"ਉਹ ਦੇਸ਼ ਦੇ ਬਹੁਤ ਚੰਗੇ ਕਲਾਕਾਰਾਂ ''ਚੋਂ ਇੱਕ ਹਨ...": ਗੋਵਿੰਦਾ ਨੇ ਕੀਤੀ ਅਨੁਪਮ ਖੇਰ ਦੀ ਤਾਰੀਫ

ਮੁੰਬਈ (ਏਜੰਸੀ)- ਗੋਵਿੰਦਾ ਨੇ ਬਹੁਮੁਖੀ ਅਦਾਕਾਰ ਅਨੁਪਮ ਖੇਰ ਦੀ ਪ੍ਰਸ਼ੰਸਾ ਕੀਤੀ ਹੈ। ਮੀਡੀਆ ਨਾਲ ਗੱਲ ਕਰਦੇ ਹੋਏ ਗੋਵਿੰਦਾ ਨੇ ਕਿਹਾ, "ਉਹ (ਅਨੁਪਮ ਖੇਰ) ਦੇਸ਼ ਕੇ ਬਹੁਤ ਚੰਗੇ ਕਲਾਕਾਰਾਂ ਵਿੱਚੋਂ ਇੱਕ ਹਨ। ਜਦੋਂ ਮੈਂ ਉਨ੍ਹਾਂ ਨਾਲ ਕੰਮ ਕੀਤਾ ਤਾਂ ਉਨ੍ਹਾਂ ਨੂੰ ਸਮਝ ਆਇਆ ਕਿ ਉਹ ਕਿੰਨੇ ਸਾਧਾਰਨ ਅਤੇ ਪਹੁੰਚਯੋਗ ਇਨਸਾਨ ਹਨ। ਉਹ ਹਮੇਸ਼ਾ ਸਾਰਿਆਂ ਬਾਰੇ ਸੋਚਦੇ ਹਨ। ਜੇਕਰ ਉਨ੍ਹਾਂ ਨੂੰ ਲੱਗਦਾ ਹੈ ਕਿ ਸ਼ੂਟ ਤੋਂ ਬਾਅਦ ਕੁੱਝ ਹੋਰ ਬਿਹਤਰ ਹੋ ਸਕਦਾ ਹੈ, ਤਾਂ ਉਹ ਖੁਦ ਫੋਨ ਕਰਕੇ ਉਸ 'ਤੇ ਗੱਲ ਕਰਦੇ ਹਨ।'

ਗੋਵਿੰਦਾ ਵੱਲੋਂ ਇਹ ਤਾਰੀਫ ਅਨੁਪਮ ਖੇਰ ਦੁਆਰਾ ਹਾਲ ਹੀ ਵਿੱਚ ਇੱਕ ਇੰਟਰਵਿਊ ਦੌਰਾਨ ਗੋਵਿੰਦਾ ਦੀ ਸ਼ਲਾਘਾ ਕਰਨ ਤੋਂ ਬਾਅਦ ਆਈ ਹੈ, ਖਾਸ ਕਰਕੇ ਉਸ ਸਮੇਂ ਜਦੋਂ ਗੋਵਿੰਦਾ ਦੀ ਨਿੱਜੀ ਜ਼ਿੰਦਗੀ ਨੂੰ ਲੈ ਕੇ ਕਾਫੀ ਚਰਚਾ ਚੱਲ ਰਹੀ ਹੈ।
ਗੋਵਿੰਦਾ ਅਤੇ ਖੇਰ ਨੇ 'ਕਿਓਂ ਕੀ ਮੈਂ ਝੂਠ ਨਹੀਂ ਬੋਲਤਾ', 'ਜੋੜੀ ਨੰਬਰ 1', 'ਦੀਵਾਨਾ ਮਸਤਾਨਾ', 'ਆਂਟੀ ਨੰਬਰ 1', ਅਤੇ 'ਏਕ ਔਰ ਏਕ ਗਿਆਰਾ' ਵਰਗੀਆਂ ਕਈ ਫਿਲਮਾਂ ਵਿੱਚ ਕੰਮ ਕੀਤਾ ਹੈ ।

ਦੱਸ ਦੇਈਏ ਕਿ ਗੋਵਿੰਦਾ ਆਪਣੀ ਕੋ-ਸਟਾਰ ਕੋਮਲ ਰਾਣੀ ਸਵਰਨਕਰ ਨਾਲ ਆਪਣੀ ਆਉਣ ਵਾਲੀ ਫਿਲਮ 'ਰੂਪਾ' ਦੀ ਪ੍ਰਮੋਸ਼ਨ 'ਚ ਰੁੱਝੇ ਹੋਏ ਹਨ। ਇਹ ਫਿਲਮ ਕਈ ਸਾਲਾਂ ਬਾਅਦ ਉਨ੍ਹਾਂ ਦੀ ਵਾਪਸੀ ਨੂੰ ਦਰਸਾਉਂਦੀ ਹੈ। ਉਨ੍ਹਾਂ ਨੂੰ ਆਖਰੀ ਵਾਰ 2019 ਦੀ ਫਿਲਮ 'ਰੰਗੀਲਾ ਰਾਜਾ' ਵਿੱਚ ਦੇਖਿਆ ਗਿਆ ਸੀ, ਉਸ ਤੋਂ ਬਾਅਦ 2022 ਦੀ ਡਾਕਿਊਮੈਂਟਰੀ ਫਿਲਮ 'ਨਾਮ ਥਾ ਕਨ੍ਹਈਆਲਾਲ' ਵਿੱਚ ਨਜ਼ਰ ਆਏ ਸਨ।