ਮਾਲਦੀਵ ’ਚ ਦਿਖਿਆ ਮੋਨਾਲੀਸਾ ਦਾ ਦਿਲਕਸ਼ ਅੰਦਾਜ਼, ਦੇਖੋ ਤਸਵੀਰਾਂ ਤੇ ਵੀਡੀਓ

ਮੁੰਬਈ (ਬਿਊਰੋ)– ਭੋਜਪੁਰੀ ਫ਼ਿਲਮਾਂ ਦੇ ਨਾਲ-ਨਾਲ ਸੋਸ਼ਲ ਮੀਡੀਆ ’ਤੇ ਸਰਗਰਮ ਰਹਿਣ ਵਾਲੀ ਖ਼ੂਬਸੂਰਤ ਮੋਨਾਲੀਸਾ ਇਨ੍ਹੀਂ ਦਿਨੀਂ ਮਾਲਦੀਵ ’ਚ ਛੁੱਟੀਆਂ ਦਾ ਆਨੰਦ ਮਾਣ ਰਹੀ ਹੈ। ਮੋਨਾਲੀਸਾ ਨੇ ਮਾਲਦੀਵ ਵਿਖੇ ਇਕ ਡਾਂਸ ਵੀਡੀਓ ਬਣਾਈ ਸੀ, ਜੋ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ। ਇਸ ਵੀਡੀਓ ’ਚ ਮੋਨਾਲੀਸਾ ਵੱਖਰੇ ਅੰਦਾਜ਼ ’ਚ ਡਾਂਸ ਕਰਦੀ ਨਜ਼ਰ ਆ ਰਹੀ ਹੈ। ਵੀਡੀਓ ਨੂੰ ਦੇਖ ਕੇ ਸਾਫ ਸਮਝ ਆ ਰਿਹਾ ਹੈ ਕਿ ਉਹ ਮਾਲਦੀਵ ’ਚ ਛੁੱਟੀਆਂ ਮਨਾਉਣ ਦੀ ਬੇਸਬਰੀ ਨਾਲ ਉਡੀਕ ਕਰ ਰਹੀ ਸੀ।

ਮੋਨਾਲੀਸਾ ਦੀ ਡਾਂਸ ਵੀਡੀਓ ਨੂੰ ਪ੍ਰਸ਼ੰਸਕ ਰੱਜ ਕੇ ਲਾਈਕ ਕਰ ਰਹੇ ਹਨ। ਮੋਨਾਲੀਸਾ ਨੇ ਇਸ ਨੂੰ ਸਾਂਝਾ ਕਰਦਿਆਂ ਕੈਪਸ਼ਨ ਦਿੱਤੀ, ‘ਕੀ ਤੁਸੀਂ ਮੇਰੇ ’ਤੇ ਰੇਡੀਅਮ ਦੇਖ ਸਕਦੇ ਹੋ? ਕਾਫੀ ਦਿਨਾਂ ਬਾਅਦ ਪਾਰਟੀ ਕਰ ਰਹੀ ਹਾਂ।’ ਵੀਡੀਓ ’ਚ ਮੋਨਾਲੀਸਾ ਚਿਹਰੇ ’ਤੇ ਰੇਡੀਅਮ ਦੀਆਂ ਕਈ ਸਾਰੀਆਂ ਬਿੰਦੀਆਂ ਲਗਾਈ ਦਿਖਾਈ ਦੇ ਰਹੀ ਹੈ।

ਇਹ ਰੇਡੀਅਮ ਘੱਟ ਰੌਸ਼ਨੀ ’ਚ ਵੀ ਚਮਕ ਰਿਹਾ ਹੈ। ਡੀ. ਜੇ. ’ਤੇ ਆਪਣੀ ਮਸਤੀ ਤੇ ਡਾਂਸ ਕਰਦੀ ਮੋਨਾਲੀਸਾ ਬੇਹੱਦ ਗਲੈਮਰੈੱਸ ਨਜ਼ਰ ਆ ਰਹੀ ਹੈ।

ਮੋਨਾਲੀਸਾ ਨਾਲ ਉਸ ਦੇ ਪਤੀ ਵਿਕ੍ਰਾਂਤ ਸਿੰਘ ਰਾਜਪੂਤ ਵੀ ਛੁੱਟੀਆਂ ’ਤੇ ਆਏ ਹਨ। ਇਸ ਦੀਆਂ ਤਸਵੀਰਾਂ ਨੂੰ ਮੋਨਾਲੀਸਾ ਲਗਾਤਾਰ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ’ਤੇ ਪੋਸਟ ਕਰ ਰਹੀ ਹੈ। ਇਸ ਤੋਂ ਪਹਿਲਾਂ ਅਦਾਕਾਰਾ ਨੇ ਮਾਲਦੀਵ ਤੋਂ ਇਕ ਤਸਵੀਰ ਸਾਂਝੀ ਕੀਤੀ ਸੀ, ਜਿਸ ’ਚ ਉਸ ਦਾ ਦਿਲਕਸ਼ ਅੰਦਾਜ਼ ਦੇਖਣ ਨੂੰ ਮਿਲਿਆ ਸੀ।

ਦੱਸ ਦੇਈਏ ਕਿ ਇਨ੍ਹੀਂ ਦਿਨੀਂ ਮਾਦਲੀਵ ਬਾਲੀਵੁੱਡ ਤੇ ਟੀ. ਵੀ. ਸਿਤਾਰਿਆਂ ਦੀ ਮਨਪਸੰਦ ਜਗ੍ਹਾ ਬਣੀ ਹੋਈ ਹੈ। ਹਾਲ ਹੀ ’ਚ ਕਰੀਨਾ-ਸੈਫ ਵੀ ਛੁੱਟੀਆਂ ਮਨਾਉਣ ਮਾਲਦੀਵ ਗਏ ਸਨ। ਇਸ ਤੋਂ ਇਲਾਵਾ ਤਨੀਸ਼ਾ ਮੁਖਰਜੀ, ਐਲੀ ਅਵਰਾਮ, ਸਨਾ ਖ਼ਾਨ, ਹੰਸਿਕਾ ਮੋਨਟਵਾਨੀ, ਮੌਨੀ ਰਾਏ ਸਮੇਤ ਕਈ ਸਿਤਾਰੇ ਵੀ ਇਥੇ ਛੁੱਟੀਆਂ ਮਨਾਉਣ ਪਹੁੰਚੇ ਸਨ।

ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਜ਼ਰੂਰ ਸਾਂਝੀ ਕਰੋ।