‘ਅਸਿਤ ਮੋਦੀ ਨੇ ਮੈਨੂੰ ਮੱਖੀ ਵਾਂਗ ਬਾਹਰ ਸੁੱਟ ਦਿੱਤਾ’, ‘ਤਾਰਕ ਮਹਿਤਾ...’ ਦੀ ਪ੍ਰਿਆ ਨੇ ਦਿੱਤਾ ਵੱਡਾ ਬਿਆਨ

ਮੁੰਬਈ (ਬਿਊਰੋ)– ‘ਤਾਰਕ ਮਹਿਤਾ ਕਾ ਉਲਟਾ ਚਸ਼ਮਾ’ ਇਨ੍ਹੀਂ ਦਿਨੀਂ ਵਿਵਾਦਾਂ ’ਚ ਘਿਰਿਆ ਹੋਇਆ ਹੈ। ਇਕ ਤੋਂ ਬਾਅਦ ਇਕ ਕਈ ਕਲਾਕਾਰ ਅਸਿਤ ਮੋਦੀ ਦੇ ਖ਼ਿਲਾਫ਼ ਬੋਲ ਰਹੇ ਹਨ ਤੇ ਦੱਸ ਰਹੇ ਹਨ ਕਿ ਸੈੱਟ ’ਤੇ ਕਿਹੋ ਜਿਹਾ ਮਾਹੌਲ ਹੁੰਦਾ ਹੈ ਤੇ ਉਨ੍ਹਾਂ ਨਾਲ ਕਿਹੋ ਜਿਹਾ ਵਿਵਹਾਰ ਕੀਤਾ ਜਾਂਦਾ ਹੈ। ਜੈਨੀਫਰ ਮਿਸਤਰੀ ਨੇ ਹਾਲ ਹੀ ’ਚ ਅਸਿਤ ਮੋਦੀ ’ਤੇ ਜਿਨਸੀ ਸ਼ੋਸ਼ਣ ਦਾ ਦੋਸ਼ ਲਗਾਇਆ ਸੀ, ਜਿਸ ਤੋਂ ਬਾਅਦ ਮੋਨਿਕਾ ਭਦੋਰੀਆ ਨੇ ਅਸਿਤ ਮੋਦੀ ’ਤੇ ਹਮਲਾ ਕੀਤਾ ਸੀ। ਹੁਣ ਅਦਾਕਾਰਾ ਪ੍ਰਿਆ ਆਹੂਜਾ ਰਾਜਦਾ ਦਾ ਵੀ ਬਿਆਨ ਸਾਹਮਣੇ ਆਇਆ ਹੈ। ‘ਤਾਰਕ ਮਹਿਤਾ ਕਾ ਉਲਟਾ ਚਸ਼ਮਾ’ ’ਚ ਪ੍ਰਿਆ ਆਹੂਜਾ ਰੀਟਾ ਰਿਪੋਰਟਰ ਦਾ ਕਿਰਦਾਰ ਨਿਭਾਅ ਰਹੀ ਸੀ। ਉਹ ਇਸ ਦੇ ਲਾਂਚ ਹੋਣ ਤੋਂ ਬਾਅਦ ਤੋਂ ਹੀ ਇਸ ਸ਼ੋਅ ਦਾ ਹਿੱਸਾ ਰਹੀ ਹੈ ਪਰ ਪ੍ਰਿਆ ਆਹੂਜਾ ਸ਼ੋਅ ਦੇ ਸੈੱਟ ’ਤੇ ਕਲਾਕਾਰਾਂ ਨਾਲ ਜਿਸ ਤਰ੍ਹਾਂ ਦਾ ਵਿਵਹਾਰ ਕੀਤਾ ਗਿਆ, ਉਸ ਤੋਂ ਖ਼ੁਸ਼ ਨਹੀਂ ਸੀ।

