30 ਸਾਲਾਂ ''ਚ ਪਹਿਲੀ ਵਾਰ ਰਾਣੀ ਮੁਖਰਜੀ ਨੇ ਜਿੱਤਿਆ ਰਾਸ਼ਟਰੀ ਪੁਰਸਕਾਰ, ਅਦਾਕਾਰਾ ਨੇ ਜਤਾਈ ਖੁਸ਼ੀ

ਮੁੰਬਈ (ਏਜੰਸੀ)- ਬਾਲੀਵੁੱਡ ਦੀ ਮਸ਼ਹੂਰ ਅਦਾਕਾਰਾ ਰਾਣੀ ਮੁਖਰਜੀ ਪਹਿਲੀ ਵਾਰ ਰਾਸ਼ਟਰੀ ਪੁਰਸਕਾਰ ਮਿਲਣ 'ਤੇ ਬਹੁਤ ਖੁਸ਼ ਹੈ। 71ਵੇਂ ਰਾਸ਼ਟਰੀ ਫਿਲਮ ਪੁਰਸਕਾਰਾਂ ਦਾ ਐਲਾਨ ਸ਼ੁੱਕਰਵਾਰ ਨੂੰ ਕੀਤਾ ਗਿਆ। ਰਾਣੀ ਮੁਖਰਜੀ ਨੂੰ ਫਿਲਮ 'ਮਿਸਿਜ਼ ਚੈਟਰਜੀ ਵਰਸਿਸ ਨਾਰਵੇ' ਲਈ ਸਰਵੋਤਮ ਅਭਿਨੇਤਰੀ ਦਾ ਰਾਸ਼ਟਰੀ ਪੁਰਸਕਾਰ ਮਿਲਿਆ ਹੈ। ਰਾਣੀ ਮੁਖਰਜੀ ਨੂੰ ਫਿਲਮ ਇੰਡਸਟਰੀ ਵਿੱਚ ਆਏ 3 ਦਹਾਕੇ ਹੋ ਗਏ ਹਨ ਅਤੇ ਅਦਾਕਾਰਾ ਪਹਿਲੀ ਵਾਰ ਰਾਸ਼ਟਰੀ ਪੁਰਸਕਾਰ ਪ੍ਰਾਪਤ ਕਰਕੇ ਬਹੁਤ ਖੁਸ਼ ਹੈ। ਰਾਣੀ ਮੁਖਰਜੀ ਨੇ ਕਿਹਾ, 'ਮਿਸਿਜ਼ ਚੈਟਰਜੀ ਵਰਸਿਸ ਨਾਰਵੇ' ਲਈ ਆਪਣੇ ਕਰੀਅਰ ਦਾ ਪਹਿਲਾ ਰਾਸ਼ਟਰੀ ਪੁਰਸਕਾਰ ਜਿੱਤਣ 'ਤੇ ਬਹੁਤ ਖੁਸ਼ ਹਾਂ। ਇਹ 30 ਸਾਲਾਂ ਦੇ ਕਰੀਅਰ ਵਿੱਚ ਮੇਰਾ ਪਹਿਲਾ ਰਾਸ਼ਟਰੀ ਪੁਰਸਕਾਰ ਹੈ। ਇੱਕ ਕਲਾਕਾਰ ਦੇ ਤੌਰ 'ਤੇ, ਮੈਂ ਖੁਸ਼ਕਿਸਮਤ ਹਾਂ ਕਿ ਮੈਨੂੰ ਕੁਝ ਸਭ ਤੋਂ ਵਧੀਆ ਫਿਲਮਾਂ ਵਿੱਚ ਕੰਮ ਕਰਨ ਦਾ ਮੌਕਾ ਮਿਲਿਆ ਅਤੇ ਮੈਨੂੰ ਉਨ੍ਹਾਂ ਲਈ ਬਹੁਤ ਪਿਆਰ ਵੀ ਮਿਲਿਆ ਹੈ। ਮੈਂ 'ਮਿਸਿਜ਼ ਚੈਟਰਜੀ ਵਰਸਿਸ ਨਾਰਵੇ' ਵਿੱਚ ਮੇਰੇ ਕੰਮ ਦਾ ਸਨਮਾਨ ਕਰਨ ਲਈ ਰਾਸ਼ਟਰੀ ਪੁਰਸਕਾਰ ਜਿਊਰੀ ਦਾ ਧੰਨਵਾਦ ਕਰਦੀ ਹਾਂ। ਮੈਂ ਇਹ ਖੁਸ਼ੀ ਫਿਲਮ ਦੀ ਪੂਰੀ ਟੀਮ, ਮੇਰੇ ਨਿਰਮਾਤਾ ਨਿਖਿਲ ਅਡਵਾਨੀ, ਮੋਨੀਸ਼ਾ ਅਤੇ ਮਧੂ, ਮੇਰੀ ਨਿਰਦੇਸ਼ਕ ਆਸ਼ੀਮਾ ਛਿੱਬਰ ਅਤੇ ਇਸ ਬਹੁਤ ਹੀ ਖਾਸ ਪ੍ਰੋਜੈਕਟ 'ਤੇ ਕੰਮ ਕਰਨ ਵਾਲੇ ਹਰ ਵਿਅਕਤੀ ਨਾਲ ਸਾਂਝੀ ਕਰਨਾ ਚਾਹੁੰਦੀ ਹਾਂ। ਇਹ ਫਿਲਮ ਮਾਂ ਬਣਨ ਦੀ ਸ਼ਕਤੀ ਦਾ ਜਸ਼ਨ ਮਨਾਉਂਦੀ ਹੈ।

