ਰਿਐਲਿਟੀ ਸ਼ੋਅ 'ਦ 50' 'ਚ ਹੰਗਾਮਾ : ਸਪਨਾ ਚੌਧਰੀ ਨੇ ਯੂਟਿਊਬਰ ਅਦਨਾਨ ਸ਼ੇਖ ਨੂੰ ਦਿੱਤੀ ਧਮਕੀ, ਗੁੱਸੇ 'ਚ ਛੱਡੀ ਗੇਮ
Tuesday, Feb 03, 2026 - 09:17 AM (IST)
ਮੁੰਬਈ - ਕਲਰਜ਼ ਦੇ ਨਵੇਂ ਰਿਐਲਿਟੀ ਸ਼ੋਅ 'ਦ 50' 'ਚ ਹਰਿਆਣਵੀ ਸਟਾਰ ਡਾਂਸਰ ਸਪਨਾ ਚੌਧਰੀ ਅਤੇ ਯੂਟਿਊਬਰ ਅਦਨਾਨ ਸ਼ੇਖ ਵਿਚਾਲੇ ਜ਼ਬਰਦਸਤ ਲੜਾਈ ਹੋਣ ਦੀ ਖਬਰ ਸਾਹਮਣੇ ਆਈ ਹੈ। ਇਕ ਟਾਸਕ ਦੌਰਾਨ ਹੋਈ ਇਸ ਤਿੱਖੀ ਬਹਿਸ ਤੋਂ ਬਾਅਦ ਸਪਨਾ ਚੌਧਰੀ ਇੰਨੀ ਜ਼ਿਆਦਾ ਭੜਕ ਗਈ ਕਿ ਉਸ ਨੇ ਗੁੱਸੇ 'ਚ ਗੇਮ ਛੱਡਣ ਦਾ ਐਲਾਨ ਕਰ ਦਿੱਤਾ।
ਟਾਸਕ ਦੌਰਾਨ ਹੋਇਆ ਵਿਵਾਦ
ਸੂਤਰਾਂ ਅਨੁਸਾਰ, ਸ਼ੋਅ 'ਚ ਇਕ ਟਾਸਕ ਚੱਲ ਰਿਹਾ ਸੀ ਜਿਸ 'ਚ ਸਾਰੇ ਖਿਡਾਰੀਆਂ ਨੂੰ ਸੁਰੱਖਿਅਤ ਹੋਣ ਲਈ 40 'ਸੇਫ ਕਾਰਡਸ' ਲੱਭਣੇ ਸਨ। ਇਹ ਕਾਰਡ ਅਰੀਨਾ ਏਰੀਆ 'ਚ ਵੱਖ-ਵੱਖ ਚੀਜ਼ਾਂ ਦੇ ਅੰਦਰ ਲੁਕਾਏ ਗਏ ਸਨ, ਜਿਨ੍ਹਾਂ ਨੂੰ ਲੱਭਣ ਲਈ ਖਿਡਾਰੀਆਂ ਨੂੰ ਉਹ ਚੀਜ਼ਾਂ ਤੋੜਨੀਆਂ ਪੈ ਰਹੀਆਂ ਸਨ। ਇਸ ਟਾਸਕ ਦੌਰਾਨ ਸਪਨਾ ਚੌਧਰੀ ਨੇ ਅਦਨਾਨ ਸ਼ੇਖ 'ਤੇ ਧੋਖਾਧੜੀ ਕਰਨ ਦਾ ਦੋਸ਼ ਲਗਾਇਆ।
ਸਪਨਾ ਅਤੇ ਅਦਨਾਨ ਵਿਚਾਲੇ ਤਿੱਖੀ ਬਹਿਸ
