ਪਾਕਿਸਤਾਨੀ ਅਦਾਕਾਰ ਅਦਨਾਨ ਨੇ ਕ੍ਰਿਤੀ ਸੈਨਨ 'ਤੇ ਲਗਾਇਆ ਗੀਤ ਚੋਰੀ ਦਾ ਦੋਸ਼

ਮੁੰਬਈ- ਕ੍ਰਿਤੀ ਸੈਨਨ ਫਿਲਮ 'ਦੋ ਪੱਤੀ' ਦੀ ਸਹਿ-ਨਿਰਮਾਤਾ ਹੈ। ਇਸ ਤੋਂ ਇਲਾਵਾ ਉਹ ਇਸ ਫਿਲਮ 'ਚ ਅਦਾਕਾਰੀ ਵੀ ਕਰ ਰਹੀ ਹੈ। ਇਸ ਫਿਲਮ 'ਚ ਉਨ੍ਹਾਂ ਦੇ ਨਾਲ ਕਾਜੋਲ ਵਰਗੀ ਮਸ਼ਹੂਰ ਕਲਾਕਾਰ ਵੀ ਨਜ਼ਰ ਆਵੇਗੀ। ਹਾਲ ਹੀ 'ਚ ਇਸ ਫਿਲਮ ਦਾ ਇਕ ਗੀਤ 'ਅੱਖੀਆਂ ਦੇ ਕੋਲ' ਰਿਲੀਜ਼ ਹੋਇਆ ਹੈ। ਇਹ ਪਾਕਿਸਤਾਨੀ ਗੀਤ ਹੈ, ਜਿਸ ਨੂੰ ਕ੍ਰਿਤੀ ਦੀ ਫਿਲਮ 'ਚ ਰੀਮੇਕ ਕੀਤਾ ਗਿਆ ਹੈ। ਪਰ ਹੁਣ ਇੱਕ ਪਾਕਿਸਤਾਨੀ ਅਦਾਕਾਰ ਅਦਨਾਨ ਸਿੱਦੀਕੀ ਨੇ ਇਸ 'ਤੇ ਇਤਰਾਜ਼ ਕੀਤਾ ਹੈ।

ਇਹ ਖ਼ਬਰ ਵੀ ਪੜ੍ਹੋ -Tv ਦੀ ਮਸ਼ਹੂਰ ਅਦਾਕਾਰਾ ਦ੍ਰਿਸ਼ਟੀ ਧਾਮੀ ਬਣੀ ਮਾਂ

ਅਦਨਾਨ ਨੇ ਲਗਾਇਆ ਚੋਰੀ ਦਾ ਦੋਸ਼ 

Imitation can be flattering, but not when it means tearing apart a classic by a legend. Please show some respect for Reshma jee and the legacy she left behind. Her music deserves to be treated with the dignity it commands, not reduced to just another sordid ripoff. pic.twitter.com/aNBLHIjGvB

