ਮਸ਼ਹੂਰ ਅਦਾਕਾਰ ਨੇ ਚੁੱਪ-ਚੁੱਪੀਤੇ ਕਰਵਾ ਲਈ ਮੰਗਣੀ, ਤਸਵੀਰਾਂ ਵੇਖ ਫੈਨਜ਼ ਦੀਆਂ ਅੱਡੀਆਂ ਰਹਿ ਗਈਆਂ ਅੱਖਾਂ

ਨਵੀਂ ਦਿੱਲੀ (ਏਜੰਸੀ)- ਮਸ਼ਹੂਰ ਟੈਲੀਵਿਜ਼ਨ ਅਦਾਕਾਰ ਮੋਹਸਿਨ ਖਾਨ ਨੇ ਸੋਸ਼ਲ ਮੀਡੀਆ 'ਤੇ ਇੱਕ ਦਿਲ ਨੂੰ ਛੂਹ ਲੈਣ ਵਾਲੇ ਨੋਟ ਰਾਹੀਂ ਆਪਣੀ ਮੰਗਣੀ ਦਾ ਐਲਾਨ ਕੀਤਾ ਹੈ। 'ਯੇ ਰਿਸ਼ਤਾ ਕਿਆ ਕਹਿਲਾਤਾ ਹੈ' ਅਦਾਕਾਰ ਨੇ ਆਪਣੀ ਮੰਗੇਤਰ ਤਮੰਨਾ ਨਾਲ ਮੰਗਣੀ ਦੀ ਰਸਮ ਦੀਆਂ ਕਈ ਖੂਬਸੂਰਤ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ। 

ਇਹ ਵੀ ਪੜ੍ਹੋ: ਮਸ਼ਹੂਰ ਅਦਾਕਾਰਾ ਦੇ ਘਰ ਗੂੰਜੀਆਂ ਕਿਲਕਾਰੀਆਂ ! ਜੁੜਵਾ ਧੀਆਂ ਨੂੰ ਦਿੱਤਾ ਜਨਮ

ਮੋਹਸਿਨ ਨੂੰ "ਯੇ ਰਿਸ਼ਤਾ ਕਿਆ ਕਹਿਲਾਤਾ ਹੈ" ਵਿੱਚ ਕਾਰਤਿਕ ਗੋਇਨਕਾ ਦੀ ਭੂਮਿਕਾ ਲਈ ਜਾਣਿਆ ਜਾਂਦਾ ਹੈ। ਆਪਣੀ ਮੰਗਣੀ ਦੀਆਂ ਤਸਵੀਰਾਂ ਸਾਂਝੀਆਂ ਕਰਦਿਆਂ ਲਿਖਿਆ, "ਉਹ ਸੁੰਦਰ, ਆਤਮਵਿਸ਼ਵਾਸੀ, ਸੰਵੇਦਨਸ਼ੀਲ ਕੁੜੀ - ਜੋ ਹਮੇਸ਼ਾ ਹੱਸਦੀ, ਮਜ਼ਾਕ ਕਰਦੀ ਹੈ, ਉਮੀਦ ਅਤੇ ਪ੍ਰਾਰਥਨਾ ਕਰਦੀ ਰਹਿੰਦੀ ਹੈ, ਹਮੇਸ਼ਾ ਨੱਚਦੀ ਅਤੇ ਗਾਉਂਦੀ ਰਹਿੰਦੀ ਹੈ- ਮੇਰੇ ਲਈ ਸਵਰਗਾਂ ਵਿੱਚ ਹੀ ਲਿਖੀ ਗਈ ਸੀ। ਪਹਿਲੀ ਵਾਰ ਜਦੋਂ ਅਸੀਂ ਇੱਕ-ਦੂਜੇ ਵੱਲ ਦੇਖਿਆ ਸੀ, ਪਹਿਲੀ ਵਾਰ ਜਦੋਂ ਮੈਂ ਤੇਰਾ ਹੱਥ ਫੜਿਆ ਸੀ ਅਤੇ ਜਦੋਂ ਤੂੰ ਪਹਿਲੀ ਪਹਿਲੀ 'ਹਮ ਤੋ ਭਾਈ ਜੈਸੇ ਹੈਂ ਵੈਸੇ ਹੀ ਰਹੇਂਗੇ' ਗਾਣਾ ਗਾਇਆ ਸੀ ਤਾਂ ਮੈਨੂੰ ਉਦੋਂ ਹੀ ਅਹਿਸਾਸ ਹੋ ਗਿਆ ਸੀ ਕਿ ਮੇਰੇ ਅੰਦਰ ਕੁਝ ਸ਼ਾਂਤ ਹੋ ਗਿਆ ਹੈ। ਮੈਨੂੰ ਹਮੇਸ਼ਾ ਦੱਸਿਆ ਜਾਂਦਾ ਸੀ ਕਿ ਜਦੋਂ ਤੁਹਾਡਾ ਹਮਸਫਰ ਆਵੇਗਾ, ਤਾਂ ਇਹ ਕਿਸੇ ਤਰ੍ਹਾਂ ਤੁਹਾਡੀ ਜ਼ਿੰਦਗੀ ਦਾ ਸਭ ਤੋਂ ਆਸਾਨ ਅਤੇ ਸਭ ਤੋਂ ਮਹੱਤਵਪੂਰਨ ਫੈਸਲਾ ਬਣ ਜਾਂਦਾ ਹੈ। ਸ਼ਾਇਦ ਸਾਡੀ ਕਹਾਣੀ ਪਹਿਲਾਂ ਹੀ ਸਿਤਾਰਿਆਂ ਵਿੱਚ ਲਿਖੀ ਗਈ ਸੀ। ਜਾਂ ਹੋ ਸਕਦਾ ਹੈ ਕਿ, ਜ਼ਿੰਦਗੀ ਵਿੱਚ ਇੱਕ ਵਾਰ ਅਜਿਹਾ ਹੁੰਦਾ ਹੈ, ਜਦੋਂ ਲੋਕ ਠੀਕ ਉਸੇ ਪਲ ਇਕ-ਦੂਜੇ ਨੂੰ ਮਿਲਦੇ ਹਨ, ਜਦੋਂ ਉਨ੍ਹਾਂ ਦਾ ਮਿਲਣਾ ਤੈਅ ਹੁੰਦਾ ਹੈ। ਸਾਡੇ ਦੁਆਰਾ ਕੀਤੇ ਗਏ ਸਾਰੇ ਵਾਅਦਿਆਂ ਅਤੇ ਉਨ੍ਹਾਂ ਸਾਰੇ ਸੁਪਨਿਆਂ ਵਿੱਚੋਂ, ਸ਼ਾਇਦ ਸਭ ਤੋਂ ਖੂਬਸੂਰਤ ਵਾਅਦਾ ਇਹ ਹੈ...ਇਕ-ਦੂਜੇ ਵਿੱਚ ਆਪਣਾ ਘਰ ਲੱਭਣਾ।" 

