ਜਦੋਂ ਦੋਸਤ ਬਣੇ ਦੁਸ਼ਮਣ ਤਾਂ ਪਵਿੱਤਰਾ ਨੂੰ ਯਾਦ ਆਇਆ ਸਾਬਕਾ ਮੰਗੇਤਰ, ਬੈਠ ਕਵਿਤਾ ਕੌਸ਼ਿਕ ਨਾਲ ਸਾਂਝੇ ਕੀਤੇ ਦੁੱਖ

ਨਵੀਂ ਦਿੱਲੀ (ਬਿਊਰੋ) : ਰਿਐਲਿਟੀ ਟੀ. ਵੀ. ਸ਼ੋਅ 'ਬਿੱਗ ਬੌਸ 14' ਦੇ ਘਰ 'ਚ ਗੇਮ ਹੁਣ ਲਗਾਤਾਰ ਪਲਟਦੀ ਜਾ ਰਹੀ ਹੈ ਤੇ ਹੁਣ ਆਉਣ ਜਾਣ ਦਾ ਸਿਲਸਿਲਾ ਵੀ ਲਗਾਤਾਰ ਸ਼ੁਰੂ ਹੋ ਗਿਆ ਹੈ। 'ਬਿੱਗ ਬੌਸ 14' ਦੀ ਮੁਕਾਬਲੇਬਾਜ਼ ਪਵਿੱਤਰਾ ਪੂੰਨਿਆ ਖ਼ੇਡ 'ਚ ਇਕੱਲੀ ਪੈ ਗਈ ਹੈ। ਹੁਣ ਪਵਿੱਤਰਾ ਦੇ ਦੋਸਤ ਵੀ ਹੌਲੀ-ਹੌਲੀ ਦੁਸ਼ਮਣ ਬਣ ਗਏ ਹਨ ਅਤੇ ਲੱਗਦਾ ਹੈ ਕਿ ਅਦਾਕਾਰਾ ਦੀਆਂ ਮੁਸ਼ਕਿਲਾਂ ਵਧਦੀਆਂ ਜਾ ਰਹੀਆਂ ਹਨ। ਇਸ ਦੌਰਾਨ ਇਕੱਲੀ ਪੈ ਗਈ ਅਦਾਕਾਰਾ ਆਪਣੀ ਮੰਗਣੀ ਬਾਰੇ ਕਵਿਤਾ ਕੌਸ਼ਿਕ ਨਾਲ ਗੱਲਬਾਤ ਕਰਦੀ ਨਜ਼ਰ ਆਈ। ਕਵਿਤਾ ਕੌਸ਼ਿਕ ਨੇ ਅਦਾਕਾਰਾ ਤੋਂ ਪੁੱਛਿਆ ਕਿ ਉਨ੍ਹਾਂ ਦਾ ਰਿਲੇਸ਼ਨਸ਼ਿਪ ਕਿੰਨੇ ਟਾਈਮ ਤਕ ਚੱਲਿਆ। ਇਸ ਤੋਂ ਬਾਅਦ ਪਵਿੱਤਰਾ ਨੇ ਦੱਸਿਆ ਕਿ ਉਨ੍ਹਾਂ ਦੀ ਸਾਲ 2015 'ਚ ਮੰਗਣੀ ਹੋਈ ਸੀ ਤੇ ਸਾਲ 2018 ਤਕ ਇਕੱਠੇ ਸੀ।

ਰਿਸ਼ਤਾ ਤੋੜਨ ਤੋਂ ਬਾਅਦ ਲਿਆ ਸੀ ਇਹ ਫ਼ੈਸਲਾ
ਪਵਿੱਤਰਾ ਨੇ ਅੱਗੇ ਦੱਸਿਆ ਕਿ ਜਦੋਂ ਉਨ੍ਹਾਂ ਨੇ ਆਪਣੇ ਮੰਗੇਤਰ ਨਾਲ ਰਿਸ਼ਤਾ ਤੋੜ ਲਿਆ ਸੀ ਤਾਂ ਮੈਂ ਫ਼ੈਸਲਾ ਕੀਤਾ ਸੀ ਕਿ ਮੈਂ ਕਦੇ ਵਿਆਹ ਨਹੀਂ ਕਰਾਵਾਂਗੀ ਤੇ ਮੇਰੀ ਜ਼ਿੰਦਗੀ 'ਚ ਸਿਰਫ਼ ਉਹ ਹੀ ਰਹੇਗਾ। ਨਾਲ ਹੀ ਪਵਿੱਤਰਾ ਨੇ ਦੱਸਿਆ ਕਿ ਉਹ 'ਬਿੱਗ ਬੌਸ 14' ਦੇ ਘਰ ਦੇ ਅੰਦਰ ਆਉਣ ਤੋਂ ਪਹਿਲਾਂ ਉਸ ਨੂੰ ਮਿਲੀ ਵੀ ਸੀ। ਉਹ ਆਪਣੀ ਦਿਲ ਦੀ ਗੱਲ ਵੀ ਕਵਿਤਾ ਕੌਸ਼ਿਕ ਨੂੰ ਦੱਸਦੀ ਹੈ ਤੇ ਕਹਿੰਦੀ ਹੈ ਕਿ ਇਕ ਵੀ ਦਿਨ ਇਸ ਤਰ੍ਹਾਂ ਦਾ ਨਹੀਂ ਜਦੋਂ ਮੈਂ ਉਸ ਨੂੰ ਯਾਦ ਨਹੀਂ ਕਰਦੀ।

ਸਿਰਫ਼ ਇੰਨ੍ਹਾਂ ਕਾਰਨਾਂ ਕਰਕੇ ਟੁੱਟਿਆ ਰਿਸ਼ਤਾ
ਜਦੋਂ ਕਵਿਤਾ ਨੇ ਪਵਿੱਤਰਾ ਤੋਂ ਪੁੱਛਿਆ ਕਿ ਕੀ ਗ਼ਲਤ ਹੋ ਗਿਆ ਸੀ ਅਦਾਕਾਰਾ ਨੇ ਦੱਸਿਆ ਕਿ ਉਨ੍ਹਾਂ ਦੇ ਮੰਗੇਤਰ ਵੱਲੋਂ ਕਈ ਸ਼ੱਕ ਅਤੇ ਮਿਸ ਅੰਡਰਸਟੈਂਡਿੰਗ ਸੀ। ਭਾਵੇਂ ਹੀ ਮੇਰਾ ਤੇ ਮੇਰੇ ਮੰਗੇਤਰ ਦਾ ਰਿਲੇਸ਼ਨ ਨਹੀਂ ਹੈ ਪਰ ਉਸ ਦੀ ਤਾਰੀਫ਼ ਕਰਦੇ ਹੋਏ ਕਿਹਾ ਕਿ ਉਹ ਹੀ ਇਕ ਇਸ ਤਰ੍ਹਾਂ ਦਾ ਵਿਅਕਤੀ ਹੈ, ਜੋ ਹਮੇਸ਼ਾ ਮੇਰੇ ਲਈ ਖੜ੍ਹਾ ਰਿਹਾ ਹੈ ਤੇ ਕਦੇ ਵੀ ਮੇਰੇ ਨਾਲ ਗ਼ਲਤ ਵਿਵਹਾਰ ਨਹੀਂ ਕੀਤਾ। ਪਵਿੱਤਰਾ ਨੇ ਇਹ ਵੀ ਕਿਹਾ ਕਿ ਮੈਂ ਹਮੇਸ਼ਾ ਉਸ ਦੇ ਨਾਲ ਖੜ੍ਹੀ ਹੈ।