ਨਵੇਂ ਸਾਲ 'ਤੇ ਭਾਵੁਕ ਹੋਈ ਈਸ਼ਾ ਦਿਓਲ: ਪਿਤਾ ਧਰਮਿੰਦਰ ਨੂੰ ਯਾਦ ਕਰਦਿਆਂ ਲਿਖੀ ਇਹ ਗੱਲ

ਮੁੰਬਈ- ਸਾਲ 2026 ਦਾ ਆਗਾਜ਼ ਜਿੱਥੇ ਦੁਨੀਆ ਭਰ ਵਿੱਚ ਜਸ਼ਨਾਂ ਨਾਲ ਹੋ ਰਿਹਾ ਹੈ, ਉੱਥੇ ਹੀ ਬਾਲੀਵੁੱਡ ਦੀ ਮਸ਼ਹੂਰ ਅਦਾਕਾਰਾ ਈਸ਼ਾ ਦਿਓਲ ਲਈ ਇਹ ਮੌਕਾ ਕਾਫ਼ੀ ਭਾਵੁਕ ਰਿਹਾ। ਈਸ਼ਾ ਨੇ ਨਵੇਂ ਸਾਲ ਦੇ ਮੌਕੇ 'ਤੇ ਆਪਣੇ ਸਵਰਗੀ ਪਿਤਾ ਅਤੇ ਬਾਲੀਵੁੱਡ ਦੇ ਦਿੱਗਜ ਸੁਪਰਸਟਾਰ ਧਰਮਿੰਦਰ ਨੂੰ ਯਾਦ ਕਰਦਿਆਂ ਇੱਕ ਬੇਹੱਦ ਖ਼ਾਸ ਪੋਸਟ ਸਾਂਝੀ ਕੀਤੀ ਹੈ।
ਅਸਮਾਨ ਵੱਲ ਇਸ਼ਾਰਾ ਕਰਦਿਆਂ ਕਿਹਾ- 'ਲਵ ਯੂ ਪਾਪਾ'
ਸਰੋਤਾਂ ਅਨੁਸਾਰ ਈਸ਼ਾ ਦਿਓਲ ਨੇ ਆਪਣੇ ਇੰਸਟਾਗ੍ਰਾਮ ਹੈਂਡਲ 'ਤੇ ਦੋ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ, ਜਿਨ੍ਹਾਂ ਵਿੱਚ ਉਹ ਅਸਮਾਨ ਵਿੱਚ ਚਮਕ ਰਹੇ ਚੰਦ ਵੱਲ ਇਸ਼ਾਰਾ ਕਰ ਰਹੀ ਹੈ। ਇਨ੍ਹਾਂ ਵਿੱਚੋਂ ਇੱਕ ਤਸਵੀਰ 'ਤੇ ਉਸ ਨੇ ਬਹੁਤ ਹੀ ਭਾਵੁਕ ਹੋ ਕੇ 'ਲਵ ਯੂ ਪਾਪਾ' ਲਿਖਿਆ ਹੈ। ਕਾਲੇ ਰੰਗ ਦੇ ਪਹਿਰਾਵੇ ਅਤੇ ਸਿਰ 'ਤੇ 'ਹੈਪੀ ਨਿਊ ਈਅਰ' ਦਾ ਤਾਜ ਪਹਿਨੀ ਈਸ਼ਾ ਨੇ ਸਾਰਿਆਂ ਨੂੰ ਖੁਸ਼ ਅਤੇ ਮਜ਼ਬੂਤ ਰਹਿਣ ਦੀ ਦੁਆ ਦਿੱਤੀ ਹੈ।

ਬੌਬੀ ਦਿਓਲ ਨੇ ਦਿੱਤਾ ਰਿਐਕਸ਼ਨ
ਈਸ਼ਾ ਦੀ ਇਸ ਪੋਸਟ ਨੇ ਸੋਸ਼ਲ ਮੀਡੀਆ 'ਤੇ ਪ੍ਰਸ਼ੰਸਕਾਂ ਦਾ ਦਿਲ ਜਿੱਤ ਲਿਆ ਹੈ। ਖ਼ਾਸ ਗੱਲ ਇਹ ਰਹੀ ਕਿ ਧਰਮਿੰਦਰ ਦੇ ਛੋਟੇ ਪੁੱਤਰ ਅਤੇ ਈਸ਼ਾ ਦੇ ਭਰਾ ਬੌਬੀ ਦਿਓਲ ਨੇ ਵੀ ਇਸ ਪੋਸਟ 'ਤੇ 'ਹਾਰਟ ਇਮੋਜੀ' ਸਾਂਝੇ ਕਰਕੇ ਆਪਣਾ ਪਿਆਰ ਜਤਾਇਆ ਹੈ।
ਸਿਨੇਮਾਘਰਾਂ 'ਚ 'ਇੱਕੀਸ' ਦਾ ਧਮਾਕਾ
ਨਵੇਂ ਸਾਲ ਦਾ ਇਹ ਦਿਨ ਧਰਮਿੰਦਰ ਦੇ ਪ੍ਰਸ਼ੰਸਕਾਂ ਲਈ ਇਸ ਲਈ ਵੀ ਖ਼ਾਸ ਹੈ ਕਿਉਂਕਿ ਅੱਜ ਉਨ੍ਹਾਂ ਦੀ ਆਖਰੀ ਫਿਲਮ 'ਇੱਕੀਸ' ਰਿਲੀਜ਼ ਹੋ ਗਈ ਹੈ।