ਇੰਟਰਨੈੱਟ ’ਤੇ ਚਰਚਾ ਦਾ ਵਿਸ਼ਾ ਬਣੀ ਸ਼ਨਾਇਆ ਕਪੂਰ, ਤਸਵੀਰਾਂ ਰਾਹੀਂ ਬਿਖੇਰਦੀ ਹੈ ਹੁਸਨ ਦੇ ਜਲਵੇ
Wednesday, Jun 30, 2021 - 05:42 PM (IST)
ਮੁੰਬਈ (ਬਿਊਰੋ)– ਅਦਾਕਾਰ ਸੰਜੇ ਕਪੂਰ ਤੇ ਮਹੀਪ ਦੀ ਖੂਬਸੂਰਤ ਬੇਟੀ ਸ਼ਨਾਇਆ ਕਪੂਰ ਕਈ ਮੌਕਿਆਂ ’ਤੇ ਕੈਮਰੇ ’ਚ ਕੈਦ ਕੀਤੀ ਜਾ ਚੁੱਕੀ ਹੈ। ਸ਼ਨਾਇਆ ਕਪੂਰ ਫ਼ਿਲਮ ਇੰਡਸਟਰੀ ’ਚ ਆਉਣ ਤੋਂ ਪਹਿਲਾਂ ਹੀ ਫੈਸ਼ਨ ’ਚ ਆਪਣੇ ਗਲੈਮਰ ਦਾ ਜਲਵਾ ਦਿਖਾ ਕੇ ਇਕ ਮੰਨਿਆ-ਪ੍ਰਮੰਨਿਆ ਚਿਹਰਾ ਬਣ ਚੁੱਕੀ ਹੈ।
ਸ਼ਨਾਇਆ ਆਪਣੀ ਸ਼ਾਨਦਾਰ ਫਿੱਗਰ ਦੇ ਨਾਲ ਸਭ ਤੋਂ ਵੱਧ ਚਰਚਾ ’ਚ ਰਹਿਣ ਵਾਲੀ ਸਟਾਰ ਕਿੱਡ ਬਣ ਚੁੱਕੀ ਹੈ। ਚੰਕੀ ਪਾਂਡੇ ਦੀ ਬੇਟੀ ਅਨਨਿਆ ਪਾਂਡੇ ਤੇ ਸ਼ਾਹਰੁਖ ਖ਼ਾਨ ਦੀ ਬੇਟੀ ਸੁਹਾਨਾ ਖ਼ਾਨ ਦੀ ਕਰੀਬੀ ਦੋਸਤ ਸ਼ਨਾਇਆ ਕਪੂਰ ਨੂੰ ਕਈ ਮੌਕਿਆਂ ’ਤੇ ਆਪਣੇ ਦੋਸਤਾਂ ਨਾਲ ਘੁੰਮਦੇ ਦੇਖਿਆ ਜਾਂਦਾ ਹੈ।
ਸ਼ਨਾਇਆ ਦੀ ਇਹ ਸਿਜ਼ਲਿੰਗ ਤਸਵੀਰ ਇਸ ਗੱਲ ਦਾ ਸਬੂਤ ਹੈ ਕਿ ਉਹ ਕਿਸੇ ਸੈਲੇਬ੍ਰਿਟੀ ਕਿੱਡ ਤੋਂ ਘੱਟ ਨਹੀਂ ਹੈ। ਸ਼ਨਾਇਆ ਆਏ ਦਿਨ ਸੋਸ਼ਲ ਮੀਡੀਆ ’ਤੇ ਆਪਣੀਆਂ ਡਾਂਸ ਵੀਡੀਓਜ਼ ਦੇ ਨਾਲ ਤਸਵੀਰਾਂ ਵੀ ਸਾਂਝੀਆਂ ਕਰਦੀ ਰਹਿੰਦੀ ਹੈ। ਉਸ ਦੀ ਹਰ ਤਸਵੀਰ ਤੇ ਵੀਡੀਓ ਨੂੰ ਲੋਕਾਂ ਵਲੋਂ ਭਰਵਾਂ ਹੁੰਗਾਰਾ ਮਿਲਦਾ ਹੈ।
ਇਨ੍ਹੀਂ ਦਿਨੀਂ ਸ਼ਨਾਇਆ ਇੰਸਟਾਗ੍ਰਾਮ ’ਤੇ ਚਰਚਾ ਦਾ ਵਿਸ਼ਾ ਬਣ ਚੁੱਕੀ ਹੈ ਤੇ ਉਸ ਦੀ ਸੋਸ਼ਲ ਮੀਡੀਆ ’ਤੇ ਬਹੁਤ ਤੇਜ਼ੀ ਨਾਲ ਫੈਨ ਫਾਲੋਇੰਗ ਵੱਧ ਰਹੀ ਹੈ। ਦੱਸ ਦੇਈਏ ਕਿ ਅਦਾਕਾਰਾ ਬਣਨ ਤੋਂ ਪਹਿਲਾਂ ਸ਼ਨਾਇਆ ਨੇ ਬਤੌਰ ਅਸਿਸਟੈਂਟ ਡਾਇਰੈਕਟਰ ‘ਗੁੰਜਨ ਸਕਸੈਨਾ’ ’ਚ ਵੀ ਕੰਮ ਕੀਤਾ ਸੀ।
ਸ਼ਨਾਇਆ ਨੂੰ ਸਾਲ 2020 ’ਚ ਨੈੱਟਫਲਿਕਸ ਦੇ ਸ਼ੋਅ ‘ਫੈਬੁਲਸ ਲਾਈਫਸ ਆਫ ਬਾਲੀਵੁੱਡ ਵਾਈਫਸ’ ’ਚ ਦੇਖਿਆ ਗਿਆ ਸੀ। ਇਸ ਸੀਰੀਜ਼ ’ਚ ਉਸ ਦੀ ਮਾਂ ਮਹੀਪ ਕਪੂਰ ਨੇ ਵੀ ਕੰਮ ਕੀਤਾ ਸੀ। ਉਥੇ ਸ਼ਨਾਇਆ ਛੇਤੀ ਹੀ ਕਰਨ ਜੌਹਰ ਦੀ ਫ਼ਿਲਮ ’ਚ ਡੈਬਿਊ ਕਰਦੀ ਦਿਖਾਈ ਦੇਵੇਗੀ।
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
