ਪ੍ਰਿਯੰਕਾ ਚੋਪੜਾ ਨੇ ਆਸਟ੍ਰੇਲੀਆਈ ਪੱਤਰਕਾਰ ਦੀ ਬੋਲਤੀ ਕੀਤੀ ਬੰਦ, ਜਾਣੋ ਕੀ ਸੀ ਪੂਰਾ ਮਾਮਲਾ

ਨਵੀਂ ਦਿੱਲੀ : ਬਾਲੀਵੁੱਡ ਤੇ ਹਾਲੀਵੁੱਡ ਅਦਾਕਾਰਾ ਪ੍ਰਿਅੰਕਾ ਚੋਪੜਾ ਨੇ ਹਾਲ ਹੀ 'ਚ ਪਤੀ ਨਿਕ ਜੋਨਸ ਨਾਲ ਮਿਲ ਕੇ 93ਵੇਂ ਅਕੈਡਮੀ ਐਵਾਰਡਜ਼ ਦੇ ਨਾਮੀਨੇਸ਼ਨਜ਼ ਦਾ ਐਲਾਨ ਕੀਤਾ ਸੀ। ਇਸ ਨੂੰ ਦੇਸੀ ਅਦਾਕਾਰਾ ਦੀ ਇਕ ਹੋਰ ਸ਼ਾਨਦਾਰ ਉਪਲਬਧੀ ਦੇ ਤੌਰ 'ਤੇ ਦੇਖਿਆ ਗਿਆ ਹੈ। ਪ੍ਰਿਅੰਕਾ ਦੀ ਆਪਣੀ ਫ਼ਿਲਮ 'ਦਿ ਵ੍ਹਾਈਟ ਟਾਈਗਰ' ਵੀ ਅਡੇਪਟਿਡ ਸਕਰੀਨ-ਪਲੇਅ ਕੈਟੇਗਰੀ 'ਚ ਨਾਮੀਨੇਟ ਹੋਈ ਹੈ। ਅਜਿਹੇ 'ਚ ਇਕ ਵਿਦੇਸ਼ੀ ਪੱਤਰਕਾਰ ਨੇ ਆਸਕਰ ਨਾਮੀਨੇਸ਼ਨਜ਼ ਲਈ ਪ੍ਰਿਅੰਕਾ ਚੋਪੜਾ ਦੀ ਯੋਗਤਾ 'ਤੇ ਸਵਾਲ ਚੁੱਕਿਆ ਤਾਂ ਅਦਾਕਾਰਾ ਨੇ ਕਰਾਰਾ ਜਵਾਬ ਦਿੱਤਾ, ਜਿਸ ਤੋਂ ਬਾਅਦ ਪੱਤਰਕਾਰ ਨੇ ਉਹ ਟਵੀਟ ਹੀ ਡਿਲੀਟ ਕਰ ਦਿੱਤਾ।

ਪੱਤਰਕਾਰ ਦਾ ਨਾਂ ਪੀਟਰ ਫੋਰਡ ਹੈ। ਪੀਟਰ ਦੇ ਵੈਰੀਫਾਈਡ ਟਵਿੱਟਰ ਅਕਾਊਂਟ ਮੁਤਾਬਕ ਉਹ ਆਸਟ੍ਰੇਲੀਆ ਤੇ ਨਿਊਜ਼ੀਲੈਂਡ ਦੇ ਬੈਸਟ ਤੇ ਸਭ ਤੋਂ ਜ਼ਿਆਦਾ ਸੁਣੇ ਜਾਣ ਵਾਲੇ ਐਂਟਰਟੇਨਮੈਂਟ ਰਿਪੋਰਟਰ ਹਨ। ਪੀਟਰ ਨੇ ਮੰਗਲਵਾਰ ਰਾਤ ਨੂੰ ਪ੍ਰਿਅੰਕਾ ਤੇ ਨਿਕ ਜੋਨਸ ਦੀ ਆਸਕਰ ਐਵਾਰਡ ਨਾਮੀਨੇਸ਼ਨਜ਼ ਦੇ ਐਲਾਨ ਤੋਂ ਬਾਅਦ ਪੋਸਟ ਕੀਤੀ ਗਈ ਇਕ ਤਸਵੀਰ ਨੂੰ ਟਵੀਟ ਕਰ ਕੇ ਲਿਖਿਆ ਸੀ- "No disrespect to these two but I'm not sure their contribution to the movies qualifies them to be announcing Oscar nominees।" 

