ਰਣਬੀਰ ਕਪੂਰ ਦੇ ਰਾਮਾਇਣ ''ਚ ਰਾਮ ਕਿਰਦਾਰ ਨਿਭਾਉਣ ''ਤੇ ਬੋਲੇ ਮੁਕੇਸ਼ ਖੰਨਾ

ਐਂਟਰਟੇਨਮੈਂਟ ਡੈਸਕ- 'ਐਨੀਮਲ' ਸਟਾਰ ਰਣਬੀਰ ਕਪੂਰ ਇਨ੍ਹੀਂ ਦਿਨੀਂ ਫਿਲਮ 'ਰਾਮਾਇਣ' ਲਈ ਸੁਰਖੀਆਂ ਵਿੱਚ ਹੈ। ਇਸ ਫਿਲਮ ਵਿੱਚ ਰਣਬੀਰ ਭਗਵਾਨ ਰਾਮ ਦੀ ਭੂਮਿਕਾ ਨਿਭਾਉਂਦੇ ਨਜ਼ਰ ਆਉਣਗੇ। ਇਸ ਦੌਰਾਨ ਹੁਣ ਮਸ਼ਹੂਰ ਅਦਾਕਾਰ ਮੁਕੇਸ਼ ਖੰਨਾ ਨੇ ਆਪਣੀ ਰਾਏ ਦਿੱਤੀ ਹੈ।
"ਰਾਮ ਦੇ ਤਰ੍ਹਾਂ ਨਹੀਂ ਦਿਖੇ ਰਣਬੀਰ-ਮੁਕੇਸ਼ ਖੰਨਾ
ਮੁਕੇਸ਼ ਖੰਨਾ ਨੇ ਇੱਕ ਇੰਟਰਵਿਊ ਵਿੱਚ ਕਿਹਾ ਕਿ ਉਨ੍ਹਾਂ ਨੇ ਰਣਬੀਰ ਕਪੂਰ ਦਾ ਪਹਿਲਾ ਲੁੱਕ ਦੇਖਿਆ, ਜਿਸ ਵਿੱਚ ਉਹ ਰੁੱਖਾਂ 'ਤੇ ਚੜ੍ਹਦੇ ਅਤੇ ਤੀਰ ਚਲਾਉਂਦੇ ਦਿਖਾਈ ਦੇ ਰਹੇ ਸਨ। ਰਾਮ ਅਜਿਹਾ ਨਹੀਂ ਕਰਦੇ। ਕ੍ਰਿਸ਼ਨ ਜਾਂ ਅਰਜੁਨ ਇਸ ਤਰ੍ਹਾਂ ਲੜ ਸਕਦੇ ਹਨ, ਪਰ ਰਾਮ ਦਾ ਇੱਕ ਵੱਖਰਾ ਅਕਸ਼ ਹੈ। ਜੇਕਰ ਰਾਮ ਆਪਣੇ ਆਪ ਨੂੰ ਇੱਕ ਯੋਧਾ ਮੰਨਦੇ ਹਨ ਤਾਂ ਉਨ੍ਹਾਂ ਨੂੰ ਵਾਨਰ ਸੈਨਾ ਦੀ ਲੋੜ ਨਹੀਂ ਪੈਂਦੀ।
"ਰਣਬੀਰ ਇੱਕ ਚੰਗੇ ਅਦਾਕਾਰ ਹਨ, ਪਰ..."
