''ਪਰਿਵਾਰ ਨੂੰ ਇਕੱਲਾ ਛੱਡ ਦਿਓ,'' ਧਰਮਿੰਦਰ ਦੇ ਮਾਮਲੇ ''ਚ ਕਰਨ ਜੌਹਰ ਨੇ ਲਗਾ''ਤੀ ਪਾਪਰਾਜ਼ੀ ਦੀ ਕਲਾਸ

ਐਂਟਰਟੇਨਮੈਂਟ ਡੈਸਕ- ਬਾਲੀਵੁੱਡ ਦੇ ਮਸ਼ਹੂਰ ਫਿਲਮ ਨਿਰਮਾਤਾ ਕਰਨ ਜੌਹਰ ਨੇ ਹਾਲ ਹੀ ਵਿੱਚ ਦਿੱਗਜ ਅਦਾਕਾਰ ਧਰਮਿੰਦਰ ਦੀ ਸਿਹਤ ਖ਼ਰਾਬ ਹੋਣ ਦੌਰਾਨ ਪਾਪਰਾਜ਼ੀ ਦੁਆਰਾ ਕੀਤੀ ਗਈ ਅੰਨ੍ਹੇਵਾਹ ਕਵਰੇਜ 'ਤੇ ਸਖ਼ਤ ਨਾਰਾਜ਼ਗੀ ਜ਼ਾਹਰ ਕੀਤੀ ਹੈ। ਧਰਮਿੰਦਰ ਹਾਲ ਹੀ ਵਿੱਚ ਹਸਪਤਾਲ ਵਿੱਚ ਭਰਤੀ ਸਨ, ਪਰ ਹੁਣ ਉਹ ਘਰ ਵਾਪਸ ਆ ਚੁੱਕੇ ਹਨ।
ਕਰਨ ਜੌਹਰ ਨੇ ਸੁਣਾਈਆਂ ਖਰੀਆਂ-ਖੋਟੀਆਂ
ਕਰਨ ਜੌਹਰ ਨੇ ਆਪਣੀ ਇੰਸਟਾਗ੍ਰਾਮ ਸਟੋਰੀ 'ਤੇ ਇੱਕ ਪੋਸਟ ਸਾਂਝੀ ਕੀਤੀ, ਜਿਸ ਵਿੱਚ ਉਨ੍ਹਾਂ ਨੇ ਪਾਪਰਾਜ਼ੀ ਨੂੰ ਸਖ਼ਤ ਸ਼ਬਦਾਂ ਵਿੱਚ ਲਤਾੜਿਆ। ਉਨ੍ਹਾਂ ਨੇ ਲਿਖਿਆ ਕਿ, “ਜਦੋਂ ਸਾਡੇ ਦਿਲ ਵਿੱਚ ਸੰਵੇਦਨਾ ਨਹੀਂ ਬਚਦੀ ਤਾਂ ਸਮਝੋ ਇਨਸਾਨ ਦੇ ਤੌਰ 'ਤੇ ਅਸੀਂ ਖ਼ਤਮ ਹੋ ਚੁੱਕੇ ਹਾਂ”। ਉਨ੍ਹਾਂ ਨੇ ਅਪੀਲ ਕੀਤੀ ਕਿ, “ਕਿਰਪਾ ਕਰਕੇ, ਪਰਿਵਾਰ ਨੂੰ ਇਕੱਲਾ ਛੱਡ ਦਿਓ। ਉਹ ਲੋਕ ਪਹਿਲਾਂ ਹੀ ਕਾਫ਼ੀ ਭਾਵਨਾਤਮਕ ਦੌਰ ਵਿੱਚੋਂ ਗੁਜ਼ਰ ਰਹੇ ਹਨ”। ਕਰਨ ਜੌਹਰ ਨੇ ਇਸ ਗੱਲ 'ਤੇ ਦੁੱਖ ਪ੍ਰਗਟਾਇਆ ਕਿ ਜਿਸ ਦਿੱਗਜ ਅਭਿਨੇਤਾ (ਧਰਮਿੰਦਰ) ਨੇ ਭਾਰਤੀ ਸਿਨੇਮਾ ਵਿੱਚ ਬਹੁਤ ਵੱਡਾ ਯੋਗਦਾਨ ਪਾਇਆ ਹੈ, ਉਨ੍ਹਾਂ ਦਾ ਤਮਾਸ਼ਾ ਬਣਾ ਕੇ ਰੱਖ ਦਿੱਤਾ ਗਿਆ ਹੈ। ਉਨ੍ਹਾਂ ਨੇ ਇਸ ਕਵਰੇਜ ਨੂੰ 'ਅਪਮਾਨ' ਦੱਸਿਆ, ਨਾ ਕਿ ਸਹੀ ਕਵਰੇਜ।
