ਫਿਲਮ ''ਸਨੀ ਸੰਸਕਾਰੀ ਕੀ ਤੁਲਸੀ ਕੁਮਾਰੀ'' ਦਾ ਫਸਟ ਲੁੱਕ ਰਿਲੀਜ਼
Tuesday, Jul 15, 2025 - 12:17 PM (IST)
ਮੁੰਬਈ (ਏਜੰਸੀ)- ਬਾਲੀਵੁੱਡ ਸਟਾਰ ਵਰੁਣ ਧਵਨ ਅਤੇ ਜਾਨ੍ਹਵੀ ਕਪੂਰ ਦੀ ਆਉਣ ਵਾਲੀ ਫਿਲਮ 'ਸਨੀ ਸੰਸਕਾਰੀ ਕੀ ਤੁਲਸੀ ਕੁਮਾਰੀ' ਦਾ ਫਸਟ ਲੁੱਕ ਰਿਲੀਜ਼ ਹੋ ਗਿਆ ਹੈ। ਧਰਮਾ ਪ੍ਰੋਡਕਸ਼ਨ ਦੀ ਇਸ ਫਿਲਮ ਵਿੱਚ ਵਰੁਣ ਧਵਨ ਅਤੇ ਜਾਨ੍ਹਵੀ ਕਪੂਰ ਮੁੱਖ ਭੂਮਿਕਾਵਾਂ ਵਿੱਚ ਹਨ। ਇਸ ਫਿਲਮ ਦਾ ਨਿਰਦੇਸ਼ਨ ਸ਼ਸ਼ਾਂਕ ਖੇਤਾਨ ਕਰ ਰਹੇ ਹਨ।
ਧਰਮਾ ਪ੍ਰੋਡਕਸ਼ਨ ਨੇ ਇੰਸਟਾਗ੍ਰਾਮ 'ਤੇ ਫਿਲਮ 'ਸਨੀ ਸੰਸਕਾਰੀ ਕੀ ਤੁਲਸੀ ਕੁਮਾਰੀ' ਦੇ ਵਰੁਣ ਧਵਨ ਦੇ ਪੋਸਟਰ ਨੂੰ ਸਾਂਝਾ ਕੀਤਾ ਅਤੇ ਕੈਪਸ਼ਨ ਵਿੱਚ ਲਿਖਿਆ, 'ਸਨੀ ਸੰਸਕਾਰੀ ਦੀ ਸ਼ਾਇਰੀ - 'ਇਹ ਹੰਝੂ ਨੇ ਮੇਰੇ, ਸਮੁੰਦਰ ਦਾ ਪਾਣੀ ਨਹੀਂ... ਇਹ ਹੰਝੂ ਨੇ ਮੇਰੇ, ਸਮੁੰਦਰ ਦਾ ਪਾਣੀ ਨਹੀਂ... ਮੀਂਹ ਦਾ ਕੀ ਭਰੋਸਾ, ਅੱਜ ਹੈ... ਕੱਲ੍ਹ ਨਹੀਂ!!!' ਉਥੇ ਹੀ ਜਾਹਨਵੀ ਕਪੂਰ ਦਾ ਪੋਸਟਰ ਸਾਂਝਾ ਕਰਦੇ ਹੋਏ, ਕੈਪਸ਼ਨ ਵਿੱਚ ਲਿਖਿਆ ਹੈ, ਦੇਖਣ ਵਿੱਚ ਮਾਸੂਮ, ਚੰਚਲ, ਪਿਆਰੀ ਪਰ ਅੰਦਰੋਂ ਮੈਲੋਡ੍ਰੈਮਿਕ ਲਾਈਕ ਮੀਨਾ ਕੁਮਾਰੀ।
ਵਰੁਣ ਧਵਨ ਅਤੇ ਜਾਹਨਵੀ ਤੋਂ ਇਲਾਵਾ, ਫਿਲਮ 'ਸਨੀ ਸੰਸਕਾਰੀ ਕੀ ਤੁਲਸੀ ਕੁਮਾਰੀ' ਵਿੱਚ ਸਾਨਿਆ ਮਲਹੋਤਰਾ, ਰੋਹਿਤ ਸਰਾਫ, ਮਨੀਸ਼ ਪਾਲ ਅਤੇ ਅਕਸ਼ੈ ਓਬਰਾਏ ਵਰਗੇ ਮਹਾਨ ਕਲਾਕਾਰ ਵੀ ਹਨ। ਇਸ ਫਿਲਮ ਨੂੰ ਕਰਨ ਜੌਹਰ, ਹੀਰੂ ਜੌਹਰ, ਅਪੂਰਵ ਮਹਿਤਾ ਅਤੇ ਸ਼ਸ਼ਾਂਕ ਖੇਤਾਨ ਨੇ ਸਾਂਝੇ ਤੌਰ 'ਤੇ ਬਣਾਇਆ ਹੈ। ਇਹ ਫਿਲਮ 2 ਅਕਤੂਬਰ, 2025 ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਵੇਗੀ।