ਪੀਟਰ ਦੇ ਇਸ ਟਵੀਟ ਦਾ ਪ੍ਰਿਅੰਕਾ ਚੋਪੜਾ ਨੇ ਕਰਾਰਾ ਜਵਾਬ ਦਿੱਤਾ। ਪ੍ਰਿਅੰਕਾ ਚੋਪੜਾ ਨੇ ਆਪਣੀਆਂ ਫ਼ਿਲਮਾਂ ਦੀ ਸੂਚੀ ਟਵੀਟ ਕਰਦਿਆਂ ਹੋਇਆ ਲਿਖਿਆ ਕੋਈ ਕੁਆਲੀਫਾਈ ਕਿਵੇਂ ਹੁੰਦਾ ਹੈ। ਇਸ 'ਤੇ ਤੁਹਾਡੇ ਵਿਚਾਰ ਜਾਣਨਾ ਚਾਹਾਂਗੀ। ਤੁਹਾਡੇ ਧਿਆਨ ਹੇਤੂ ਇੱਥੇ ਮੇਰੀਆਂ 60 ਤੋਂ ਜ਼ਿਆਦਾ ਫ਼ਿਲਮਾਂ ਦੀ ਸੂਚੀ ਹੈ।

Would love your thoughts on what qualifies someone. Here are my 60+ film credentials for your adept consideration @mrpford https://t.co/8TY2sw1dKb pic.twitter.com/T8DnQbtXZG

— PRIYANKA (@priyankachopra) March 16, 2021

ਦੂਜੇ ਪਾਸੇ ਫ਼ਿਲਮ ਰਾਈਟਰ ਅਪੂਰਵ ਅਸਰਾਨੀ ਨੇ ਪੀਟਰ ਦੇ ਟਵੀਟ 'ਤੇ ਹੈਰਾਨੀ ਜਤਾਉਂਦੇ ਹੋਏ ਲਿਖਿਆ ਸੀ-ਕੁਆਲੀਫਾਈ? ਪ੍ਰਿਅੰਕਾ ਚੋਪੜਾ ਨੇ 80 ਫ਼ਿਲਮਾਂ 'ਚ ਕੰਮ ਕੀਤਾ ਹੈ, ਜਿਨ੍ਹਾਂ 'ਚ 13 'ਚੋਂ ਪ੍ਰੋਡਿਊਸਰ ਰਹੀ। ਉਨ੍ਹਾਂ ਦੀ ਪਿਛਲੀ ਬਾਫਟਾ ਤੇ ਆਸਕਰ 'ਚ ਨਾਮੀਨੇਟਿਡ ਹਨ। ਟਾਈਮਜ਼ ਦੀਆਂ 100 ਸਭ ਤੋਂ ਪ੍ਰਭਾਵਸ਼ਾਲੀ ਲੋਕਾਂ ਤੇ ਫੋਬਰਸ ਦੀਆਂ 100 ਸ਼ਕਤੀਸ਼ਾਲੀ ਔਰਤਾਂ ਦੀ ਸੂਚੀ 'ਚ ਹੈ। ਉਨ੍ਹਾਂ ਦਾ ਮਮੋਈਰ ਨਿਊਯਾਰਕ ਟਾਈਮਜ਼ ਦੀ ਬੈਸਟ ਸੇਲਰ ਲਿਸਟ 'ਚ ਹੈ।
 

Qualify?😲 Priyanka Chopra has acted in 80 movies, served as producer on 13--the last one bagged a BAFTA & an Oscar nomination. She is among Time's 100 most influential people & Forbes' World's 100 Most Powerful Women. Her memoir just reached The New York Times Best Seller list! https://t.co/cMVe38uqI5

— Apurva (@Apurvasrani) March 16, 2021