ਹੇਮਾ ਮਾਲਿਨੀ ਵੀ ਲਗਾ ਚੁੱਕੀ ਹੈ ਫਟਕਾਰ
ਇਸ ਤੋਂ ਪਹਿਲਾਂ ਧਰਮਿੰਦਰ ਦੀ ਮੌਤ ਨੂੰ ਲੈ ਕੇ ਉੱਡ ਰਹੀਆਂ ਅਫ਼ਵਾਹਾਂ ਦੇ ਸੰਬੰਧ ਵਿੱਚ ਹੇਮਾ ਮਾਲਿਨੀ ਨੇ ਵੀ ਚੈਨਲਾਂ ਨੂੰ ਫਟਕਾਰ ਲਗਾਈ ਸੀ। ਹੇਮਾ ਮਾਲਿਨੀ ਨੇ ਆਪਣੇ 'ਐਕਸ' (ਟਵਿੱਟਰ) ਅਕਾਊਂਟ 'ਤੇ ਲਿਖਿਆ ਸੀ ਕਿ ਜੋ ਕੁਝ ਹੋ ਰਿਹਾ ਹੈ, ਉਹ ਮਾਫ਼ ਕਰਨ ਦੇ ਲਾਇਕ ਨਹੀਂ ਹੈ। ਉਨ੍ਹਾਂ ਨੇ ਸਵਾਲ ਕੀਤਾ ਸੀ ਕਿ ਜ਼ਿੰਮੇਵਾਰ ਚੈਨਲ ਇੱਕ ਅਜਿਹੇ ਇਨਸਾਨ ਬਾਰੇ ਝੂਠੀਆਂ ਖ਼ਬਰਾਂ ਕਿਵੇਂ ਫੈਲਾ ਸਕਦੇ ਹਨ, ਜੋ ਇਲਾਜ ਦਾ ਜਵਾਬ ਦੇ ਰਹੇ ਹਨ ਅਤੇ ਠੀਕ ਹੋ ਰਹੇ ਹਨ। ਹੇਮਾ ਮਾਲਿਨੀ ਨੇ ਇਸ ਨੂੰ ਬਹੁਤ ਹੀ ਅਪਮਾਨਜਨਕ ਅਤੇ ਗੈਰ-ਜ਼ਿੰਮੇਵਾਰਾਨਾ ਹਰਕਤ ਕਰਾਰ ਦਿੱਤਾ ਸੀ ਅਤੇ ਪਰਿਵਾਰ ਦੀ ਨਿੱਜਤਾ ਦੀ ਲੋੜ ਦਾ ਸਤਿਕਾਰ ਕਰਨ ਲਈ ਕਿਹਾ ਸੀ। ਵਰਤਮਾਨ ਵਿੱਚ, ਅਦਾਕਾਰ ਧਰਮਿੰਦਰ ਡਾਕਟਰਾਂ ਦੀ ਦੇਖ-ਰੇਖ ਹੇਠ ਘਰ ਵਿੱਚ ਹੀ ਇਲਾਜ ਕਰਵਾ ਰਹੇ ਹਨ। ਜਦੋਂ ਉਹ ਹਸਪਤਾਲ ਤੋਂ ਘਰ ਵਾਪਸ ਆਏ ਤਾਂ ਅਮਿਤਾਭ ਬੱਚਨ ਸਮੇਤ ਬਾਲੀਵੁੱਡ ਦੇ ਕਈ ਕਲਾਕਾਰ ਉਨ੍ਹਾਂ ਨੂੰ ਮਿਲਣ ਪਹੁੰਚੇ ਸਨ