ਪ੍ਰਿਆ ਆਹੂਜਾ ਰਾਜਦਾ ਨੇ ਦੱਸਿਆ ਕਿ ਉਹ ‘ਤਾਰਕ ਮਹਿਤਾ ਕਾ ਉਲਟਾ ਚਸ਼ਮਾ’ ਤੋਂ ਕਿਉਂ ਗਾਇਬ ਹੈ। ਪ੍ਰਿਆ ਨੂੰ ਸ਼ੈਲੇਸ਼ ਲੋਢਾ, ਜੈਨੀਫਰ ਮਿਸਤਰੀ ਬੰਸੀਵਾਲ ਤੇ ਮੋਨਿਕਾ ਭਦੋਰੀਆ ਵਲੋਂ ਕੀਤੇ ਗਏ ਦਾਅਵਿਆਂ ਬਾਰੇ ਵੀ ਪੁੱਛਿਆ ਗਿਆ। ਇਨ੍ਹੀਂ ਦਿਨੀਂ ਦਾਅਵਾ ਕੀਤਾ ਗਿਆ ਸੀ ਕਿ ਸੈੱਟ ’ਤੇ ਕਲਾਕਾਰਾਂ ਨਾਲ ਦੁਰਵਿਵਹਾਰ ਕੀਤਾ ਜਾਂਦਾ ਸੀ। ਦੱਸਣਯੋਗ ਹੈ ਕਿ ਪ੍ਰਿਆ ਆਹੂਜਾ ਰਾਜਦਾ ਦਾ ਵਿਆਹ ‘ਤਾਰਕ ਮਹਿਤਾ...’ ਦੇ ਸਾਬਕਾ ਨਿਰਦੇਸ਼ਕ ਮਾਲਵ ਰਾਜਦਾ ਨਾਲ ਹੋਇਆ ਹੈ। ਮਾਲਵ ਰਾਜਦਾ ਨੇ ਕੁਝ ਮਹੀਨੇ ਪਹਿਲਾਂ ਇਸ ਨੂੰ ਛੱਡਣ ਦਾ ਐਲਾਨ ਕੀਤਾ ਸੀ।

‘ਤਾਰਕ ਮਹਿਤਾ...’ ਦੇ ਸੈੱਟ ’ਤੇ ਤਸ਼ੱਦਦ
ਪ੍ਰਿਆ ਆਹੂਜਾ ਨੇ ਕਿਹਾ, ‘‘ਹਾਂ, ‘ਤਾਰਕ ਮਹਿਤਾ...’ ’ਚ ਕੰਮ ਕਰਦੇ ਸਮੇਂ ਕਲਾਕਾਰਾਂ ਨੂੰ ਮਾਨਸਿਕ ਪ੍ਰੇਸ਼ਾਨੀ ’ਚੋਂ ਗੁਜ਼ਰਨਾ ਪੈਂਦਾ ਹੈ। ਬਹੁਤ ਹੋ ਗਿਆ, ਮਾਨਸਿਕ ਤੌਰ ’ਤੇ ਵੀ ਮੈਂ ਉਥੇ ਕੰਮ ਕਰਦਿਆਂ ਮੁਸ਼ਕਲਾਂ ’ਚੋਂ ਗੁਜ਼ਰੀ ਹਾਂ ਪਰ ਇਸ ਦਾ ਮੇਰੇ ’ਤੇ ਜ਼ਿਆਦਾ ਅਸਰ ਨਹੀਂ ਹੋਇਆ ਕਿਉਂਕਿ ਮੇਰਾ ਪਤੀ ਮਾਲਵ, ਜੋ 14 ਸਾਲਾਂ ਤੋਂ ਸ਼ੋਅ ਦੇ ਨਿਰਦੇਸ਼ਕ ਸਨ, ਕਮਾਈ ਕਰ ਰਹੇ ਸਨ। ਉਥੇ ਕੰਮ ਕਰਨ ਦਾ ਇਕ ਫ਼ਾਇਦਾ ਇਹ ਸੀ ਕਿ ਮੇਰੇ ਕੋਲ ਇਕਰਾਰਨਾਮਾ ਨਹੀਂ ਸੀ, ਮੈਨੂੰ ਕਦੇ ਵੀ ਬਾਹਰ ਕੰਮ ਕਰਨ ਤੋਂ ਨਹੀਂ ਰੋਕਿਆ ਗਿਆ ਸੀ। ਅਸਿਤ ਕੁਮਾਰ ਮੋਦੀ ਭਾਈ, ਸੋਹਿਲ ਰਮਾਨੀ ਜਾਂ ਜਤਿਨ ਬਜਾਜ ਮੇਰੇ ਛੋਟੇ ਭਰਾਵਾਂ ਵਾਂਗ ਹਨ, ਉਨ੍ਹਾਂ ਨੇ ਕਦੇ ਵੀ ਮੇਰੇ ਨਾਲ ਦੁਰਵਿਵਹਾਰ ਨਹੀਂ ਕੀਤਾ।’’

