39 ਸਾਲਾਂ ਅਦਾਕਾਰਾ ਨੇ ਦੁਨੀਆ ਨੂੰ ਕਿਹਾ ਅਲਵਿਦਾ, ਇੰਡਸਟਰੀ 'ਚ ਸੋਗ ਦੀ ਲਹਿਰ

ਮੁੰਬਈ- ਫਿਲਮ ਇੰਡਸਟਰੀ ਤੋਂ ਇੱਕ ਦੁਖਦਾਈ ਖ਼ਬਰ ਆ ਰਹੀ ਹੈ। 'Gossip Girl ' ਅਤੇ 'ਆਈਸ ਪ੍ਰਿੰਸੈਸ' ਵਰਗੀਆਂ ਕਈ ਮਹਾਨ ਫਿਲਮਾਂ ਅਤੇ ਲੜੀਵਾਰਾਂ ਦਾ ਹਿੱਸਾ ਰਹੀ ਮਸ਼ਹੂਰ ਅਦਾਕਾਰਾ Michelle Trachtenberg ਦਾ ਦਿਹਾਂਤ ਹੋ ਗਿਆ ਹੈ। ਉਹ ਸਿਰਫ਼ 39 ਸਾਲਾਂ ਦਾ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਅਦਾਕਾਰਾ ਬੁੱਧਵਾਰ, 26 ਫਰਵਰੀ ਨੂੰ ਆਪਣੇ ਨਿਊਯਾਰਕ ਸਥਿਤ ਘਰ 'ਚ ਮ੍ਰਿਤਕ ਪਾਈ ਗਈ ਸੀ। ਉਸ ਦੀ ਮੌਤ ਦੀ ਖ਼ਬਰ ਮਿਲਦੇ ਹੀ ਪੁਲਸ ਨੂੰ ਸੂਚਿਤ ਕੀਤਾ ਗਿਆ। ਨਿਊਯਾਰਕ ਸਿਟੀ ਪੁਲਿਸ ਵਿਭਾਗ (NYPD) ਦੇ ਅਨੁਸਾਰ, Michelle ਨੂੰ ਉਸ ਦੀ ਮਾਂ ਨੇ ਨਿਊਯਾਰਕ ਦੇ ਮੈਨਹਟਨ ਸਥਿਤ ਉਸ ਦੇ ਅਪਾਰਟਮੈਂਟ 'ਚ ਬੇਹੋਸ਼ ਪਾਇਆ ਗਿਆ।

ਇਹ ਵੀ ਪੜ੍ਹੋ- ਇੰਡਸਟਰੀ 'ਚ ਸੋਗ ਦੀ ਲਹਿਰ, ਮਸ਼ਹੂਰ ਨਿਰਦੇਸ਼ਕ ਦਾ ਹੋਇਆ ਦਿਹਾਂਤ

ਮੌਤ ਦੇ ਕਾਰਨ ਦਾ ਨਹੀਂ ਹੋਇਆ ਖੁਲਾਸਾ 
ਰਿਪੋਰਟਾਂ ਅਨੁਸਾਰ, ਅਮਰੀਕੀ ਅਦਾਕਾਰਾ Michelle Trachtenberg ਦਾ 39 ਸਾਲ ਦੀ ਉਮਰ 'ਚ ਦਿਹਾਂਤ ਹੋ ਗਿਆ ਹੈ। ਨਿਊਯਾਰਕ ਟਾਈਮਜ਼ ਨੇ ਰਿਪੋਰਟ ਦਿੱਤੀ ਕਿ ਅਦਾਕਾਰਾ ਨਿਊਯਾਰਕ ਦੇ ਮੈਨਹਟਨ ਸਥਿਤ ਆਪਣੇ ਅਪਾਰਟਮੈਂਟ 'ਚ ਬੇਹੋਸ਼ ਪਾਈ ਗਈ ਸੀ। ਜਦੋਂ ਉਸ ਨੂੰ ਐਮਰਜੈਂਸੀ 'ਚ ਹਸਪਤਾਲ ਲਿਜਾਇਆ ਗਿਆ ਤਾਂ ਡਾਕਟਰ ਨੇ ਅਦਾਕਾਰਾ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਰਿਪੋਰਟ 'ਚ ਇਹ ਵੀ ਕਿਹਾ ਗਿਆ ਹੈ ਕਿ Michelle ਦਾ ਕੁਝ ਸਮਾਂ ਪਹਿਲਾਂ ਜਿਗਰ ਟ੍ਰਾਂਸਪਲਾਂਟ ਹੋਇਆ ਸੀ। ਫਿਲਹਾਲ ਉਸ ਦੀ ਮੌਤ ਦਾ ਅਸਲ ਕਾਰਨ ਸਾਹਮਣੇ ਨਹੀਂ ਆਇਆ ਹੈ।