ਇਹ ਵੀ ਪੜ੍ਹੋ: ਵੱਡੀ ਖ਼ਬਰ ; ਪਿਓ ਨੇ ਅਦਾਕਾਰਾ ਧੀ ਖ਼ਿਲਾਫ਼ ਖ਼ੁਦ ਹੀ ਕਰਾ'ਤੀ FIR

ਰਾਣੀ ਮੁਖਰਜੀ ਨੇ ਕਿਹਾ, "ਮੇਰੇ ਲਈ, ਇਹ ਪੁਰਸਕਾਰ ਮੇਰੇ 30 ਸਾਲਾਂ ਦੇ ਕੰਮ, ਮੇਰੀ ਕਲਾ ਪ੍ਰਤੀ ਸਮਰਪਣ, ਜਿਸ ਨਾਲ ਮੈਂ ਇੱਕ ਡੂੰਘਾ ਅਧਿਆਤਮਿਕ ਸਬੰਧ ਮਹਿਸੂਸ ਕਰਦੀ ਹਾਂ, ਅਤੇ ਸਿਨੇਮਾ ਅਤੇ ਸਾਡੇ ਇਸ ਸੁੰਦਰ ਫਿਲਮ ਉਦਯੋਗ ਪ੍ਰਤੀ ਮੇਰੇ ਜਨੂੰਨ ਨੂੰ ਵੀ ਇਕ ਪਛਾਣ ਦਿੰਦਾ ਹੈ। ਮੈਂ ਆਪਣਾ ਰਾਸ਼ਟਰੀ ਪੁਰਸਕਾਰ ਦੁਨੀਆ ਦੀਆਂ ਸਾਰੀਆਂ ਸ਼ਾਨਦਾਰ ਮਾਵਾਂ ਨੂੰ ਸਮਰਪਿਤ ਕਰਦੀ ਹਾਂ। ਮਾਂ ਦੇ ਪਿਆਰ ਅਤੇ ਆਪਣੇ ਬੱਚਿਆਂ ਦੀ ਰੱਖਿਆ ਕਰਨ ਦੀ ਉਸਦੀ ਸ਼ਕਤੀ ਵਰਗਾ ਕੁਝ ਵੀ ਨਹੀਂ ਹੈ।" ਰਾਣੀ ਮੁਖਰਜੀ ਨੇ ਕਿਹਾ, "ਮੈਨੂੰ ਲੱਗਦਾ ਹੈ ਕਿ ਇਹ ਸਹੀ ਸਮਾਂ ਹੈ ਕਿ ਮੈਂ ਇੱਕ ਵਾਰ ਫਿਰ ਦੁਨੀਆ ਭਰ ਦੇ ਆਪਣੇ ਸਾਰੇ ਪ੍ਰਸ਼ੰਸਕਾਂ ਦਾ ਧੰਨਵਾਦ ਕਰਾਂ ਜਿਨ੍ਹਾਂ ਨੇ ਇਨ੍ਹਾਂ 30 ਸਾਲਾਂ ਵਿੱਚ ਹਰ ਮੁਸ਼ਕਲ ਸਮੇਂ ਵਿੱਚ ਮੇਰਾ ਸਮਰਥਨ ਕੀਤਾ ਹੈ! ਤੁਹਾਡਾ ਬਿਨਾਂ ਸ਼ਰਤ ਪਿਆਰ ਅਤੇ ਸਮਰਥਨ ਹੀ ਉਹ ਸਭ ਕੁਝ ਹੈ ਜਿਸਦੀ ਮੈਨੂੰ ਹਮੇਸ਼ਾ ਪ੍ਰੇਰਿਤ ਰਹਿਣ, ਹਰ ਰੋਜ਼ ਕੰਮ 'ਤੇ ਆਉਣ ਅਤੇ ਅਜਿਹੇ ਪ੍ਰਦਰਸ਼ਨ ਕਰਲ ਲਈ ਲੋੜ ਸੀ ਜੋ ਤੁਹਾਨੂੰ ਪਸੰਦ ਆਏ। ਤੁਸੀਂ ਮੇਰੀ ਹਰ ਭੂਮਿਕਾ, ਹਰ ਕਿਰਦਾਰ, ਹਰ ਕਹਾਣੀ ਨੂੰ ਅਪਣਾਇਆ ਹੈ ਜਿਸਨੂੰ ਮੈਨੂੰ ਜੀਵਨ ਵਿੱਚ ਲਿਆਉਣ ਦਾ ਸੁਭਾਗ ਪ੍ਰਾਪਤ ਹੋਇਆ ਹੈ। ਇਸ ਲਈ ਤੁਹਾਡੇ ਬਿਨਾਂ, ਮੈਂ ਅੱਜ ਕੁਝ ਵੀ ਨਹੀਂ ਹੁੰਦੀ।" 

ਇਹ ਵੀ ਪੜ੍ਹੋ: ਵੱਡੀ ਖਬਰ; ਮਸ਼ਹੂਰ ਅਦਾਕਾਰ ਦੀ ਮੌਤ, ਹੋਟਲ ਦੇ ਕਮਰੇ 'ਚੋਂ ਮਿਲੀ ਲਾਸ਼

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8