ਮੰਗਣੀ ਤੋਂ ਬਾਅਦ ਰਾਘਵ ਚੱਢਾ ਲਈ ਪਰਿਣੀਤੀ ਨੇ ਕੀਤਾ ਡਾਂਸ, ਕੱਪਲ ਦੀ ਪਿਆਰੀ ਵੀਡੀਓ ਆਈ ਸਾਹਮਣੇ

ਮੁੰਬਈ (ਬਿਊਰੋ)– ਬਾਲੀਵੁੱਡ ਦੀ ਮਸ਼ਹੂਰ ਅਦਾਕਾਰਾ ਤੇ ਨੌਜਵਾਨ ਰਾਜਨੇਤਾ ਪਰਿਣੀਤੀ ਤੇ ਰਾਘਵ ਨੇ ਮੰਗਣੀ ਕਰ ਲਈ ਹੈ। ਲੰਬੇ ਸਮੇਂ ਤੋਂ ਰਿਲੇਸ਼ਨਸ਼ਿਪ ’ਚ ਚੱਲ ਰਹੇ ਇਸ ਜੋੜੇ ਦੀ ਪਰਿਵਾਰਾਂ ਦੇ ਆਸ਼ੀਰਵਾਦ ਨਾਲ ਦਿੱਲੀ ਦੇ ਕਪੂਰਥਲਾ ਹਾਊਸ ’ਚ ਮੰਗਣੀ ਹੋ ਗਈ। ਖ਼ਬਰਾਂ ਮੁਤਾਬਕ ਇਹ ਮੰਗਣੀ ਪੰਜਾਬੀ ਰੀਤੀ-ਰਿਵਾਜਾਂ ਨਾਲ ਹੋਈ ਹੈ। ਸਮਾਗਮ ਤੋਂ ਬਾਅਦ ਰਾਘਵ ਚੱਢਾ ਤੇ ਪਰਿਣੀਤੀ ਚੋਪੜਾ ਨੇ ਮੌਕੇ ’ਤੇ ਮੌਜੂਦ ਪੱਤਰਕਾਰਾਂ ਨਾਲ ਮੁਲਾਕਾਤ ਕੀਤੀ ਤੇ ਉਨ੍ਹਾਂ ਨਾਲ ਦਿਲੋਂ ਗੱਲਬਾਤ ਕੀਤੀ। ਇਸ ਦੌਰਾਨ ਪਰਿਣੀਤੀ ਤੇ ਰਾਘਵ ਦੀ ਇਕ ਵੀਡੀਓ ਸਾਹਮਣੇ ਆਈ ਹੈ, ਜਿਸ ’ਚ ਪਰੀ ਉਨ੍ਹਾਂ ਲਈ ਡਾਂਸ ਕਰਦੀ ਨਜ਼ਰ ਆ ਰਹੀ ਹੈ।

ਇਹ ਖ਼ਬਰ ਵੀ ਪੜ੍ਹੋ : ਸੰਸਦ ਮੈਂਬਰ ਰਾਘਵ ਚੱਢਾ ਤੇ ਬਾਲੀਵੁੱਡ ਅਦਾਕਾਰਾ ਪਰਿਣੀਤੀ ਚੋਪੜਾ ਦੀ ਹੋਈ ਮੰਗਣੀ, ਸਾਹਮਣੇ ਆਈਆਂ ਤਸਵੀਰਾਂ

ਪਰਿਣੀਤੀ ਚੋਪੜਾ ਤੇ ਰਾਘਵ ਚੱਢਾ ਦੀ ਮੰਗਣੀ ਦੀ ਇਕ ਕਲਿੱਪ ਸਾਹਮਣੇ ਆਈ ਹੈ। ਇਸ ’ਚ ਪਰਿਣੀਤੀ ਰਾਘਵ ਨੂੰ ਗਲੇ ਲਗਾਉਂਦੀ ਨਜ਼ਰ ਆ ਰਹੀ ਹੈ ਤੇ ਉਸ ਨਾਲ ਗੀਤ ’ਤੇ ਡਾਂਸ ਕਰਦੀ ਨਜ਼ਰ ਆ ਰਹੀ ਹੈ ਕਿਉਂਕਿ ਬੈਕਗਰਾਊਂਡ ’ਚ ਗੀਤ ‘ਮਾਹੀ ਮੈਨੂੰ ਛੱਡਿਓ ਨਾ’ ਚੱਲ ਰਿਹਾ ਹੈ। ਪਰਿਣੀਤੀ ਇਸ ’ਤੇ ਗੂੰਜਦੀ ਤੇ ਡਾਂਸ ਕਰਦੀ ਨਜ਼ਰ ਆ ਰਹੀ ਹੈ। ਫਿਰ ਰਾਘਵ ਉਸ ਨੂੰ ਚੁੰਮਦੇ ਹਨ ਤੇ ਦੇਖਣ ਵਾਲੀ ਗੱਲ ਇਹ ਹੈ ਕਿ ਪਰਿਣੀਤੀ ਦੇ ਪਿਤਾ ਵੀ ਪਿੱਛੇ ਖੜ੍ਹੇ ਹਨ, ਜੋ ਮੁਸਕਰਾ ਰਹੇ ਹਨ।

ਮੰਗਣੀ ਤੋਂ ਬਾਅਦ ਪਹਿਲੀ ਵਾਰ ਨਜ਼ਰ ਆਈ ‘ਰਾਗਨੀਤੀ’
ਮੰਗਣੀ ਤੋਂ ਤੁਰੰਤ ਬਾਅਦ ਪਰਿਣੀਤੀ ਚੋਪੜਾ ਤੇ ਰਾਘਵ ਚੱਢਾ ਪਹਿਲੀ ਝਲਕ ਦੇਣ ਲਈ ਸਾਹਮਣੇ ਆਏ। ਨਵੇਂ ਜੋੜੇ ਨੇ ਹੱਥ ਫੜ ਕੇ ਤਸਵੀਰਾਂ ਲਈ ਪੋਜ਼ ਦਿੱਤੇ। ਆਪਣੀ ਮੰਗਣੀ ਤੋਂ ਬਾਅਦ ਪਹਿਲੀ ਵਾਰ ਜਨਤਕ ਤੌਰ ’ਤੇ ਦਿਖਾਈ ਦੇਣ ਵਾਲੇ ਜੋੜੇ ਦੀਆਂ ਵੀਡੀਓਜ਼ ਤੇ ਤਸਵੀਰਾਂ ਹੁਣ ਸੋਸ਼ਲ ਮੀਡੀਆ ’ਤੇ ਵਾਇਰਲ ਹੋ ਰਹੀਆਂ ਹਨ।

ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।