇਕ ਜ਼ਬਰਦਸਤ ਪਛਾਣ ਬਣਾਈ ਹੈ। 'ਬਿੱਗ ਬੌਸ 13' ਤੋਂ ਪਹਿਲਾਂ ਸ਼ਹਿਨਾਜ਼ ਗਿੱਲ ਆਪਣੀ ਗਾਇਕੀ ਲਈ ਵੀ ਜਾਣੀ ਜਾਂਦੀ ਸੀ। ਹਾਲ ਹੀ ਵਿਚ ਉਸ ਦਾ ਇਕ ਵੀਡੀਓ ਵੀ ਕਾਫ਼ੀ ਸੁਰਖੀਆਂ ਬਟੋਰ ਰਿਹਾ ਹੈ, ਜੋ ਹਰ ਪਾਸੇ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ। ਦਰਅਸਲ, ਹਾਲ ਹੀ ਵਿਚ ਪੰਜਾਬ ਦੀ ਕੈਟਰੀਨਾ ਸ਼ਹਿਨਾਜ਼ ਕੌਰ ਗਿੱਲ ਕਾਮੇਡੀਅਨ ਭਾਰਤੀ ਸਿੰਘ ਅਤੇ ਹਰਸ਼ ਲਿਮਬਾਚਿਆ ਦੇ ਸ਼ੋਅ 'ਤੇ ਪਹੁੰਚੀ ਸੀ। ਇਸ ਦੌਰਾਨ ਸ਼ਹਿਨਾਜ਼ ਸ਼ੋਅ 'ਚ 'ਵੱਖਰਾ ਸਵੈਗ' ਗੀਤ ਗਾਉਂਦੇ ਹੋਏ ਐਂਟਰੀ ਕਰਦੀ ਹੈ। ਵੀਡੀਓ 'ਚ ਸ਼ਹਿਨਾਜ਼ ਗਿੱਲ ਬਲੈਕ ਕਲਰ ਦੇ ਪਹਿਰਾਵੇ 'ਚ ਦਿਖਾਈ ਦੇ ਰਹੀ ਹੈ। ਸ਼ਹਿਨਾਜ਼ ਗਿੱਲ ਦੇ ਘੁੰਗਰਾਲੇ ਵਾਲ ਉਸ ਦੀ ਖ਼ੂਬਸੂਰਤੀ ਨੂੰ ਹੋਰ ਵਧਾ ਰਹੇ ਹਨ।
ਸ਼ਹਿਨਾਜ਼ ਗਿੱਲ ਨੇ ਇਸ ਵੀਡੀਓ ਨੂੰ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਸ਼ੇਅਰ ਕੀਤਾ ਹੈ। ਉਸੇ ਸਮੇਂ ਸ਼ਹਿਨਾਜ਼ ਦੀ ਐਂਟਰੀ ਤੋਂ ਬਾਅਦ ਭਾਰਤੀ ਸਿੰਘ ਉਸ ਨੂੰ ਪੁੱਛਦੀ ਹੈ ਕਿ ਹਰਸ਼ ਕਿਸ ਨਾਲ ਫਲਰਟ ਕਰ ਰਿਹਾ ਸੀ? ਜਿਸ 'ਤੇ ਸ਼ਹਿਨਾਜ਼ ਆਖਦੀ ਹੈ ਕਿ ਉਹ ਮੇਰੇ ਤੋਂ ਕਿੱਸੀਆਂ ਮੰਗ ਰਿਹਾ ਸੀ, ਇਸ ਨੂੰ ਪਤਾ ਨਹੀਂ ਪੰਜਾਬ ਦੀਆਂ ਕੁੜੀਆਂ ਸਖ਼ਤ ਹਨ, ਚਲ ਮੈਂ ਹੁਣ ਪਤਲੀ ਹੋ ਗਈ ਤੇਰੇ ਤੋਂ। ਇਸ ਤੋਂ ਬਾਅਦ ਭਾਰਤੀ ਸਿੰਘ ਹਰਸ਼ ਦੇ ਕਾਲਰ ਫੜ੍ਹ ਕੇ ਕਹਿੰਦੀ ਹੈ ਕਿ ਮੈਂ ਤਾਂ ਪਤਲੀ ਵੀ ਨਹੀਂ ਹੋਈ ਅਤੇ ਮੇਰੇ 'ਚ ਜ਼ੋਰ ਵੀ ਉਨ੍ਹਾਂ ਹੀ ਹੈ, ਸਮਝੇ।
ਸ਼ਹਿਨਾਜ਼ ਗਿੱਲ ਦੇ ਇਸ ਵੀਡੀਓ 'ਤੇ ਪ੍ਰਸ਼ੰਸਕ ਕਾਫ਼ੀ ਟਿੱਪਣੀਆਂ ਕਰ ਰਹੇ ਹਨ ਅਤੇ ਆਪਣੀ ਫੀਡਬੈਕ ਦੇ ਰਹੇ ਹਨ। ਵੀਡੀਓ ਨੂੰ ਸ਼ੇਅਰ ਕਰਦੇ ਹੋਏ ਸ਼ਹਿਨਾਜ਼ ਗਿੱਲ ਨੇ ਕੈਪਸ਼ਨ 'ਚ ਲਿਖਿਆ, ''ਮੈਂ ਆ ਰਹੀ ਹਾਂ ਆਪਣਾ ਸਵੈਗ ਲੈ ਕੇ।''
ਦੱਸ ਦੇਈਏ ਕਿ ਸ਼ਹਿਨਾਜ਼ ਗਿੱਲ ਨੇ 'ਬਿੱਗ ਬੌਸ 13' ਨਾਲ ਕਾਫ਼ੀ ਮਸ਼ਹੂਰ ਹੋਈ ਹੈ। 'ਬਿੱਗ ਬੌਸ' ਦੇ ਘਰ 'ਚ ਰਹਿੰਦਿਆਂ ਸ਼ਹਿਨਾਜ਼ ਗਿੱਲ ਨੇ ਲੋਕਾਂ ਦਾ ਖੂਬ ਮਨੋਰੰਜਨ ਕੀਤਾ ਅਤੇ ਹਰ ਕਿਸੇ ਦੇ ਦਿਲਾਂ 'ਚ ਵੀ ਜਗ੍ਹਾ ਬਣਾਈ। ਖ਼ਾਸਕਰ 'ਬਿੱਗ ਬੌਸ 13' ਦੇ ਜੇਤੂ ਸਿਧਾਰਥ ਸ਼ੁਕਲਾ ਨਾਲ ਉਨ੍ਹਾਂ ਦੀ ਜੋੜੀ ਨੂੰ ਕਾਫ਼ੀ ਪਸੰਦ ਕੀਤਾ ਗਿਆ ਸੀ।
