ਸ਼ੈਫਾਲੀ ਦੇ ਦੇਹਾਂਤ ਨਾਲ ਸਦਮੇ 'ਚ Ex Husband ਹਰਮੀਤ ਸਿੰਘ, ਇਸ ਕਾਰਨ ਅੰਤਿਮ ਸੰਸਕਾਰ 'ਚ ਨਹੀ ਹੋ ਸਕੇ ਸ਼ਾਮਲ

ਮੁੰਬਈ (ਏਜੰਸੀ)- ਮਸ਼ਹੂਰ ਅਦਾਕਾਰਾ ਅਤੇ ਡਾਂਸਰ ਸ਼ੈਫ਼ਾਲੀ ਜਰੀਵਾਲਾ ਦੀ ਅਚਾਨਕ ਮੌਤ ਨੇ ਸਾਰਿਆਂ ਨੂੰ ਹੈਰਾਨ ਤੇ ਦੁਖੀ ਕਰ ਦਿਤਾ ਹੈ। ਉਨ੍ਹਾਂ ਦੇ ਚਹੇਤਿਆਂ ਤੋਂ ਲੈ ਕੇ ਮਨੋਰੰਜਨ ਜਗਤ ਤੱਕ ਸੋਗ ਦੀ ਲਹਿਰ ਹੈ। 'ਕਾਂਟਾ ਲਗਾ' ਫੇਮ ਸ਼ੈਫਾਲੀ ਨੂੰ ਮਿਲ ਰਹੀਆਂ ਸ਼ਰਧਾਂਜਲੀਆਂ ਵਿਚਕਾਰ ਉਨ੍ਹਾਂ ਦੇ ਸਾਬਕਾ ਪਤੀ, ਮੀਤ ਬ੍ਰਦਰਜ਼ ਜੋੜੀ ਦੇ ਗਾਇਕ ਹਰਮੀਤ ਸਿੰਘ ਨੇ ਇੰਸਟਾਗ੍ਰਾਮ 'ਤੇ ਉਨ੍ਹਾਂ ਨੂੰ ਯਾਦ ਕਰਦੇ ਹੋਏ ਇਕ ਭਾਵੁਕ ਪੋਸਟ ਸਾਂਝੀ ਕੀਤੀ। ਉਹ ਇਸ ਸਮੇਂ ਯੂਰਪ ਵਿੱਚ ਹਨ ਅਤੇ ਸ਼ੈਫ਼ਾਲੀ ਦੇ ਅੰਤਿਮ ਸੰਸਕਾਰ ਵਿੱਚ ਸ਼ਾਮਿਲ ਨਹੀਂ ਹੋ ਸਕੇ।

ਇਹ ਵੀ ਪੜ੍ਹੋ: 'ਮੇਰੀ ਪਰੀ ਲਈ ਦੁਆ ਕਰਨਾ...', ਸਸਕਾਰ ਮਗਰੋਂ ਮੀਡੀਆ ਅੱਗੇ ਹੱਥ ਜੋੜ ਕੇ ਖੜ੍ਹ ਗਏ ਸ਼ੈਫਾਲੀ ਦੇ ਪਤੀ

ਉਹ ਨੇ ਇੱਕ ਪੁਰਾਣੀ ਤਸਵੀਰ ਸਾਂਝੀ ਕਰਦਿਆਂ ਲਿਖਿਆ, "ਇਹ ਮੇਰੀ ਜ਼ਿੰਦਗੀ ਦੇ ਸਭ ਤੋਂ ਹਿਲਾ ਦੇਣ ਵਾਲੇ ਪਲਾਂ ਵਿੱਚੋਂ ਇੱਕ ਹੈ। ਮੈਂ ਪੂਰੀ ਤਰ੍ਹਾਂ ਟੁੱਟ ਚੁੱਕਾ ਹਾਂ ਅਤੇ ਵਿਸ਼ਵਾਸ ਨਹੀਂ ਹੋ ਰਿਹਾ ਕਿ ਸ਼ੈਫ਼ਾਲੀ ਹੁਣ ਸਾਡੇ ਵਿਚਕਾਰ ਨਹੀਂ ਰਹੀ। ਅਸੀਂ ਕਈ ਸਾਲ ਪਹਿਲਾਂ ਇਕੱਠੇ ਕੁਝ ਸੋਹਣੇ ਪਲ ਗੁਜ਼ਾਰੇ ਸਨ, ਜੋ ਸਦਾ ਮੇਰੇ ਦਿਲ ਵਿੱਚ ਰਹਿਣਗੇ।" ਉਨ੍ਹਾਂ ਨੇ ਅੱਗੇ ਲਿਖਿਆ, "ਉਨ੍ਹਾਂ ਦੇ ਮਾਤਾ-ਪਿਤਾ ਸਤੀਸ਼ ਜੀ ਅਤੇ ਸੁਨੀਤਾ ਜੀ, ਪਤੀ ਪਾਰਾਗ ਅਤੇ ਭੈਣ ਸ਼ਿਵਾਨੀ ਲਈ ਮੇਰੀ ਡੂੰਘੀ ਹਮਦਰਦੀ। ਯੂਰਪ ਵਿਚ ਹੋਣ ਕਾਰਨ ਅੰਤਿਮ ਸੰਸਕਾਰ ਵਿੱਚ ਹਾਜ਼ਰ ਨਾ ਹੋ ਸਕਣਾ ਮੇਰੇ ਲਈ ਬਹੁਤ ਦੁਖਦ ਹੈ। ਮੇਰੀ ਦੁਆ ਹੈ ਕਿ ਭਗਵਾਨ ਉਨ੍ਹਾਂ ਦੀ ਆਤਮਾ ਨੂੰ ਸ਼ਾਂਤੀ ਦੇਵੇ। ਜੈ ਸ਼੍ਰੀ ਕ੍ਰਿਸ਼ਨਾ।" 

