‘ਕੇ. ਬੀ. ਸੀ. ’ਚ ਨਜ਼ਰ ਆਏ ਕਿਆਰਾ ਦੇ ਵੱਡੇ ਫੈਨ ਨੂੰ ਆਖਿਰ ਮਿਲਿਆ ਅਦਾਕਾਰਾ ਨੂੰ ਮਿਲਣ ਦਾ ਮੌਕਾ

06/15/2022 11:59:39 AM

ਮੁੰਬਈ (ਬਿਊਰੋ)– ਬਹੁਤ ਹੀ ਖ਼ੂਬਸੂਰਤ ਤੇ ਸੁਪਰ ਪ੍ਰਤਿਭਾਸ਼ਾਲੀ ਕਿਆਰਾ ਅਡਵਾਨੀ ਬਾਲੀਵੁੱਡ ਦੀਆਂ ਉਨ੍ਹਾਂ ਅਦਾਕਾਰਾਂ ’ਚੋਂ ਇਕ ਹੈ, ਜਿਨ੍ਹਾਂ ਦਾ ਫੈਨ ਬੇਸ ਬਹੁਤ ਵੱਡਾ ਹੈ ਤੇ ਇਸ ਕਾਰਨ ਅਕਸਰ ਉਸ ਦੇ ਫੈਨਜ਼ ਆਪਣੇ ਪਸੰਦੀਦਾ ਸਿਤਾਰੇ ਲਈ ਆਪਣਾ ਪਿਆਰ ਦਿਖਾਉਣ ਤੋਂ ਪਿੱਛੇ ਨਹੀਂ ਹੱਟਦੇ।

ਦਸੰਬਰ 2020 ’ਚ ਵੀ ਕੁਝ ਅਜਿਹਾ ਹੀ ਹੋਇਆ ਸੀ, ਜਦੋਂ ਕਿਆਰਾ ਦਾ ਇਕ ਵੱਡਾ ਫੈਨ ਉਸ ਦੀ ਤਸਵੀਰ ਨਾਲ ‘ਕੌਣ ਬਣੇਗਾ ਕਰੋੜਪਤੀ’ ਦੇ ਸੈੱਟ ’ਤੇ ਆਇਆ ਤੇ ਇਸ ਨਾਲ ਕਾਫੀ ਸੁਰਖ਼ੀਆਂ ਬਟੋਰੀਆਂ।

ਇਹ ਖ਼ਬਰ ਵੀ ਪੜ੍ਹੋ : ਡਰੱਗਸ ਮਾਮਲੇ ’ਚ ਫਸੇ ਸ਼ਕਤੀ ਕਪੂਰ ਦੇ ਪੁੱਤਰ ਸਿਧਾਂਤ ਕਪੂਰ ਨੂੰ ਪੁਲਸ ਨੇ ਜ਼ਮਾਨਤ ’ਤੇ ਕੀਤਾ ਰਿਹਾਅ

ਅਜਿਹੇ ’ਚ ਹੁਣ ਕਰੀਬ ਡੇਢ ਸਾਲ ਬਾਅਦ ਉਸ ਪ੍ਰਸ਼ੰਸਕ ਨੂੰ ਆਖਰਕਾਰ ਆਪਣੇ ਚਹੇਤੇ ਸਟਾਰ ਨੂੰ ਮਿਲਣ ਦਾ ਮੌਕਾ ਮਿਲ ਹੀ ਗਿਆ ਹੈ, ਉਹ ਵੀ ਉਦੋਂ, ਜਦੋਂ ਇਹ ਅਦਾਕਾਰਾ ਬਾਲੀਵੁੱਡ ’ਚ ਆਪਣੀ 8ਵੀਂ ਵਰ੍ਹੇਗੰਢ ਦਾ ਆਨੰਦ ਆਪਣੇ ਪ੍ਰਸ਼ੰਸਕਾਂ ਨੂੰ ਖ਼ਾਸ ਤਰੀਕੇ ਨਾਲ ਮਿਲ ਕੇ ਮਨਾ ਰਹੀ ਸੀ।

ਇਸ ਵਰਚੂਅਲ ਗੱਲਬਾਤ ਦੌਰਾਨ ਜਦੋਂ ਕਿਆਰਾ ਨੇ ਬਾਕੀ ਪ੍ਰਸ਼ੰਸਕਾਂ ਵਿਚਾਲੇ ਆਪਣੇ ਪ੍ਰਸ਼ੰਸਕ ਵਿਜੈ ਨੂੰ ਦੇਖਿਆ ਤਾਂ ਉਸ ਨੇ ਕੇ. ਬੀ. ਸੀ. ਨਾਲ ਜੁੜਿਆ ਪੁਰਾਣਾ ਕਿੱਸਾ ਸੁਣਾਇਆ। ਸ਼ੋਅ ਦੀ ਸ਼ੂਟਿੰਗ ਦੌਰਾਨ ਪ੍ਰੋਡਕਸ਼ਨ ਨੇ ਕਿਆਰਾ ਨਾਲ ਜੁੜਨ ਦੀ ਕੋਸ਼ਿਸ਼ ਕੀਤੀ, ਹਾਲਾਂਕਿ ਕਿਆਰਾ ਉਸ ਸਮੇਂ ‘ਜੁਗ ਜੁਗ ਜੀਓ’ ਦੀ ਸ਼ੂਟਿੰਗ ’ਚ ਰੁੱਝੀ ਹੋਈ ਸੀ, ਉਹ ਉਸ ਨਾਲ ਗੱਲ ਨਹੀਂ ਕਰ ਸਕੀ। ਫੈਨ ਨੇ ਗੱਲਬਾਤ ਦੌਰਾਨ ਇਹ ਵੀ ਦੱਸਿਆ ਕਿ ਜਦੋਂ ਕਿਆਰਾ ਅਡਵਾਨੀ ਦੇ ਸਭ ਤੋਂ ਵੱਡੇ ਫੈਨ ਲਈ ਗੂਗਲ ਕੀਤਾ ਜਾਂਦਾ ਹੈ ਤਾਂ ਉਸ ਦਾ ਨਾਂ ਆਉਂਦਾ ਹੈ।

ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।


Rahul Singh

Content Editor

Related News