ਸਲਮਾਨ ਖ਼ਾਨ ਦੀ ਕਰੀਬੀ ਦੋਸਤ ਦਾ ਹੋਇਆ ਦੇਹਾਂਤ, ਅੰਤਿਮ ਸੰਸਕਾਰ ਦੌਰਾਨ ਹੋਏ ਭਾਵੁਕ

ਐਂਟਰਟੇਨਮੈਂਟ ਡੈਸਕ :ਸਲਮਾਨ ਖਾਨ ਦੇ ਕਰੀਬੀ ਪਰਿਵਾਰਕ ਦੋਸਤ ਕੁਮੁਦ ਰਾਣੇ ਦਾ ਦੇਹਾਂਤ ਹੋ ਗਿਆ ਹੈ। ਸਲਮਾਨ ਖਾਨ ਉਨ੍ਹਾਂ ਦੇ ਅੰਤਿਮ ਸੰਸਕਾਰ 'ਚ ਸ਼ਾਮਲ ਹੋਏ ਤੇ ਬਹੁਤ ਭਾਵੁਕ ਹੋ ਗਏ। ਸਲਮਾਨ ਖਾਨ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ। ਵੀਡੀਓ 'ਚ ਸਲਮਾਨ ਖਾਨ ਕੁਮੁਦ ਦੀ ਮੌਤ ਤੋਂ ਦੁਖੀ ਦਿਖਾਈ ਦੇ ਰਹੇ ਹਨ। ਕੁਮੁਦ ਰਾਣੇ ਦੇ ਪਤੀ ਜੱਗੀ ਰਾਣੇ ਵੀ ਸਲਮਾਨ ਖਾਨ ਦੇ ਕਰੀਬੀ ਦੋਸਤ ਹਨ। ਕੁਮੁਦ ਇੱਕ ਹੇਅਰ ਸਟਾਈਲਿਸਟ ਸੀ, ਜਿਸਦਾ ਮੁੰਬਈ ਦੇ ਬਾਂਦਰਾ ਖੇਤਰ ਵਿੱਚ ਇੱਕ ਸੈਲੂਨ ਸੀ। ਕੁਮੁਦ ਕੈਂਸਰ ਤੋਂ ਪੀੜਤ ਸੀ। ਹੁਣ, ਉਹ ਜ਼ਿੰਦਗੀ ਨਾਲ ਆਪਣੀ ਲੜਾਈ ਹਾਰ ਗਈ ਹੈ।

 

 

 

 

 

View this post on Instagram

 

 

 

 

 

 

 

 

 

 

 

A post shared by Instant Bollywood (@instantbollywood)

ਸਿਰਫ ਸਲਮਾਨ ਹੀ ਨਹੀਂ, ਸਗੋਂ ਅਰਬਾਜ਼ ਖਾਨ, ਸੋਹੇਲ ਖਾਨ, ਉਨ੍ਹਾਂ ਦੀਆਂ ਮਾਵਾਂ ਸਲਮਾ ਅਤੇ ਹੈਲਨ, ਸੋਹੇਲ ਦਾ ਪੁੱਤਰ ਨਿਰਵਾਨ ਅਤੇ ਅਰਬਾਜ਼ ਖਾਨ ਦਾ ਪੁੱਤਰ ਅਰਹਾਨ ਵੀ ਉਨ੍ਹਾਂ ਨੂੰ ਅੰਤਿਮ ਸ਼ਰਧਾਂਜਲੀ ਦੇਣ ਲਈ ਸ਼ਾਮਲ ਹੋਏ। ਇਸ ਦੌਰਾਨ ਨਿਰਵਾਨ ਦਾ ਇੱਕ ਵੀਡੀਓ ਸਾਹਮਣੇ ਆਇਆ ਹੈ, ਜਿਸ ਵਿੱਚ ਉਹ ਰੋ ਰਿਹਾ ਹੈ। ਫਿਰ ਅਰਹਾਨ ਅੰਦਰ ਆਉਂਦਾ ਹੈ ਤੇ ਉਸਨੂੰ ਦਿਲਾਸਾ ਦਿੰਦਾ ਹੈ। ਕੁਮੁਦ ਰਾਣੇ ਸਲਮਾਨ ਖਾਨ ਦੇ ਪੂਰੇ ਪਰਿਵਾਰ ਦੇ ਬਹੁਤ ਨੇੜੇ ਸੀ। ਉਸਦਾ ਦੇਹਾਂਤ ਪੂਰੇ ਪਰਿਵਾਰ ਲਈ ਸਦਮੇ ਵਾਂਗ ਹੈ।

ਦੱਸ ਦਈਏ ਕਿ ਪਿਛਲੇ ਮਹੀਨੇ ਸਲਮਾਨ ਖਾਨ ਨੇ ਆਪਣੇ 42 ਸਾਲਾ ਕਰੀਬੀ ਦੋਸਤ ਸੁਸ਼ੀਲ ਕੁਮਾਰ ਦੇ ਦੇਹਾਂਤ 'ਤੇ ਦੁੱਖ ਪ੍ਰਗਟ ਕੀਤਾ ਸੀ। ਸਲਮਾਨ ਨੇ ਕਿਹਾ ਕਿ ਸੁਸ਼ੀਲ ਉਨ੍ਹਾਂ ਲਈ ਸਿਰਫ਼ ਇੱਕ ਦੋਸਤ ਹੀ ਨਹੀਂ ਸੀ, ਸਗੋਂ ਇੱਕ ਭਰਾ ਵਾਂਗ ਸੀ। ਸਲਮਾਨ ਖਾਨ ਨੇ ਸੁਸ਼ੀਲ ਲਈ ਇੱਕ ਲੰਮਾ ਅਤੇ ਭਾਵੁਕ ਨੋਟ ਲਿਖਿਆ। ਉਨ੍ਹਾਂ ਨੇ ਸੁਸ਼ੀਲ ਦੀਆਂ ਆਪਣੇ ਪਿਤਾ ਸਲੀਮ ਖਾਨ ਨਾਲ ਪੁਰਾਣੀਆਂ ਫੋਟੋਆਂ ਸਾਂਝੀਆਂ ਕੀਤੀਆਂ। ਅਦਾਕਾਰ ਨੇ ਲਿਖਿਆ ਕਿ ਸੁਸ਼ੀਲ ਪਿਛਲੇ 42 ਸਾਲਾਂ ਤੋਂ ਉਨ੍ਹਾਂ ਲਈ ਇੱਕ ਭਰਾ ਵਾਂਗ ਸੀ। ਉਹ ਬਹੁਤ ਹੀ ਦਿਆਲੂ ਅਤੇ ਮਦਦਗਾਰ ਵਿਅਕਤੀ ਸੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e