ਬਾਲੀਵੁੱਡ ਦੇ ਇਨ੍ਹਾਂ ਤਿੰਨ ਸੁਪਰਸਟਾਰਜ਼ ਨੂੰ ਪ੍ਰਿਯੰਕਾ ਚੋਪੜਾ ਨਹੀਂ ਕਰਦੀ ਫਾਲੋ
08/19/2021 1:21:38 PM
ਨਵੀਂ ਦਿੱਲੀ (ਬਿਊਰੋ) : ਬਾਲੀਵੁੱਡ ਦੀ ਦੇਸੀ ਗਰਲ ਪ੍ਰਿਯੰਕਾ ਚੋਪੜਾ ਇੰਸਟਾਗ੍ਰਾਮ 'ਤੇ ਕਾਫ਼ੀ ਸਰਗਰਮ ਰਹਿੰਦੀ ਹੈ। ਇੰਸਟਾਗ੍ਰਾਮ 'ਤੇ ਉਸ ਦੇ ਬਹੁਤ ਸਾਰੇ ਪ੍ਰਸ਼ੰਸਕ ਵੀ ਹਨ। ਅਦਾਕਾਰਾ ਇਸ ਤਸਵੀਰ-ਸ਼ੇਅਰਿੰਗ ਐਪ 'ਤੇ 642 ਲੋਕਾਂ ਨੂੰ ਫਾਲੋ ਕਰਦੀ ਹੈ। ਉਸ ਦੀ ਫਾਲੋ ਲਿਸਟ 'ਚ ਦੁਨੀਆ ਭਰ ਦੀਆਂ ਮਸ਼ਹੂਰ ਹਸਤੀਆਂ ਸ਼ਾਮਲ ਹਨ। ਕੀ ਤੁਸੀਂ ਜਾਣਦੇ ਹੋ ਕਿ ਪ੍ਰਿਯੰਕਾ ਇੰਸਟਾਗ੍ਰਾਮ 'ਤੇ ਆਪਣੇ ਕੁਝ ਬਾਲੀਵੁੱਡ ਸੁਪਰਸਟਾਰ ਦੋਸਤਾਂ ਨੂੰ ਫਾਲੋ ਨਹੀਂ ਕਰਦੀ।
ਇਹ ਵੀ ਖ਼ਬਰ ਪੜ੍ਹੋ - 'ਡਾਂਸ ਦੀਵਾਨੇ 3' ਦੇ ਸੈੱਟ 'ਤੇ ਰੋਮਾਂਟਿਕ ਹੋਏ ਸ਼ਹਿਨਾਜ਼-ਸਿਧਾਰਥ, ਸ਼ਰੇਆਮ ਕੀਤੀ ਇਹ ਹਰਕਤ (ਤਸਵੀਰਾਂ)
ਜੀ ਹਾਂ, ਤੁਸੀਂ ਇਸ ਨੂੰ ਸਹੀ ਪੜ੍ਹਿਆ ਹੈ, ਪ੍ਰਿਯੰਕਾ ਦੀ ਫਾਲੋ ਲਿਸਟ 'ਚ ਜਿੱਥੇ ਇਕ ਪਾਸੇ ਅਮਿਤਾਭ ਬੱਚਨ, ਸਲਮਾਨ ਖ਼ਾਨ, ਦੀਪਿਕਾ ਪਾਦੁਕੋਣ, ਆਲੀਆ ਭੱਟ, ਕੈਟਰੀਨਾ ਕੈਫ ਅਤੇ ਹੋਰ ਬਹੁਤ ਸਾਰੇ ਸਿਤਾਰੇ ਹਨ, ਦੂਜੇ ਪਾਸੇ ਪੀਸੀ ਉਸ ਦੇ ਕੁਝ ਸਹਿ-ਕਲਾਕਾਰਾਂ ਨੂੰ ਫਾਲੋ ਨਹੀਂ ਕਰਦੀ, ਜਿਸ 'ਚ ਸ਼ਾਹਰੁਖ ਖਾਨ, ਸੰਜੇ ਦੱਤ ਅਤੇ ਅਜੇ ਦੇਵਗਨ ਦੇ ਨਾਂ ਸ਼ਾਮਲ ਹਨ।
