ਜੱਸੀ ਗਿੱਲ ਨਹੀਂ, ਇਹ ਹੈ ਉਸ ਦਾ ਹਮਸ਼ਕਲ, ਇਕ ਵਾਰ ਦੇਖ ਤੁਸੀਂ ਵੀ ਖਾ ਜਾਓਗੇ ਭੁਲੇਖਾ
04/15/2021 1:01:59 PM
ਚੰਡੀਗੜ੍ਹ (ਬਿਊਰੋ)– ਜਿਥੇ ਪਹਿਲਾਂ ਬਾਲੀਵੁੱਡ ਸਿਤਾਰਿਆਂ ਦੇ ਹਮਸ਼ਕਲ ਲੱਭਣੇ ਆਮ ਗੱਲ ਹੋ ਗਈ ਸੀ, ਉਥੇ ਹੁਣ ਪੰਜਾਬੀ ਕਲਾਕਾਰਾਂ ਦੇ ਹਮਸ਼ਕਲ ਸੋਸ਼ਲ ਮੀਡੀਆ ਦੀ ਬਦੌਲਤ ਲੱਭਣੇ ਆਮ ਗੱਲ ਹੋ ਗਈ ਹੈ।
ਹਾਲ ਹੀ ’ਚ ਇਕ ਸ਼ਖ਼ਸ ਦੀਆਂ ਵੀਡੀਓਜ਼ ਇੰਸਟਾਗ੍ਰਾਮ ’ਤੇ ਵਾਇਰਲ ਹੋ ਰਹੀਆਂ ਹਨ। ਇਨ੍ਹਾਂ ਵੀਡੀਓਜ਼ ’ਚ ਦਿਖਾਈ ਦੇਣ ਵਾਲੇ ਸ਼ਖ਼ਸ ਦਾ ਨਾਂ ਹੈ ਪਵਨ ਅਹੀਤਾਂਜ਼, ਜੋ ਬਿਲਕੁਲ ਜੱਸੀ ਗਿੱਲ ਵਾਂਗ ਦਿਖਾਈ ਦਿੰਦਾ ਹੈ।
ਇਹ ਖ਼ਬਰ ਵੀ ਪੜ੍ਹੋ : ਇਸ ਸ਼ਖ਼ਸ ਨੂੰ ਦੇਖ ਤੁਹਾਨੂੰ ਵੀ ਪਵੇਗਾ ਬੱਬੂ ਮਾਨ ਦਾ ਭੁਲੇਖਾ, ਖ਼ੁਦ ਨੂੰ ਮੰਨਦਾ ਹੈ ਖੰਟ ਵਾਲੇ ਦਾ ਕੱਟੜ ਫੈਨ
ਪਵਨ ਪੇਸ਼ੇ ਤੋਂ ਇਕ ਬੈਂਕਰ ਹੈ, ਜਿਸ ਦੀ ਮੁਸਕਰਾਹਟ ਜੱਸੀ ਗਿੱਲ ਦਾ ਭੁਲੇਖਾ ਪਾਉਂਦੀ ਹੈ। ਇੰਸਟਾਗ੍ਰਾਮ ਰੀਲਜ਼ ’ਚ ਪਵਨ ਨੇ ਜੱਸੀ ਗਿੱਲ ਦੇ ਗੀਤਾਂ ’ਤੇ ਵੀ ਕੁਝ ਵੀਡੀਓਜ਼ ਬਣਾ ਕੇ ਅਪਲੋਡ ਕੀਤੀਆਂ ਹਨ, ਜਿਥੇ ਕੁਮੈਂਟਸ ’ਚ ਉਸ ਨੂੰ ਲੋਕ ਜੱਸੀ ਗਿੱਲ ਕਹਿ ਰਹੇ ਹਨ।
ਪਵਨ ਗੁਰਦਾਸਪੁਰ ਦਾ ਰਹਿਣ ਵਾਲਾ ਹੈ। ਪਵਨ ਨੇ ਜੱਸੀ ਗਿੱਲ ਦੇ ‘ਚੇਤਕ’, ‘ਇੰਨਾ ਚਾਹੁਣੀ ਆ’, ‘ਹੋਰ ਨਾ ਅਜ਼ਮਾ’, ‘ਤੇਰੇ ਬਿਨਾਂ ਨਹੀਂ ਜਿਊਣਾ’ ਸਮੇਤ ਕਈ ਗੀਤਾਂ ’ਤੇ ਵੀਡੀਓਜ਼ ਸਾਂਝੀਆਂ ਕੀਤੀਆਂ ਹੋਈਆਂ ਹਨ।
ਇਹ ਖ਼ਬਰ ਵੀ ਪੜ੍ਹੋ : ‘ਦੀਵਾਲੀ ਨੇੜੇ ਪਿਓ ਤੁਰਗਿਆ, ਵਿਸਾਖੀ ਵੇਲੇ ਮਾਂ’, ਕਰਨ ਔਜਲਾ ਦੀ ਜ਼ਿੰਦਗੀ ’ਚ ਤਿਉਹਾਰ ਲੈ ਕੇ ਆਉਂਦੇ ਨੇ ਦੁੱਖ
ਦੱਸਣਯੋਗ ਹੈ ਕਿ ਬੀਤੇ ਦਿਨੀਂ ਬੱਬੂ ਮਾਨ ਦੇ ਹਮਸ਼ਕਲ ਦੀਆਂ ਵੀਡੀਓਜ਼ ਵੀ ਇੰਸਟਾਗ੍ਰਾਮ ’ਤੇ ਵਾਇਰਲ ਹੋਈਆਂ ਸੀ। ਉਸ ਦੀਆਂ ਵੀਡੀਓਜ਼ ਨੂੰ ਵੀ ਲੋਕਾਂ ਵਲੋਂ ਖੂਬ ਪਸੰਦ ਕੀਤਾ ਗਿਆ ਸੀ।
ਨੋਟ– ਜੱਸੀ ਗਿੱਲ ਦੇ ਹਮਸ਼ਕਲ ਬਾਰੇ ਤੁਸੀਂ ਕੀ ਕਹੋਗੇ? ਕੁਮੈਂਟ ਕਰਕੇ ਜ਼ਰੂਰ ਦੱਸੋ।
