ਅਮਿਤਾਭ ਸਾਹਮਣੇ ਅੱਜ ਹੌਟਸੀਟ ''ਤੇ ਬੈਠੇਗਾ ਇਹ ਮੁਕਾਬਲੇਬਾਜ਼, ਨਰਿੰਦਰ ਮੋਦੀ ਨਾਲ ਹੈ ਖ਼ਾਸ ਕਨੈਕਸ਼ਨ (ਵੀਡੀਓ)
Monday, Aug 23, 2021 - 02:42 PM (IST)
ਨਵੀਂ ਦਿੱਲੀ (ਬਿਊਰੋ) : ਛੋਟੇ ਪਰਦੇ ਦਾ ਸਭ ਤੋਂ ਚਰਚਿਤ, ਸਕਸੈਸਫੁੱਲ ਅਤੇ ਸਭ ਦਾ ਪਸੰਦੀਦਾ ਸ਼ੋਅ 'ਕੌਣ ਬਣੇਗਾ ਕਰੋੜਪਤੀ' ਦਾ ਸੀਜ਼ਨ 13 ਅੱਜ ਤੋਂ ਸ਼ੁਰੂ ਹੋਣ ਵਾਲਾ ਹੈ। 'ਕੇਬੀਸੀ' ਦੇ 12 ਸੀਜ਼ਨ ਹੁਣ ਤਕ ਬੇਹੱਦ ਸ਼ਾਨਦਾਰ ਰਹੇ ਹਨ, ਇਹੀ ਕਾਰਨ ਹੈ ਕਿ ਦਰਸ਼ਕ ਹਰ ਸਾਲ ਇਸ ਸ਼ੋਅ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰਦੇ ਹਨ। ਇੱਥੇ ਤਕ ਪਹੁੰਚਣ ਲਈ ਲੋਕ ਸਾਲਾਂ ਤਕ ਮਿਹਨਤ ਕਰਦੇ ਹਨ, ਫ਼ਿਰ ਜਾ ਕੇ ਅਮਿਤਾਭ ਬੱਚਨ ਦੇ ਸਾਹਮਣੇ ਹੌਟਸੀਟ 'ਤੇ ਬੈਠ ਪਾਉਂਦੇ ਹਨ।
ਹਮੇਸ਼ਾ ਦੀ ਤਰ੍ਹਾਂ ਅੱਜ ਵੀ 'ਕੇਬੀਸੀ 13' ਨੂੰ ਲੈ ਕੇ ਦਰਸ਼ਕ ਕਾਫ਼ੀ ਜ਼ਿਆਦਾ ਉਤਸ਼ਾਹਿਤ ਹਨ ਅਤੇ ਰਾਤ 9 ਵੱਜਣ ਦਾ ਇੰਤਜ਼ਾਰ ਕਰ ਰਹੇ ਹਨ। ਸੋਨੀ ਟੀ. ਵੀ. ਪਿਛਲੇ ਕੁਝ ਦਿਨ ਤੋਂ ਲਗਾਤਾਰ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਸ਼ੋਅ ਨਾਲ ਜੁੜੇ ਵੀਡੀਓ ਸ਼ੇਅਰ ਕਰ ਰਿਹਾ ਹੈ, ਜਿਸ 'ਚ ਆਉਣ ਵਾਲੇ ਐਪੀਸੋਡ ਦੀ ਝਲਕ ਦਿਖਾਈ ਦੇ ਰਹੀ ਹੈ।
ਇਸ ਵਿਚਕਾਰ ਅੱਜ ਸੋਨੀ ਨੇ ਆਪਣੇ ਪਹਿਲੇ ਐਪੀਸੋਡ ਦਾ ਪ੍ਰੋਮੋ ਰਿਲੀਜ਼ ਕਰ ਦਿੱਤਾ ਹੈ, ਜਿਸ ਨਾਲ ਇਹ ਵੀ ਰਿਵੀਲ ਕਰ ਦਿੱਤਾ ਹੈ ਕਿ ਕਿਹੜਾ ਉਹ ਖ਼ੁਸ਼ਨਸੀਵ ਸ਼ਖ਼ਸ ਹੈ, ਜੋ ਸਭ ਤੋਂ ਪਹਿਲਾਂ ਬਿੱਗ ਬੀ ਦੇ ਸਾਹਮਣੇ ਹੌਟਸੀਟ 'ਤੇ ਬੈਠੇਗਾ।
ਇਸ ਵਾਰ ਪਹਿਲੇ ਮੁਕਾਬਲੇਬਾਜ਼ ਗਿਆਨਰਾਜ ਹਨ। ਗਿਆਨਰਾਜ ਬਾਰੇ ਦੱਸਦਿਆਂ ਅਮਿਤਾਭ ਕਹਿੰਦੇ ਹਨ, ''ਇਹ ਇਸ ਮੰਚ ਲਈ ਬਹੁਤ ਮਾਣ ਵਾਲੀ ਗੱਲ ਹੈ ਕਿ ਗਿਆਨਰਾਜ ਪੀ. ਐੱਸ. ਏ. ਦੇ ਉਨ੍ਹਾਂ 100 ਯੰਗ ਸਾਈਂਟਿਸਟ ਦੇ ਗੁਰੱਪ 'ਚ ਸ਼ਾਮਲ ਹਨ, ਜਿਨ੍ਹਾਂ ਨੂੰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਜੀ ਨੂੰ ਕਾਉਸਲਿੰਗ ਦੇਣ ਲਈ ਚੁਣਿਆ ਗਿਆ ਹੈ। ਅੱਗੇ ਅਮਿਤਾਭ ਕਹਿੰਦੇ ਹਨ, ਗਿਆਨ ਝਾਰਖੰਡ ਦੇ ਨਗੜੀ 'ਚ ਇਕ ਸਾਇੰਸ ਟੀਚਰ ਹਨ, ਜੋ ਬੱਚਿਆਂ ਦੇ ਨਵੇਂ-ਨਵੇਂ ਤਰੀਕਿਆਂ ਨੂੰ ਸਿੱਖਿਆ ਦਿੰਦੇ ਹਨ।
ਨੋਟ - ਅਮਿਤਾਭ ਬੱਚਨ ਦੀ ਇਸ ਖ਼ਬਰ ਸਬੰਧੀ ਤੁਹਾਡੀ ਕੀ ਹੈ ਰਾਏ, ਕੁਮੈਂਟ ਕਰਕੇ ਜ਼ਰੂਰ ਦੱਸੋ।
