ਵਿਆਹ ਕਰਵਾਉਣ ਲਈ ਤਿਆਰ ਹੈ ਨਿੱਕੀ ਤੰਬੋਲੀ, ਲਾਈਫ ਪਾਰਟਨਰ ਨੂੰ ਮੰਨਣੀਆਂ ਪੈਣਗੀਆਂ ਇਹ ਸ਼ਰਤਾਂ

ਮੁੰਬਈ: 'ਬਿੱਗ ਬੌਸ 14' ਫੇਮ ਅਦਾਕਾਰਾ ਨਿੱਕੀ ਤੰਬੋਲੀ ਅੱਜਕਲ੍ਹ ਕਾਫੀ ਬਿਜ਼ੀ ਹੈ। ਰਿਅਲਿਟੀ ਸ਼ੋਅ ’ਚੋਂ ਹਿੱਟ ਹੋਣ ਤੋਂ ਬਾਅਦ ਉਸ ਕੋਲ ਕੰਮ ਦੀ ਝੜੀ ਲੱਗੀ ਹੋਈ ਹੈ। ਫਿਲਹਾਲ ਉਹ 'ਖ਼ਤਰੋਂ ਕੇ ਖਿਲਾੜੀ' ਸ਼ੂਟ ਕਰਨ ਤੋਂ ਬਾਅਦ ਕੇਪਟਾਊਨ ਤੋਂ ਮੁੰਬਈ ਵਾਪਸ ਆ ਗਈ ਹੈ। ਨਿੱਕੀ ਨੇ ਇਕ ਇੰਟਰਵਿਊ ’ਚ ਦੱਸਿਆ ਕਿ ਉਹ ਸਿੰਗਲ ਹੈ ਅਤੇ ਫਿਲਹਾਲ ਵਿਆਹ ਕਰਵਾਉਣ ਦੇ ਮੂਡ ’ਚ ਹੈ ਪਰ ਹੋਣ ਵਾਲੇ ਲਾਈਫਪਾਰਟਨਰ ਨੂੰ ਲੈ ਕੇ ਉਸਦੀਆਂ ਕੁਝ ਸ਼ਰਤਾਂ ਹਨ ਜੇਕਰ ਉਹ ਪੂਰੀਆਂ ਹੋ ਜਾਣ ਤਾਂ ਉਹ ਝਟ ਵਿਆਹ ਕਰ ਲਵੇਗੀ।
ਹਾਲ ਹੀ 'ਚ ਦਿੱਤੀ ਇੰਟਰਵਿਊ ’ਚ ਨਿੱਕੀ ਨੇ ਕਿਹਾ ‘ਮੈਂ ਕੈਜ਼ੂਅਲ ਰਿਲੇਸ਼ਨਸ਼ਿਪ ਦੇ ਮੂਡ ’ਚ ਨਹੀਂ ਹੈ। ਮੈਂ ਕਿਸੇ ਦੀ ਜ਼ਿੰਦਗੀ ਖ਼ਰਾਬ ਨਹੀਂ ਕਰਨੀ ਚਾਹੁੰਦੀ। ਮੈਂ ਬਹੁਤ ਓਪਨ ਹਾਂ ਕਿ ਮੇਰੇ ਕੋਲ ਸਮਾਂ ਨਹੀਂ ਹੈ। ਮੈਨੂੰ ਟਾਈਮਪਾਸ ਰਿਲੇਸ਼ਨਸ਼ਿਪ ਨਹੀਂ ਚਾਹੀਦੀ। ਜਦੋਂ ਮੇਰੇ ਕੋਲ ਮੇਰੇ ਲਈ ਟਾਈਮ ਨਹੀਂ ਹੈ ਤਾਂ ਮੈਂ ਕਿਸੇ ਹੋਰ ਨੂੰ ਆਪਣਾ ਝੂਠਾ ਟਾਈਮ ਕਿਉਂ ਦਵਾਂ।’

