1932 ''ਚ ਰਿਲੀਜ਼ ਹੋਈ ਭਾਰਤੀ ਫ਼ਿਲਮ ਨੇ ਗੱਡੇ ਝੰਡੇ, ਗਿਨੀਜ਼ ਬੁੱਕ ''ਚ ਨਾਂ ਹੈ ਦਰਜ, ਹਾਲੇ ਤੱਕ ਨਹੀਂ ਟੁੱਟਿਆ ਰਿਕਾਰਡ

ਐਂਟਰਟੇਨਮੈਂਟ ਡੈਸਕ - ਕੀ ਤੁਸੀਂ ਜਾਣਦੇ ਹੋ ਕਿ ਭਾਰਤੀ ਸਿਨੇਮਾ ਦੇ ਇਤਿਹਾਸ ਵਿੱਚ ਇੱਕ ਅਜਿਹੀ ਫਿਲਮ ਵੀ ਹੈ ਜਿਸ ਵਿੱਚ 72 ਗਾਣੇ ਸਨ? ਜੀ ਹਾਂ, ਤੁਸੀਂ ਬਿਲਕੁਲ ਸਹੀ ਸੁਣਿਆ। ਸਾਲ 1932 ਵਿੱਚ ਆਈ ਫਿਲਮ 'ਇੰਦਰਸਭਾ' ਨੇ ਭਾਰਤੀ ਸਿਨੇਮਾ ਵਿੱਚ ਸਭ ਤੋਂ ਵੱਧ ਗਾਣਿਆਂ ਵਾਲੀ ਫਿਲਮ ਵਜੋਂ ਗਿਨੀਜ਼ ਬੁੱਕ ਆਫ਼ ਵਰਲਡ ਰਿਕਾਰਡ ਆਪਣੇ ਨਾਮ ਕੀਤਾ ਹੋਇਆ ਹੈ, ਜਿਸ ਵਿੱਚ 71 ਤੋਂ 72 ਗਾਣੇ ਹਨ। ਇਸ ਰਿਕਾਰਡ ਨੂੰ ਪਿਛਲੇ 94 ਸਾਲਾਂ ਵਿੱਚ ਅੱਜ ਤੱਕ ਕੋਈ ਵੀ ਫਿਲਮ ਨਹੀਂ ਤੋੜ ਸਕੀ। ਜੇ.ਜੇ. ਮਦਾਨ ਦੁਆਰਾ ਨਿਰਦੇਸ਼ਤ, ਇਹ ਫਿਲਮ 1853 ਦੇ ਇੱਕ ਉਰਦੂ ਨਾਟਕ 'ਤੇ ਅਧਾਰਤ ਸੀ ਅਤੇ ਇਸ ਵਿੱਚ ਜਹਾਂਆਰਾ ਕਜਨ ਅਤੇ ਮਾਸਟਰ ਨਿਸਾਰ ਨੇ ਅਭਿਨੈ ਕੀਤਾ ਸੀ।

ਇਹ ਵੀ ਪੜ੍ਹੋ: ਪਾਕਿ ਬ੍ਰਾਂਡ ਦੀ 'ਸਸਤੀ ਮਾਰਕੀਟਿੰਗ' ! ਆਲੀਆ ਭੱਟ ਦੀਆਂ AI ਤਸਵੀਰਾਂ ਲਾ ਕੇ ਵੇਚ ਰਹੇ ਸੂਟ, ਖੜ੍ਹਾ ਹੋਇਆ ਬਖੇੜਾ

ਇਹ ਫ਼ਿਲਮ ਸਾਊਂਡ ਸਿਨੇਮਾ ਦੇ ਸ਼ੁਰੂਆਤੀ ਦਿਨਾਂ ਵਿੱਚ ਰਿਲੀਜ਼ ਹੋਈ ਸੀ। ਇਹ ਲਗਭਗ 3 ਘੰਟੇ ਅਤੇ 31 ਮਿੰਟ ਦੀ ਫਿਲਮ ਸੀ। ਫਿਲਮ ਵਿੱਚ 31 ਗ਼ਜ਼ਲਾਂ, 9 ਠੁਮਰੀਆਂ, 4 ਹੋਲੀ ਦੇ ਗੀਤ, 15 ਆਮ ਗੀਤ, 2 ਚੌਬੋਲੇ, 5 ਛੰਦ ਅਤੇ 8 ਹੋਰ ਗੀਤ ਸ਼ਾਮਲ ਸਨ। ਦੱਸ ਦੇਈਏ ਕਿ ਫਿਲਮ ਦੀ ਮੁੱਖ ਅਦਾਕਾਰਾ, ਜਹਾਂਆਰਾ ਕਜਨ, ਨਾ ਸਿਰਫ਼ ਆਪਣੀ ਅਦਾਕਾਰੀ ਲਈ ਸਗੋਂ ਆਪਣੀ ਆਵਾਜ਼ ਲਈ ਵੀ ਜਾਣੀ ਜਾਂਦੀ ਸੀ। ਉਸ ਸਮੇਂ ਉਸਨੂੰ ਬੰਗਾਲ ਦੀ ਕੋਇਲ ਵਜੋਂ ਜਾਣਿਆ ਜਾਂਦਾ ਸੀ। ਹਾਲਾਂਕਿ, ਅਦਾਕਾਰਾ ਦਾ ਬਹੁਤ ਛੋਟੀ ਉਮਰ ਵਿੱਚ ਹੀ ਦੇਹਾਂਤ ਹੋ ਗਿਆ।

ਇਹ ਵੀ ਪੜ੍ਹੋ: TV ਦੇ ਇੰਸਪੈਕਟਰ ਦੇ ਘਰ ਹੋ ਗਈ 'ਅਸਲੀ ਚੋਰੀ' ! ਮਸ਼ਹੂਰ ਅਦਾਕਾਰ ਨੂੰ ਲੱਗਾ ਲੱਖਾਂ ਦਾ ਚੂਨਾ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e