— Adnan Siddiqui (@adnanactor) October 20, 2024

ਹਾਲ ਹੀ 'ਚ ਜਦੋਂ ਕ੍ਰਿਤੀ ਸੈਨਨ ਦਾ ਗੀਤ 'ਅੱਖੀਆਂ ਦੇ ਕੋਲ' ਰਿਲੀਜ਼ ਹੋਇਆ ਸੀ ਤਾਂ ਸੋਸ਼ਲ ਮੀਡੀਆ 'ਤੇ ਇਸ ਦੀ ਕਾਫੀ ਤਾਰੀਫ ਹੋਈ ਸੀ। ਪਰ ਇਨ੍ਹਾਂ ਤਾਰੀਫਾਂ ਦੇ ਵਿਚਕਾਰ, ਪਾਕਿਸਤਾਨੀ ਅਦਾਕਾਰ ਅਦਨਾਨ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ ਐਕਸ (ਪਹਿਲਾਂ ਟਵਿੱਟਰ) 'ਤੇ ਕ੍ਰਿਤੀ ਦੀ ਆਲੋਚਨਾ ਕੀਤੀ। ਉਸ 'ਤੇ ਸਾਹਿਤਕ ਚੋਰੀ ਦਾ ਦੋਸ਼ ਵੀ ਲਗਾਇਆ ਗਿਆ ਸੀ। ਐਕਸ 'ਤੇ ਕ੍ਰਿਤੀ ਦੇ ਗੀਤ ਦੀ ਤਸਵੀਰ ਸ਼ੇਅਰ ਕਰਦੇ ਹੋਏ ਉਨ੍ਹਾਂ ਨੇ ਲਿਖਿਆ- 'ਨਕਲ ਕਰਨ 'ਚ ਕੋਈ ਨੁਕਸਾਨ ਨਹੀਂ ਹੈ ਪਰ ਇੱਕ ਮਹਾਨ ਅਤੇ ਕਲਾਸਿਕ ਗੀਤ ਨੂੰ ਵਿਗਾੜਨਾ ਗਲਤ ਹੈ। ਤੁਹਾਨੂੰ ਰੇਸ਼ਮਾ ਜੀ ਦਾ ਕੁਝ ਸਤਿਕਾਰ ਕਰਨਾ ਚਾਹੀਦਾ ਸੀ। ਉਸ ਦਾ ਸੰਗੀਤ ਪੂਰਾ ਸਨਮਾਨ ਦਾ ਹੱਕਦਾਰ ਹੈ। ਇਹ ਗੀਤ ਦਾ ਬਿਲਕੁਲ ਮਾੜਾ ਪ੍ਰਦਰਸ਼ਨ ਹੈ।

ਇਹ ਖ਼ਬਰ ਵੀ ਪੜ੍ਹੋ -ਗਾਇਕ ਗੁਰਨਾਮ ਭੁੱਲਰ 'ਤੇ ਟੁੱਟਿਆ ਦੁੱਖਾਂ ਦਾ ਪਹਾੜ, ਕਰੀਬੀ ਦੀ ਹੋਈ ਮੌਤ

ਕ੍ਰਿਤੀ ਸੈਨਨ ਨੇ ਧਾਰੀ ਚੁੱਪੀ
ਕ੍ਰਿਤੀ 'ਅੱਖੀਆਂ ਦੇ ਕੋਲ' ਗੀਤ 'ਚ ਆਪਣੇ ਡਾਂਸ ਮੂਵਜ਼ ਲਈ ਮਿਲੀ ਤਾਰੀਫ ਤੋਂ ਖੁਸ਼ ਹੈ ਪਰ ਉਨ੍ਹਾਂ ਨੇ ਅਜੇ ਤੱਕ ਅਦਨਾਨ ਦੇ ਟਵੀਟ ਦਾ ਜਵਾਬ ਨਹੀਂ ਦਿੱਤਾ ਹੈ। ਸੰਭਵ ਹੈ ਕਿ ਉਹ ਵੀ ਇਸ 'ਤੇ ਕੁਝ ਨਾ ਬੋਲੇ। ਕਿਉਂਕਿ ਫਿਲਹਾਲ ਉਨ੍ਹਾਂ ਦਾ ਪੂਰਾ ਫੋਕਸ ਫਿਲਮ 'ਦੋ ਪੱਤੀ' ਦੀ ਰਿਲੀਜ਼ 'ਤੇ ਹੈ। ਖੈਰ, ਕ੍ਰਿਤੀ ਦੇ ਪ੍ਰਸ਼ੰਸਕ ਨਿਸ਼ਚਤ ਤੌਰ 'ਤੇ ਉਸ ਦੇ ਹੱਕ ਵਿੱਚ ਸਾਹਮਣੇ ਆਏ ਹਨ, ਉਹ ਸੋਸ਼ਲ ਮੀਡੀਆ 'ਤੇ ਉਸ ਦਾ ਸਮਰਥਨ ਕਰ ਰਹੇ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।