ਜਾਨ੍ਹਵੀ ਕਪੂਰ ਨੇ ਪੈਰਿਸ ''ਚ ਬਿਖੇਰਿਆ ਦੇਸੀ ਗਲੈਮਰ

ਮੁੰਬਈ (ਏਜੰਸੀ)- ਬਾਲੀਵੁੱਡ ਅਦਾਕਾਰਾ ਜਾਨ੍ਹਵੀ ਕਪੂਰ ਨੇ ਪੈਰਿਸ ਵਿੱਚ ਆਯੋਜਿਤ BoF 500 ਗਾਲਾ ਵਿੱਚ ਗਲੋਬਲ ਫੈਸ਼ਨ ਸਟੇਜ 'ਤੇ ਭਾਰਤੀ ਸ਼ਿਲਪਕਾਰੀ ਅਤੇ ਡਿਜ਼ਾਈਨ ਦੀ ਖੂਬਸੂਰਤੀ ਨੂੰ ਪੇਸ਼ ਕੀਤਾ। ਜਾਨ੍ਹਵੀ ਇਸ ਖਾਸ ਮੌਕੇ 'ਤੇ ਰੀਆ ਕਪੂਰ ਦੁਆਰਾ ਸਟਾਈਲ ਕੀਤੇ ਗਏ ਇੱਕ ਕਸਟਮ ਪੰਕਜ ਐਸ ਹੈਰੀਟੇਜ ਆਊਟਫਿਟ ਵਿੱਚ ਨਜ਼ਰ ਆਈ। ਇਸ ਆਫ-ਵ੍ਹਾਈਟ ਆਊਟਫਿਟ ਵਿੱਚ ਰਵਾਇਤੀ 6 ਗਜ਼ ਦੀ ਸਾੜੀ ਨੂੰ ਇੱਕ ਆਧੁਨਿਕ ਅੰਦਾਜ਼ ਵਿੱਚ ਡਿਜ਼ਾਈਨ ਕੀਤਾ ਗਿਆ ਸੀ।

ਲੋ-ਸਲੰਗ ਡਰੈਪ, ਆਫ-ਸ਼ੋਲਡਰ ਲੁੱਕ ਅਤੇ ਜ਼ਮੀਨ ਨੂੰ ਛੂੰਹਦਾ ਪੱਲੂ ਉਸਦੀ ਦਿੱਖ ਨੂੰ ਬੇਹੱਦ ਖਾਸ ਬਣਾ ਰਿਹਾ ਸੀ। 460-ਕਾਊਟ ਬੰਗਾਲ ਮਸਲਿਨ ਤੋਂ ਤਿਆਰ ਕੀਤੇ ਗਏ ਇਸ ਆਊਟਫਿਟ 'ਤੇ ਗੋਲਡ ਬੀਡਜ਼, ਮੋਤੀਆਂ, ਸੀਪੀਆਂ, ਪੰਨਿਆਂ, ਪੋਲਕੀ ਅਤੇ ਟੈਸਲਸ ਨਾਲ ਹੱਥੀਆਂ ਕਢਾਈ ਕੀਤੀ ਗਈ ਸੀ, ਜੋ ਭਾਰਤੀ ਟੈਕਸਟਾਈਲ ਅਤੇ ਕਾਰੀਗਰੀ ਨੂੰ ਪੇਸ਼ ਕਰ ਰਹੀ ਸੀ। ਇਸ ਤੋਂ ਇਲਾਵਾ ਮੋਢੇ ਤੋਂ ਲੈ ਕੇ ਬਾਂਹ ਤੱਕ ਦੀ ਜਵੈਲਰੀ ਡਿਟੇਲਿੰਗ ਨੇ ਉਸਦੀ ਦਿੱਖ ਨੂੰ ਹੋਰ ਵੀ ਆਕਰਸ਼ਕ ਅਤੇ ਗਲੈਮਰਸ ਬਣਾ ਦਿੱਤਾ। BoF 500 ਗਾਲਾ ਵਿੱਚ ਜਾਨ੍ਹਵੀ ਦਾ ਲੁੱਕ ਭਾਰਤੀ ਵਿਰਾਸਤ, ਆਧੁਨਿਕ ਡਿਜ਼ਾਈਨ ਅਤੇ ਗਲੋਬਲ ਫੈਸ਼ਨ ਦਾ ਇੱਕ ਸੁੰਦਰ ਮਿਸ਼ਰਣ ਸੀ।