ਸਹਿ-ਅਦਾਕਾਰਾ ਰਹਿ ਗਈ ਹੈਰਾਨ 
ਸਹਿ-ਅਦਾਕਾਰਾ ਬਲੇਕ ਲਾਈਵਲੀ ਅਦਾਕਾਰਾ ਮਿਸ਼ੇਲ ਟ੍ਰੈਚਟਨਬਰਗ ਦੀ ਅਚਾਨਕ ਮੌਤ ਤੋਂ ਬਹੁਤ ਸਦਮੇ 'ਚ ਹੈ। ਸ਼ਰਧਾਂਜਲੀ ਭੇਟ ਕਰਦੇ ਹੋਏ, ਉਸ ਨੇ ਇੰਸਟਾਗ੍ਰਾਮ 'ਤੇ ਇੱਕ ਭਾਵੁਕ ਪੋਸਟ ਲਿਖੀ: "ਉਸ ਨੇ ਜੋ ਵੀ ਕੀਤਾ, ਉਸ 'ਚ 200% ਦਿੱਤਾ। ਉਹ ਕਿਸੇ ਦੇ ਵੀ ਮਜ਼ਾਕ 'ਤੇ ਦਿਲੋਂ ਹੱਸਦੀ ਸੀ। ਜਦੋਂ ਉਸ ਨੂੰ ਅਹਿਸਾਸ ਹੁੰਦਾ ਕਿ ਕੁਝ ਗਲਤ ਹੈ ਤਾਂ ਉਹ ਅਧਿਕਾਰੀਆਂ ਨਾਲ ਸਾਹਮਣਾ ਕਰਦੀ। ਉਹ ਆਪਣੇ ਕੰਮ ਦੀ ਬਹੁਤ ਪਰਵਾਹ ਕਰਦੀ ਸੀ। ਭਾਵੇਂ ਉਹ ਕਿੰਨੀ ਵੀ ਪੀੜ 'ਚ ਹੋਵੇ, ਉਹ ਹਮੇਸ਼ਾ ਆਪਣੇ ਦੋਸਤਾਂ ਦੇ ਨਾਲ ਖੜ੍ਹੀ ਰਹਿੰਦੀ ਸੀ। ਉਹ ਬਹਾਦਰ ਅਤੇ ਦਲੇਰ ਸੀ। ਦੁਨੀਆ ਨੇ Michelle ਦੇ ਰੂਪ 'ਚ ਇੱਕ ਬਹੁਤ ਹੀ ਸੰਵੇਦਨਸ਼ੀਲ ਅਤੇ ਚੰਗੇ ਵਿਅਕਤੀ ਨੂੰ ਗੁਆ ਦਿੱਤਾ ਹੈ।

ਇਹ ਵੀ ਪੜ੍ਹੋ-ਦਿੱਗਜ ਅਦਾਕਾਰ ਧਰਮਿੰਦਰ ਇਸ ਹੀਰੋਇਨ ਦੇ ਹੋਏ ਮੁਰੀਦ, ਸਾਂਝੀ ਕੀਤੀ ਪੋਸਟ

Michelle Trachtenberg ਦਾ ਫਿਲਮੀ ਕਰੀਅਰ
ਨਿਊਯਾਰਕ 'ਚ ਜਨਮੀ, Michelle ਬਚਪਨ ਤੋਂ ਹੀ ਫਿਲਮ ਇੰਡਸਟਰੀ ਦਾ ਹਿੱਸਾ ਬਣਨਾ ਚਾਹੁੰਦੀ ਸੀ। ਉਹ ਪਹਿਲੀ ਵਾਰ 3 ਸਾਲ ਦੀ ਉਮਰ 'ਚ ਸਕ੍ਰੀਨ 'ਤੇ ਦਿਖਾਈ ਦਿੱਤੀ ਸੀ। ਕਈ ਇਸ਼ਤਿਹਾਰਾਂ ਦਾ ਹਿੱਸਾ ਰਹਿ ਚੁੱਕੀ ਮਿਸ਼ੇਲ ਨੇ 10 ਸਾਲ ਦੀ ਉਮਰ 'ਚ ਫਿਲਮੀ ਦੁਨੀਆ 'ਚ ਪ੍ਰਵੇਸ਼ ਕੀਤਾ ਸੀ। 1996 'ਚ ਉਹ ਸੀ ਉਸ ਨੂੰ ਫਿਲਮ 'ਹੈਰੀਏਟ ਦ ਸਪਾਈ' 'ਚ ਕਾਸਟ ਕੀਤਾ ਗਿਆ ਸੀ। ਹਾਲਾਂਕਿ, Michelle Trachtenberg ਨੂੰ 'ਟੀਨ ਡਰਾਮਾ', 'ਬਫੀ ਦ ਵੈਂਪਾਇਰ ਸਲੇਅਰ' ਅਤੇ 'ਗੌਸਿਪ ਗਰਲ' ਤੋਂ ਪ੍ਰਸਿੱਧੀ ਮਿਲੀ।

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt=8