ਇਹ ਖ਼ਬਰ ਵੀ ਪੜ੍ਹੋ : ਆਸਟਰੇਲੀਆ ’ਚ ਗੁਰਦਾਸ ਮਾਨ ਦੇ ਸ਼ੋਅ ਦਾ ਕ੍ਰੇਜ਼, 11 ਹਜ਼ਾਰ ਡਾਲਰ ’ਚ ਵਿਕੀ ਪਹਿਲੀ ਟਿਕਟ

‘ਅਸਿਤ ਮੋਦੀ ਮੈਨੂੰ ਜਵਾਬ ਨਹੀਂ ਦਿੰਦੇ’
ਪ੍ਰਿਆ ਨੇ ਅੱਗੇ ਕਿਹਾ, ‘‘ਪਰ ਜਿਥੋਂ ਤੱਕ ਕੰਮ ਦਾ ਸਵਾਲ ਹੈ, ਮੇਰੇ ਨਾਲ ਗਲਤ ਵਿਵਹਾਰ ਕੀਤਾ ਗਿਆ ਹੈ। ਮਾਲਵ ਨਾਲ ਮੇਰੇ ਵਿਆਹ ਤੋਂ ਬਾਅਦ, ਉਨ੍ਹਾਂ ਨੇ ਮੇਰਾ ਟਰੈਕ ਘੱਟ ਕਰ ਦਿੱਤਾ। ਇਹ ਹੁਣ ਇਕੋ ਜਿਹਾ ਨਹੀਂ ਰਿਹਾ। ਮੈਨੂੰ ਪ੍ਰੈਗਨੈਂਸੀ ਤੇ ਮਾਲਵ ਦੇ ਸ਼ੋਅ ਛੱਡਣ ਤੋਂ ਬਾਅਦ ਸ਼ੋਅ ’ਚ ਮੇਰੇ ਟ੍ਰੈਕ ਬਾਰੇ ਕੋਈ ਜਾਣਕਾਰੀ ਨਹੀਂ ਹੈ। ਮੈਂ ਆਸਿਤ ਭਾਈ ਨੂੰ ਕਈ ਵਾਰ ਮੈਸੇਜ ਕੀਤਾ ਕਿ ਉਨ੍ਹਾਂ ਨੂੰ ਸ਼ੋਅ ’ਚ ਮੇਰੇ ਟ੍ਰੈਕ ਬਾਰੇ ਪੁੱਛਿਆ ਪਰ ਕੋਈ ਜਵਾਬ ਨਹੀਂ ਮਿਲਿਆ। ਕਦੇ-ਕਦੇ ਉਹ ਕਹਿੰਦੇ ਸਨ ਕਿ ਤੈਨੂੰ ਕੰਮ ਕਰਨ ਦੀ ਕੀ ਲੋੜ ਹੈ, ਮਾਲਵ ਕੰਮ ਕਰ ਰਿਹਾ ਹੈ, ਹੈ ਨਾ? ਮੈਂ ਇਕ ਇਨਸਾਨ ਹਾਂ ਤੇ ਮੈਨੂੰ ਇਹ ਸ਼ੋਅ ਇਸ ਲਈ ਨਹੀਂ ਮਿਲਿਆ ਕਿਉਂਕਿ ਮੈਂ ਮਾਲਵ ਦੀ ਪਤਨੀ ਸੀ। ਮੈਂ ਮਾਲਵ ਨਾਲ ਵਿਆਹ ਕਰਨ ਤੋਂ ਪਹਿਲਾਂ ਇਸ ਸ਼ੋਅ ਦਾ ਹਿੱਸਾ ਸੀ। ਮੈਨੂੰ ਕਦੇ ਵੀ ਸਹੀ ਜਵਾਬ ਨਹੀਂ ਮਿਲਿਆ।’’

