ਅਦਾਕਾਰ ਸੰਜੇ ਦੱਤ ਪਹੁੰਚੇ ਗਯਾ, ਕੀਤਾ ਪਿੱਤਰਾਂ ਦਾ ਪਿੰਡ ਦਾਨ

ਗਯਾ - ਬਾਲੀਵੁੱਡ ਅਭਿਨੇਤਾ ਸੰਜੇ ਦੱਤ ਨੇ ਬਿਹਾਰ ਦੇ ਮੋਕਸ਼ਨਗਰੀ ਦੇ ਰੂਪ ਵਿਚ ਵਿਸ਼ਵ ਪ੍ਰਸਿੱਧ ਗਯਾ ਪਹੁੰਚ ਕੇ ਆਪਣੇ ਪੁਰਖਿਆਂ ਦੀਆਂ ਆਤਮਾਵਾਂ ਦੀ ਸ਼ਾਂਤੀ ਲਈ ਅੱਜ ਪਿੰਡ ਦਾਨ ਭੇਟ ਕੀਤਾ। ਅਭਿਨੇਤਾ ਸੰਜੇ ਦੱਤ ਵੀਰਵਾਰ ਨੂੰ ਗਯਾ ਇੰਟਰਨੈਸ਼ਨਲ ਏਅਰਪੋਰਟ ਪਹੁੰਚੇ, ਜਿੱਥੋਂ ਉਹ ਸੜਕ ਰਾਹੀਂ ਮਸ਼ਹੂਰ ਵਿਸ਼ਨੂੰਪਦ ਮੰਦਰ ਪਹੁੰਚੇ।

ਵਿਸ਼ਨੂੰਪਦ ਮੰਦਰ ਦੇ ਵਿਹੜੇ ਵਿਚ ਉਨ੍ਹਾਂ ਨੇ ਆਪਣੇ ਮਾਤਾ-ਪਿਤਾ ਅਤੇ ਪੁਰਖਿਆਂ ਦੀਆਂ ਆਤਮਾਵਾਂ ਦੀ ਸ਼ਾਂਤੀ ਲਈ ਪਿੰਡ ਦਾਨ ਦੀ ਰਸਮ ਅਦਾ ਕੀਤੀ। ਸਥਾਨਕ ਪੰਡਾ ਗੋਪਾਲਕ੍ਰਿਸ਼ਨ ਤ੍ਰਿਵੇਦੀ ਨੇ ਪੂਰੇ ਧਾਰਮਿਕ ਰੀਤੀ-ਰਿਵਾਜਾਂ ਨਾਲ ਇਹ ਰਸਮ ਪੂਰੀ ਕੀਤੀ।

ਇਸ ਦੌਰਾਨ ਸੰਜੇ ਦੱਤ ਦੀ ਪਤਨੀ ਦੇ ਨਾਲ ਉਨ੍ਹਾਂ ਦੀ ਬੇਟੀ ਤ੍ਰਿਸ਼ਾਲਾ ਦੱਤ ਵੀ ਮੌਜੂਦ ਸੀ। ਉਨ੍ਹਾਂ ਦੇ ਨਾਲ ਕਈ ਹੋਰ ਨਜ਼ਦੀਕੀ ਰਿਸ਼ਤੇਦਾਰ ਵੀ ਸਨ।

#WATCH | Bihar | Actor Sanjay Dutt offered prayers at Vishnupad Temple in Gaya and performed 'Pind Daan' of his parents and ancestors today. pic.twitter.com/2j3Uz9hk5c

— ANI (@ANI) January 11, 2024