ਕਾਜੋਲ ਨੇ ਦੁਰਗਾ ਪੰਡਾਲ 'ਚ ਭੋਜਨ ਵੰਡਦਿਆਂ ਕੀਤੀ ਅਜਿਹੀ ਹਰਕਤ, ਵੇਖ ਭੜਕ ਉੱਠੇ ਲੋਕ

ਮੁੰਬਈ- ਕਾਜੋਲ ਪਿਛਲੇ ਕੁਝ ਦਿਨਾਂ ਤੋਂ ਸੁਰਖੀਆਂ 'ਚ ਹੈ ਪਰ ਆਪਣੀ ਫਿਲਮ ਜਾਂ ਕਿਸੇ ਪ੍ਰੋਜੈਕਟ ਕਾਰਨ ਨਹੀਂ ਸਗੋਂ ਆਪਣੇ ਗੁੱਸੇ ਕਾਰਨ। ਉਸ ਦੀਆਂ ਕਈ ਵੀਡੀਓਜ਼ ਸਾਹਮਣੇ ਆ ਚੁੱਕੀਆਂ ਹਨ, ਜਿਨ੍ਹਾਂ 'ਚ ਉਹ ਕਦੇ ਗੁੱਸੇ 'ਚ ਅਤੇ ਕਦੇ ਚਿੜਚਿੜੀ ਨਜ਼ਰ ਆ ਰਹੀ ਹੈ ਪਰ ਹੁਣ ਉਸ ਦਾ ਅਜਿਹਾ ਵੀਡੀਓ ਸਾਹਮਣੇ ਆਇਆ ਹੈ, ਜਿਸ 'ਚ ਉਹ ਦੁਰਗਾ ਪੂਜਾ ਪੰਡਾਲ 'ਚ ਬੱਚੀਆਂ ਅਤੇ ਸ਼ਰਧਾਲੂਆਂ ਨੂੰ ਖਾਣਾ ਵੰਡਦੇ ਅਤੇ ਖੁਦ ਖਾਂਦੀ ਨਜ਼ਰ ਆ ਰਹੀ ਹੈ। ਜਦੋਂ ਇੱਕ ਵਿਅਕਤੀ ਕਾਜੋਲ ਦਾ ਵੀਡੀਓ ਰਿਕਾਰਡ ਕਰਨ ਲੱਗਾ ਤਾਂ ਅਦਾਕਾਰਾ ਨੇ ਤੁਰੰਤ ਕੈਮਰਾ ਬੰਦ ਕਰ ਦਿੱਤਾ। ਇੰਨਾ ਹੀ ਨਹੀਂ ਕਾਜੋਲ ਦੇ ਬਾਡੀਗਾਰਡ ਵੀ ਹਰਕਤ 'ਚ ਆ ਗਏ।ਇਹ ਵੀਡੀਓ ਉੱਤਰੀ ਬੰਬੇ ਦੇ ਸਰਬੋਜਨੀਨ ਦੁਰਗਾ ਪੰਡਾਲ ਦਾ ਹੈ, ਜਿਸ ਨੂੰ ਕਾਜੋਲ, ਰਾਣੀ ਮੁਖਰਜੀ ਅਤੇ ਉਨ੍ਹਾਂ ਦਾ ਪਰਿਵਾਰ ਮਿਲ ਕੇ ਚਲਾਉਂਦਾ ਹੈ। ਇੱਥੇ ਸਾਰੇ ਸ਼ਰਧਾਲੂਆਂ ਨੂੰ ਖਾਣਾ ਖੁਆਇਆ ਜਾਂਦਾ ਹੈ ਅਤੇ ਮਾਂ ਦੁਰਗਾ ਦਾ ਸਵਾਗਤ ਕੀਤਾ ਜਾਂਦਾ ਹੈ ਅਤੇ ਸਿੰਦੂਰ ਵੀ ਖੇਡਿਆ ਜਾਂਦਾ ਹੈ। ਹਰ ਸਾਲ ਇਹ ਦੁਰਗਾ ਪੰਡਾਲ ਟਿਊਲਿਪ ਸਟਾਰ ਹੋਟਲ 'ਚ ਲਗਾਇਆ ਜਾਂਦਾ ਸੀ ਪਰ ਹੁਣ ਇਸ ਨੂੰ ਐਸ.ਐਨ.ਡੀ.ਟੀ. ਯੂਨੀਵਰਸਿਟੀ, ਜੁਹੂ ਦੇ ਮੈਦਾਨ 'ਚ ਤਬਦੀਲ ਕਰ ਦਿੱਤਾ ਗਿਆ ਹੈ।

ਇਹ ਖ਼ਬਰ ਵੀ ਪੜ੍ਹੋ -ਕੀ ਬੇਘਰ ਹੋਣਗੇ ਸ਼ਿਲਪਾ- ਰਾਜ ਕੁੰਦਰਾ, ਕੋਰਟ ਨੇ ਸੁਣਾਇਆ ਇਹ ਫੈਸਲਾ?