9 ਮਹੀਨਿਆਂ ਤੋਂ ਸ਼ੋਅ ’ਚ ਨਹੀਂ ਬੁਲਾਇਆ, ਕੋਈ ਜਵਾਬ ਨਹੀਂ
ਪ੍ਰਿਆ ਆਹੂਜਾ ਨੇ ਦੱਸਿਆ ਕਿ ਕਿਵੇਂ ਉਹ ਅਸਿਤ ਮੋਦੀ ਨੂੰ ਕੰਮ ਲਈ ਵਾਰ-ਵਾਰ ਬੁਲਾਉਂਦੀ ਸੀ। ਸ਼ੋਅ ’ਤੇ ਉਸ ਦੇ ਟ੍ਰੈਕ ਬਾਰੇ ਜਾਣਨ ਲਈ ਬੁਲਾਇਆ ਗਿਆ। ਅਸਿਤ ਮੋਦੀ ਦੀ ਟੀਮ ਨਾਲ ਵੀ ਸੰਪਰਕ ਕੀਤਾ ਪਰ ਕੋਈ ਖ਼ਾਸ ਜਵਾਬ ਨਹੀਂ ਮਿਲਿਆ। ਉਸ ਨੇ ਕਿਹਾ, ‘‘ਮੈਨੂੰ ਬੁਰਾ ਲੱਗਦਾ ਹੈ ਕਿ ਜਦੋਂ ਤੋਂ ਮਾਲਵ ਨੇ ਸ਼ੋਅ ਛੱਡਿਆ ਹੈ, ਉਸ ਨੇ ਮੇਰੇ ਸੰਦੇਸ਼ਾਂ ਦਾ ਜਵਾਬ ਨਹੀਂ ਦਿੱਤਾ। ਉਸ ਨੂੰ ਸ਼ੋਅ ਛੱਡੇ ਛੇ ਮਹੀਨੇ ਹੋ ਗਏ ਹਨ ਤੇ ਉਸ ਨੇ ਮੈਨੂੰ ਸ਼ੂਟ ਲਈ ਨਹੀਂ ਬੁਲਾਇਆ। ਮੈਨੂੰ ਲੱਗਦਾ ਹੈ ਕਿ ਇਕ ਕਲਾਕਾਰ ਵਜੋਂ ਇਹ ਗਲਤ ਹੈ। ਮੈਂ ਸੋਹਿਲ ਨੂੰ ਫ਼ੋਨ ਕੀਤਾ ਤੇ ਉਸ ਨੂੰ ਬੇਨਤੀ ਕੀਤੀ ਕਿ ਉਹ ਅਸਿਤ ਜੀ ਤੋਂ ਸ਼ੋਅ ’ਚ ਮੇਰੇ ਟ੍ਰੈਕ ਬਾਰੇ ਪੁੱਛਣ। ਮੈਂ ਅਸਿਤ ਭਾਈ ਨੂੰ ਸੁਨੇਹਾ ਵੀ ਦਿੱਤਾ ਕਿ ਕੀ ਮੈਂ ਅਜੇ ਵੀ ਸ਼ੋਅ ਦਾ ਹਿੱਸਾ ਹਾਂ? ਪਰ ਮੈਨੂੰ ਦੋਵਾਂ ਵਲੋਂ ਕੋਈ ਹੁੰਗਾਰਾ ਨਹੀਂ ਮਿਲਿਆ। ਮੈਨੂੰ ਦੱਸੋ ਕਿ ਮੈਂ ਸ਼ੋਅ ਦਾ ਹਿੱਸਾ ਨਹੀਂ ਵੀ ਹਾਂ। ਮੈਂ ਵਾਪਸ ਆਉਣ ਲਈ ਨਹੀਂ ਮਰ ਰਹੀ ਪਰ ਇਹ ਗਲਤ ਹੈ ਕਿ ਮਾਲਵ ਨੇ ਸ਼ੋਅ ਛੱਡ ਦਿੱਤਾ ਹੈ, ਇਸ ਲਈ ਹੁਣ ਤੁਸੀਂ ਮੈਨੂੰ ਕਾਲ ਨਹੀਂ ਕਰਨਾ ਚਾਹੁੰਦੇ। ਪਿਛਲੇ 6-8 ਸਾਲਾਂ ਤੋਂ ਜੋ ਰਵੱਈਆ ਹੈ, ਮੈਨੂੰ ਪੂਰਾ ਯਕੀਨ ਸੀ ਕਿ ਉਹ ਮੈਨੂੰ ਨਹੀਂ ਬੁਲਾਏਗਾ। ਮੈਂ ਇਸ ਬਾਰੇ ਮਾਲਵ ਨੂੰ ਵੀ ਕਿਹਾ ਸੀ, ਜਦੋਂ ਉਹ ਸ਼ੋਅ ਛੱਡ ਰਿਹਾ ਸੀ ਕਿ ਹੁਣ ਉਹ ਮੈਨੂੰ ਨਹੀਂ ਬੁਲਾਏਗਾ ਤੇ ਨਾ ਹੀ ਇਹ ਐਲਾਨ ਕਰੇਗਾ ਕਿ ਮੈਂ ਹੁਣ ਸ਼ੋਅ ਦਾ ਹਿੱਸਾ ਨਹੀਂ ਹਾਂ।’’