ਸਪਨਾ ਨੇ ਅਦਨਾਨ ਨੂੰ ਲਲਕਾਰਦਿਆਂ ਕਿਹਾ, "ਬਾਹਰ ਜਾ ਕੇ ਕਮਾਉਣ ਦਾ ਦਮ ਨਹੀਂ ਹੈ ਕੀ? ਪਹਿਲਾਂ ਚੀਟਿੰਗ ਕਰਦਾ ਹੈ ਅਤੇ ਫਿਰ ਇੱਥੇ ਮਰਦਾਨਗੀ ਦਿਖਾਉਂਦਾ ਹੈ"। ਇਸ ਗੱਲ 'ਤੇ ਅਦਨਾਨ ਦਾ ਪਾਰਾ ਵੀ ਚੜ੍ਹ ਗਿਆ ਅਤੇ ਉਸ ਨੇ ਬਦਤਮੀਜ਼ੀ ਨਾਲ ਜਵਾਬ ਦਿੰਦਿਆਂ ਕਿਹਾ, "ਚੀਕ ਨਾ, ਔਰਤ ਹੈ ਤਾਂ ਔਰਤ ਵਾਂਗ ਰਹਿ... ਚੱਲ ਨਿਕਲ"।
ਸਪਨਾ ਨੇ ਦਿੱਤੀ ਕੁੱਟਣ ਦੀ ਧਮਕੀ
ਅਦਨਾਨ ਦੇ ਇਸ ਵਤੀਰੇ 'ਤੇ ਸਪਨਾ ਚੌਧਰੀ ਆਪੇ ਤੋਂ ਬਾਹਰ ਹੋ ਗਈ ਅਤੇ ਉਸ ਨੇ ਧਮਕੀ ਦਿੰਦਿਆਂ ਕਿਹਾ, "ਅਜਿਹਾ ਮਾਰਾਂਗੀ ਨਾ, ਜੇ ਬਾਹਰ ਮਿਲਿਆ ਤਾਂ... ਮੈਂ ਨਹੀਂ ਖੇਡਣਾ ਇਹ ਗੇਮ"। ਹਾਲਾਂਕਿ ਦੋਵਾਂ ਦੇ ਦੋਸਤਾਂ ਨੇ ਉਨ੍ਹਾਂ ਨੂੰ ਸ਼ਾਂਤ ਕਰਨ ਦੀ ਕੋਸ਼ਿਸ਼ ਕੀਤੀ, ਪਰ ਸਪਨਾ ਦਾ ਗੁੱਸਾ ਘੱਟ ਨਹੀਂ ਹੋਇਆ।
ਪ੍ਰਸ਼ੰਸਕਾਂ ਨੂੰ ਆਈ 'ਬਿੱਗ ਬੌਸ' ਦੀ ਯਾਦ
ਸਪਨਾ ਚੌਧਰੀ ਦਾ ਇਹ ਹਮਲਾਵਰ ਰੂਪ ਦੇਖ ਕੇ ਪ੍ਰਸ਼ੰਸਕਾਂ ਨੂੰ ਉਸ ਦੇ 'ਬਿੱਗ ਬੌਸ' ਦੇ ਦਿਨ ਯਾਦ ਆ ਗਏ ਹਨ, ਜਿੱਥੇ ਉਹ ਆਪਣੇ ਬੇਬਾਕ ਅੰਦਾਜ਼ ਲਈ ਜਾਣੀ ਜਾਂਦੀ ਸੀ। ਜ਼ਿਕਰਯੋਗ ਹੈ ਕਿ ਅਦਨਾਨ ਸ਼ੇਖ ਪਹਿਲਾਂ 'ਬਿੱਗ ਬੌਸ OTT' 'ਚ ਵੀ ਨਜ਼ਰ ਆ ਚੁੱਕਾ ਹੈ, ਪਰ ਉੱਥੇ ਉਹ ਜ਼ਿਆਦਾ ਦੇਰ ਟਿਕ ਨਹੀਂ ਸਕਿਆ ਸੀ। ਹੁਣ ਇਹ ਦੇਖਣਾ ਦਿਲਚਸਪ ਹੋਵੇਗਾ ਕਿ ਇਸ ਲੜਾਈ ਤੋਂ ਬਾਅਦ ਸ਼ੋਅ 'ਚ ਕੀ ਮੋੜ ਆਉਂਦਾ ਹੈ।