ਚੰਗਾ ਲੜਕਾ ਮਿਲਿਆ ਤਾਂ ਵਿਆਹ ਕਰ ਲਵਾਂਗੀ
ਨਿੱਕੀ ਤੋਂ ਜਦੋਂ ਸੀਰੀਅਸ ਰਿਲੇਸ਼ਨਸ਼ਿਪ ਬਾਰੇ ਪੁੱਛਿਆ ਤਾਂ ਉਨ੍ਹਾਂ ਨੇ ਕਿਹਾ ਜੇਕਰ ਮੈਨੂੰ ਚੰਗਾ ਲੜਕਾ ਮਿਲ ਜਾਂਦਾ ਹੈ ਤਾਂ ਮੈਂ ਵਿਆਹ ਵੀ ਕਰ ਲਵਾਂਗੀ। ਮੇਰੇ ਕੋਲ ਫਿਲਹਾਲ ਟਾਈਮਪਾਸ ਲਈ ਟਾਈਮ ਨਹੀਂ ਹੈ। ਮੇਰੇ ਲਈ ਕਰੀਅਰ ਮਹੱਤਵਪੂਰਨ ਹੈ। ਨਿੱਕੀ ਨੇ ਅੱਗੇ ਕਿਹਾ ਕਿ ਉਹ ਇਸ ਸਮੇਂ ਕੰਮ ’ਤੇ ਫੋਕਸ ਕਰ ਰਹੀ ਹੈ। ਜੇਕਰ ਉਸ ਨੂੰ ਵਿਆਹ ਲਈ ਕੋਈ ਪ੍ਰਪੋਜ਼ ਕਰਦਾ ਹੈ ਅਤੇ ਉਹ ਇਨਸਾਨ ਉਸ ਨੂੰ ਪਸੰਦ ਆਉਂਦਾ ਹੈ ਤਾਂ ਉਹ ਉਸ ਨਾਲ ਵਿਆਹ ਕਰ ਲਵੇਗੀ।
ਹਾਲਾਂਕਿ 'ਬਿੱਗ ਬੌਸ' ਦੇ ਘਰ ’ਚ ਸਿੰਗਰ ਜਾਨ ਕੁਮਾਰ ਸ਼ਾਨੂੰ ਨੇ ਕਿਹਾ ਸੀ ਕਿ ਉਹ ਨਿੱਕੀ ਨੂੰ ਪਸੰਦ ਕਰਦੇ ਹਨ। ਸ਼ੋਅ ’ਚ ਜਾਨ ਨੇ ਆਪਣੀ ਫੀਲਿੰਗਸ ਦਾ ਇਜ਼ਹਾਰ ਵੀ ਕੀਤਾ ਸੀ ਪਰ ਨਿੱਕੀ ਉਸਨੂੰ ਭਾਈਜਾਨ ਕਹਿ ਕੇ ਖਿਝਾਉਂਦੀ ਰਹਿੰਦੀ ਸੀ। ਘਰ ’ਚੋਂ ਬਾਹਰ ਆਉਣ ਤੋਂ ਬਾਅਦ ਨਿੱਕੀ ਨੇ ਕਿਹਾ ਕਿ ਉਹ ਅਤੇ ਜਾਨ ਚੰਗੇ ਦੋਸਤ ਹਨ।

ਮਿਊਜ਼ਿਕ ਵੀਡੀਓ 'ਚ ਨਜ਼ਰ ਆ ਚੁੱਕੀ ਹੈ ਨਿੱਕੀ
'ਬਿੱਗ ਬੌਸ 14' ਤੋਂ ਬਾਅਦ ਨਿੱਕੀ ਤੰਬੋਲੀ ਕਈ ਮਿਊਜ਼ਿਕ ਵੀਡੀਓ ’ਚ ਨਜ਼ਰ ਆ ਚੁੱਕੀ ਹੈ। ਹਾਲ ਹੀ ’ਚ ਉਨ੍ਹਾਂ ਦਾ ਟੋਨੀ ਕੱਕੜ ਨਾਲ ਗਾਣਾ ਨੰਬਰ ਲਿਖ ਰਿਲੀਜ਼ ਹੋਇਆ ਹੈ। ਇਹ ਗਾਣਾ ਫੈਨਜ਼ ਨੂੰ ਬਹੁਤ ਪਸੰਦ ਆ ਰਿਹਾ ਹੈ। ਇਸਨੂੰ 25 ਮਿਲੀਅਨ ਤੋਂ ਵੱਧ ਵਿਊਜ਼ ਮਿਲ ਚੁੱਕੇ ਹਨ।