ਇਹ ਵੀ ਪੜ੍ਹੋ: ਮੌਤ ਮਗਰੋਂ ਸ਼ੈਫਾਲੀ ਦੀ ਆਖ਼ਰੀ ਪੋਸਟ ਹੋਈ ਵਾਇਰਲ, ਆਪਣੇ Ex Boyfriend ਨੂੰ ਕੀਤਾ ਸੀ ਯਾਦ

ਸ਼ੈਫ਼ਾਲੀ ਅਤੇ ਹਰਮੀਤ ਨੇ 2004 ਵਿੱਚ ਵਿਆਹ ਕਰਾਇਆ ਸੀ ਪਰ 2009 ਵਿੱਚ ਦੋਵੇਂ ਵੱਖ ਹੋ ਗਏ। ਦੋਹਾਂ ਦੇ ਰਿਸ਼ਤੇ ਵਿੱਚ ਸਮੇਂ-ਸਮੇਂ ਤੇ ਤਣਾਅ ਰਿਹਾ। ਵੱਖ ਹੋਣ ਤੋਂ ਬਾਅਦ ਸ਼ੈਫ਼ਾਲੀ ਨੇ ਟੈਲੀਵਿਜ਼ਨ ਅਦਾਕਾਰ ਪਾਰਾਗ ਤਿਆਗੀ ਨਾਲ ਵਿਆਹ ਕਰਵਾ ਲਿਆ।

ਇਹ ਵੀ ਪੜ੍ਹੋ: ਸ਼ੈਫਾਲੀ ਜ਼ਰੀਵਾਲਾ ਦੀ ਮੌਤ ਨੇ ਮੀਕਾ ਸਿੰਘ ਨੂੰ ਝੰਜੋੜਿਆ, ਕਿਹਾ – "ਇਹ ਜ਼ਿੰਦਗੀ ਕਦੋਂ ਕੀ ਵਖਾਏ, ਪਤਾ ਨਹੀਂ"

27 ਜੂਨ ਨੂੰ ਤੜਕੇ, ਸ਼ੈਫ਼ਾਲੀ ਨੂੰ ਮੁੰਬਈ ਦੇ ਬੈਲਵਿਊ ਮਲਟੀਸਪੈਸ਼ਲਟੀ ਹਸਪਤਾਲ ਲਿਆਂਦਾ ਗਿਆ, ਜਿੱਥੇ ਡਾਕਟਰਾਂ ਨੇ ਉਨ੍ਹਾਂ ਨੂੰ ਮ੍ਰਿਤ ਘੋਸ਼ਿਤ ਕਰ ਦਿੱਤਾ। ਉਨ੍ਹਾਂ ਦੀ ਉਮਰ 42 ਸਾਲ ਸੀ। ਸ਼ੈਫ਼ਾਲੀ ਜਰੀਵਾਲਾ ਨੂੰ ਸਭ ਤੋਂ ਵੱਧ 2002 ਦੇ ਮਸ਼ਹੂਰ ਗੀਤ 'ਕਾਂਟਾ ਲੱਗਾ' ਰਾਹੀਂ ਪਛਾਣ ਮਿਲੀ। ਇਸ ਤੋਂ ਇਲਾਵਾ ਉਹ 2004 ਦੀ ਫ਼ਿਲਮ 'ਮੁਝਸੇ ਸ਼ਾਦੀ ਕਰੋਗੀ' ਅਤੇ ਰੀਅਲਟੀ ਸ਼ੋਜ਼ ਬਿਗ ਬੌਸ 13 (2019) ਅਤੇ ਨਚ ਬੱਲੀਏ ਸੀਜ਼ਨ 5 ਅਤੇ 7 ਵਿੱਚ ਵੀ ਨਜ਼ਰ ਆਈ।

ਇਹ ਵੀ ਪੜ੍ਹੋ: 'ਕਾਂਟਾ ਲਗਾ' ਗਰਲ ਸ਼ੈਫਾਲੀ ਜਰੀਵਾਲਾ ਦੀ ਮੌਤ ਮਗਰੋਂ ਪੁਲਸ ਦਾ ਆਇਆ ਪਹਿਲਾ ਬਿਆਨ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8