ਇਹ ਵੀ ਪੜ੍ਹੋ: 'ਮੈਂ ਧਰਮ ਬਦਲਣ ਲਈ ਨਹੀਂ ਸਗੋਂ...'; ਹਿਮਾਂਸ਼ੀ ਖੁਰਾਨਾ ਵੱਲੋਂ ਲਾਏ ਗਏ ਇਲਜ਼ਾਮਾਂ 'ਤੇ ਆਸਿਮ ਰਿਆਜ਼ ਨੇ ਤੋੜੀ ਚੁੱਪੀ

 

 

 

 

 

View this post on Instagram

 

 

 

 

 

 

 

 

 

 

 

A post shared by Mohsin A Khan (@khan_mohsinkhan)

ਆਪਣੇ ਇਸ ਖਾਸ ਦਿਨ ਮੌਕੇ ਜੋੜਾ ਬੇਹੱਦ ਖੂਬਸੂਰਤ ਲੱਗ ਰਿਹਾ ਸੀ। ਇਕ ਤਸਵੀਰ ਵਿਚ ਤਮੰਨਾ ਨੇ ਵ੍ਹਾਈਟ ਡਰੈੱਸ ਅਤੇ ਬਾਅਦ ਵਿਚ ਲਾਲ ਰੰਗ ਦਾ ਸ਼ਾਨਦਾਰ ਗਾਊਨ ਪਾਇਆ ਹੋਇਆ ਸੀ, ਜਦੋਂਕਿ ਮੋਹਸਿਨ ਨੇ ਕਾਲੇ ਰੰਗ ਦਾ ਕੋਟ ਪੈਂਟ, ਵ੍ਹਾਈਟ ਸ਼ਰਟ ਅਤੇ ਲਾਲ ਟਾਈ ਲਾਈ ਹੋਈ ਸੀ। ਇਕ ਹੋਰ ਤਸਵੀਰ ਵਿਚ ਤਮੰਨਾ ਆਪਣੀ ਅੰਗੇਜ਼ਮੈਂਟ ਰਿੰਗ ਫਲਾਂਟ ਕਰਦੀ ਨਜ਼ਰ ਆਈ।

ਇਹ ਵੀ ਪੜ੍ਹੋ: ਮਸ਼ਹੂਰ ਅਦਾਕਾਰਾ ਦਾ ਦਿਹਾਂਤ, ਅਮਰੀਕਾ 'ਚ ਲਏ ਆਖਰੀ ਸਾਹ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e