ਖੁਦ ਭੋਜਨ ਨੂੰ ਵੰਡਦੇ ਖਾ ਰਹੀ ਸੀ ਕੋਈ ਚੀਜ਼
ਕਾਜੋਲ ਹਾਲ ਹੀ 'ਚ ਇਸ ਦੁਰਗਾ ਪੰਡਾਲ 'ਚ ਆਪਣੇ ਹੱਥਾਂ ਨਾਲ ਸ਼ਰਧਾਲੂਆਂ ਨੂੰ ਭੋਗ ਵੰਡ ਰਹੀ ਸੀ। ਇਸ ਤੋਂ ਇਲਾਵਾ ਉਹ ਖੁਦ ਵੀ ਕੁਝ ਖਾ ਰਹੀ ਸੀ। ਉਸ ਦਾ ਮੂੰਹ ਲਗਾਤਾਰ ਹਿੱਲ ਰਿਹਾ ਸੀ। ਜਦ ਇਕ ਸ਼ਰਧਾਲੂ ਨੇ ਉਸ ਦੀ ਵੀਡੀਓ ਆਪਣੇ ਫੋਨ 'ਤੇ ਰਿਕਾਰਡ ਕਰਨੀ ਸ਼ੁਰੂ ਕੀਤੀ ਤਾਂ ਕਾਜੋਲ ਨੇ ਤੁਰੰਤ ਉਸ ਨੂੰ ਰੋਕ ਲਿਆ ਅਤੇ ਕੈਮਰਾ ਬੰਦ ਕਰ ਦਿੱਤਾ। ਕੈਮਰਾ ਸਵਿੱਚ ਆਫ ਕਰਦੇ ਸਮੇਂ ਕਾਜੋਲ ਆਪਣੇ ਮੂੰਹ ਵੱਲ ਇਸ਼ਾਰਾ ਕਰ ਰਹੀ ਸੀ ਅਤੇ ਕਹਿ ਰਹੀ ਸੀ ਕਿ ਉਹ ਕੁਝ ਖਾ ਰਹੀ ਹੈ।

ਇਹ ਖ਼ਬਰ ਵੀ ਪੜ੍ਹੋ -ਗੁਣਰਤਨ ਨੇ ਬਿੱਗ ਬੌਸ ਨਾਲ ਲਿਆ ਪੰਗਾ, ਕਿਹਾ ਮੇਰੇ ਕੋਲੋਂ ਸਰਕਾਰ...

ਯੂਜ਼ਰਸ ਭੜਕੇ ਅਦਾਕਾਰਾ 'ਤੇ
ਕਾਜੋਲ ਦੇ ਇਸ ਵੀਡੀਓ 'ਤੇ ਲੋਕਾਂ ਵੱਲੋਂ ਕਾਫੀ ਕੁਮੈਂਟਸ ਆ ਰਹੇ ਹਨ। ਇਕ ਯੂਜ਼ਰ ਨੇ ਲਿਖਿਆ, 'ਕਾਜੋਲ ਤੋਂ ਇਨ੍ਹੀਂ ਦਿਨੀਂ ਕਾਫੀ ਨਕਾਰਾਤਮਕ ਊਰਜਾ ਆ ਰਹੀ ਹੈ।' ਇਕ ਹੋਰ ਯੂਜ਼ਰ ਨੇ ਲਿਖਿਆ, 'ਉਸ ਦੇ ਚਿਹਰੇ 'ਤੇ ਰਵੱਈਆ ਦੇਖੋ, ਮੈਨੂੰ ਨਹੀਂ ਪਤਾ ਕਿ ਲੋਕਾਂ ਨੂੰ ਇਹ ਮਨੋਰੰਜਨ ਕਿਵੇਂ ਲੱਗਦਾ ਹੈ।' ਇਕ ਹੋਰ ਯੂਜ਼ਰ ਨੇ ਲਿਖਿਆ, 'ਦਰਅਸਲ ਔਰਤ, ਲੋਕਾਂ ਦੀ ਸੇਵਾ ਕਰਦੇ ਹੋਏ ਉਹ ਖੁਦ ਕਿਉਂ ਖਾ ਰਹੀ ਹੈ?' ਇੱਕ ਹੋਰ ਕੁਮੈਂਟ ਵਿੱਚ ਲਿਖਿਆ, 'ਇਹ ਬਹੁਤ ਬੁਰਾ ਸੀ।' ਮੈਂ ਅਜਿਹੀ ਔਰਤ ਦੇ ਹੱਥੋਂ ਕਦੇ ਕੁਝ ਨਹੀਂ ਖਾਵਾਂਗਾ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