ਇਹ ਖ਼ਬਰ ਵੀ ਪੜ੍ਹੋ : ਕਰੂਜ਼ ਡਰੱਗਜ਼ ਮਾਮਲਾ, ਸੀ. ਬੀ. ਆਈ. ਨੇ ਵਾਨਖੇੜੇ ਤੋਂ ਕੀਤੀ 5 ਘੰਟੇ ਪੁੱਛਗਿੱਛ

‘ਮੱਖੀ ਵਾਂਗ ਬਾਹਰ ਸੁੱਟਿਆ’
ਪ੍ਰਿਆ ਆਹੂਜਾ ਨੇ ਕਿਹਾ ਕਿ ਮੋਨਿਕਾ ਭਦੋਰੀਆ ਤੇ ਹੋਰ ਜੋ ਅਸਿਤ ਮੋਦੀ ਖ਼ਿਲਾਫ਼ ਬੋਲ ਰਹੇ ਹਨ, ਉਹ ਗਲਤ ਨਹੀਂ ਹਨ। ਅਜਿਹਾ ਇਸ ਲਈ ਕਿਉਂਕਿ ਅਸਿਤ ਮੋਦੀ ਤੇ ਉਨ੍ਹਾਂ ਦੇ ਲੋਕਾਂ ਨੇ ਉਨ੍ਹਾਂ ਦੇ ਸੰਦੇਸ਼ਾਂ ਦਾ ਜਵਾਬ ਵੀ ਨਹੀਂ ਦਿੱਤਾ। ਪ੍ਰਿਆ ਨੇ ਕਿਹਾ, ‘‘ਤੁਸੀਂ ਮੈਨੂੰ 9 ਮਹੀਨਿਆਂ ਤੱਕ ਸ਼ੋਅ ’ਤੇ ਨਹੀਂ ਬੁਲਾਇਆ ਕਿਉਂਕਿ ਮਾਲਵ ਨਾਲ ਤੁਹਾਡਾ ਰਿਸ਼ਤਾ ਖ਼ਤਮ ਹੋ ਗਿਆ ਸੀ ਤੇ ਉਸ ਤੋਂ ਬਾਅਦ ਤੁਸੀਂ ਮੈਨੂੰ ਮੱਖੀ ਵਾਂਗ ਸੁੱਟ ਦਿੱਤਾ ਸੀ।’’ ਪ੍ਰਿਆ ਨੇ ਇਹ ਵੀ ਕਿਹਾ ਕਿ ਜੈਨੀਫਰ ਮਿਸਤਰੀ ਬੰਸੀਵਾਲ ਸੈੱਟ ’ਤੇ ਬਹੁਤ ਹੀ ਸੱਭਿਅਕ ਤਰੀਕੇ ਨਾਲ ਵਿਵਹਾਰ ਕਰਦੀ ਸੀ ਤੇ ਕਦੇ ਵੀ ਕਿਸੇ ਨਾਲ ਦੁਰਵਿਵਹਾਰ ਨਹੀਂ ਕਰਦੀ ਸੀ। ਇਹ ਜਾਣਿਆ ਜਾਂਦਾ ਹੈ ਕਿ ਅਸਿਤ ਮੋਦੀ ਤੇ ਉਨ੍ਹਾਂ ਦੇ ਪ੍ਰੋਡਕਸ਼ਨ ਹਾਊਸ ਨੇ ਇਕ ਬਿਆਨ ਜਾਰੀ ਕਰਕੇ ਜੈਨੀਫਰ ਮਿਸਤਰੀ ਬੰਸੀਵਾਲ ’ਤੇ ਗੈਰ-ਪ੍ਰੋਫੈਸ਼ਨਲ ਹੋਣ ਤੇ ਸੈੱਟ ’ਤੇ ਲੇਟ ਹੋਣ ਦਾ ਦੋਸ਼ ਲਗਾਇਆ ਹੈ।

ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।