ਮੁਕੇਸ਼ ਖੰਨਾ ਨੇ ਮੰਨਿਆ ਕਿ ਰਣਬੀਰ ਇੱਕ ਵੱਡੇ ਅਤੇ ਪ੍ਰਤਿਭਾਸ਼ਾਲੀ ਕਲਾਕਾਰ ਹਨ, ਪਰ ਉਨ੍ਹਾਂ ਦੀ ਪਿਛਲੀ ਫਿਲਮ 'ਐਨੀਮਲ' ਇਸ ਕਿਰਦਾਰ ਨੂੰ ਪ੍ਰਭਾਵਿਤ ਕਰੇਗੀ। ਮੈਨੂੰ ਰਣਬੀਰ ਨਾਲ ਕੋਈ ਸ਼ਿਕਾਇਤ ਨਹੀਂ ਹੈ। ਪਰ ਰਾਮ ਦੀ ਭੂਮਿਕਾ ਨਿਭਾਉਣਾ ਇੱਕ ਬਹੁਤ ਜ਼ਿੰਮੇਵਾਰ ਕੰਮ ਹੈ। ਐਨੀਮਲ ਵਰਗੀ ਫਿਲਮ ਤੋਂ ਬਾਅਦ ਲੋਕਾਂ ਲਈ ਉਨ੍ਹਾਂ ਨੂੰ ਰਾਮ ਵਜੋਂ ਸਵੀਕਾਰ ਕਰਨਾ ਥੋੜ੍ਹਾ ਮੁਸ਼ਕਲ ਹੋ ਸਕਦਾ ਹੈ।

'ਆਦਿਪੁਰਸ਼' ਤੋਂ ਲਈ ਸਿੱਖਿਆ 
ਮੁਕੇਸ਼ ਖੰਨਾ ਨੇ ਫਿਲਮ 'ਆਦਿਪੁਰਸ਼' ਦੀ ਉਦਾਹਰਣ ਦਿੰਦੇ ਹੋਏ ਕਿਹਾ ਕਿ ਰਾਮਾਇਣ ਵਰਗੇ ਵਿਸ਼ੇ ਨਾਲ ਛੇੜਛਾੜ ਨਹੀਂ ਕੀਤੀ ਜਾਣੀ ਚਾਹੀਦੀ। ਆਦਿਪੁਰਸ਼ ਵਿੱਚ ਰਾਮਾਇਣ ਦੀ ਕਹਾਣੀ ਨਾਲ ਜੋ ਕੀਤਾ ਗਿਆ ਸੀ ਉਹ ਗਲਤ ਸੀ। ਹੁਣ ਜੇਕਰ 'ਰਾਮਾਇਣ' ਨੂੰ ਉਸੇ ਦ੍ਰਿਸ਼ਟੀਕੋਣ ਨਾਲ ਬਣਾਇਆ ਜਾਂਦਾ ਹੈ ਤਾਂ ਅੱਜ ਦਾ ਹਿੰਦੂ ਸਮਾਜ ਇਸਨੂੰ ਬਰਦਾਸ਼ਤ ਨਹੀਂ ਕਰੇਗਾ।
ਰਾਮਾਇਣ ਦਾ ਪ੍ਰਭਾਵ ਸਿਤਾਰਿਆਂ ਕਾਰਨ ਨਹੀਂ, ਸਗੋਂ ਕਹਾਣੀ ਕਾਰਨ ਹੈ। ਮੁਕੇਸ਼ ਖੰਨਾ ਨੇ ਰਾਮਾਇਣ ਦੇ ਬਜਟ ਅਤੇ ਕਾਸਟਿੰਗ ਬਾਰੇ ਵੀ ਆਪਣੇ ਵਿਚਾਰ ਪ੍ਰਗਟ ਕੀਤੇ। ਉਨ੍ਹਾਂ ਕਿਹਾ ਕਿ ਤੁਸੀਂ 1000 ਕਰੋੜ ਖਰਚ ਕਰ ਸਕਦੇ ਹੋ, ਪਰ ਜੇਕਰ ਕਹਾਣੀ ਅਤੇ ਭਾਵਨਾਵਾਂ ਸਹੀ ਨਹੀਂ ਹਨ, ਤਾਂ ਫਿਲਮ ਨਹੀਂ ਚੱਲੇਗੀ। ਰਾਮਾਇਣ ਕਿਸੇ ਸਿਤਾਰਿਆਂ ਕਾਰਨ ਨਹੀਂ, ਸਗੋਂ ਆਪਣੀ ਸੱਭਿਆਚਾਰਕ ਅਤੇ ਅਧਿਆਤਮਿਕ ਸ਼ਕਤੀ ਕਾਰਨ ਕੰਮ ਨਹੀਂ ਕਰਦੀ। ਜੇਕਰ ਤੁਸੀਂ 'ਸ਼ਕਤੀਮਾਨ' ਵਿੱਚ ਕਿਸੇ ਸਟਾਰ ਨੂੰ ਸਿਰਫ਼ ਇਸ ਲਈ ਲੈਂਦੇ ਹੋ ਕਿਉਂਕਿ ਉਹ ਇੱਕ ਵੱਡਾ ਨਾਮ ਹੈ, ਤਾਂ ਇਸਦਾ ਮਤਲਬ ਹੈ ਕਿ ਤੁਹਾਨੂੰ ਆਪਣੇ ਕੰਟੈਂਟ 'ਤੇ ਭਰੋਸਾ ਨਹੀਂ।