ਇਹ ਵੀ ਖ਼ਬਰ ਪੜ੍ਹੋ - ਸ਼ਿਲਪਾ ਸ਼ੈੱਟੀ ਦੇ ਪਤੀ ਰਾਜ ਕੁੰਦਰਾ ਨੂੰ ਕੋਰਟ ਵਲੋਂ ਵੱਡੀ ਰਾਹਤ
ਜਦੋਂਕਿ ਪ੍ਰਿਯੰਕਾ ਨੇ ਆਪਣੇ ਕਰੀਅਰ 'ਚ ਤਿੰਨਾਂ ਸੁਪਰਸਟਾਰਾਂ ਨਾਲ ਕੰਮ ਕੀਤਾ ਹੈ। ਅਦਾਕਾਰਾ ਨੇ 'ਡੌਨ' ਫ਼ਿਲਮ 'ਚ ਸ਼ਾਹਰੁਖ ਖ਼ਾਨ, 'ਬਲੈਕਮੇਲ' 'ਚ ਅਜੇ ਦੇਵਗਨ ਅਤੇ 'ਅਗਨੀਪਥ' 'ਚ ਸੰਜੇ ਦੱਤ ਨਾਲ ਅਭਿਨੈ ਕੀਤਾ ਸੀ। ਹਾਲਾਂਕਿ, ਅਜੇ ਇਹ ਖੁਲਾਸਾ ਨਹੀਂ ਹੋਇਆ ਹੈ ਕਿ ਪ੍ਰਿਯੰਕਾ ਚੋਪੜਾ ਦੀ ਇਨ੍ਹਾਂ ਤਿੰਨਾਂ ਸਿਤਾਰਿਆਂ ਨਾਲ ਕੋਈ ਲੜਾਈ ਹੈ ਜਾਂ ਉਹ ਇਸ ਨੂੰ ਆਮ ਨਹੀਂ ਮੰਨ ਰਹੀ ਹੈ ਕਿਉਂਕਿ ਕਿਹਾ ਜਾਂਦਾ ਹੈ ਕਿ ਪ੍ਰਿਯੰਕਾ ਅਤੇ ਸ਼ਾਹਰੁਖ ਖ਼ਾਨ ਵਿਚਕਾਰ ਜ਼ਬਰਦਸਤ ਬਾਂਡਿੰਗ ਸੀ।
ਇਹ ਵੀ ਖ਼ਬਰ ਪੜ੍ਹੋ - ਅਫ਼ਗਾਨਿਸਤਾਨ ਦੇ ਹਾਲਾਤ ਵੇਖ ਕੇ ਭਾਵੁਕ ਹੋਈ ਪ੍ਰਿਟੀ ਜ਼ਿੰਟਾ, ਲੋਕਾਂ ਦੀ ਸਲਾਮਤੀ ਲਈ ਕੀਤੀ ਦੁਆ
ਇਸ ਦੌਰਾਨ ਕੰਮ ਦੇ ਮੋਰਚੇ 'ਤੇ ਪ੍ਰਿਯੰਕਾ ਚੋਪੜਾ ਆਖ਼ਰੀ ਵਾਰ ਰਾਜਕੁਮਾਰ ਰਾਓ ਅਤੇ ਆਦਰਸ਼ ਗੌਰਵ ਨਾਲ 'ਦਿ ਵ੍ਹਾਈਟ ਟਾਈਗਰ' 'ਚ ਨਜ਼ਰ ਆਈ ਸੀ। ਫ਼ਿਲਮ ਨੂੰ ਦਰਸ਼ਕਾਂ ਅਤੇ ਆਲੋਚਕਾਂ ਦਾ ਚੰਗਾ ਹੁੰਗਾਰਾ ਮਿਲਿਆ। ਪ੍ਰਿਯੰਕਾ ਚੋਪੜਾ ਜਲਦ ਹੀ ਫਰਹਾਨ ਅਖ਼ਤਰ ਦੀ ਫ਼ਿਲਮ 'ਜੀ ਲੇ ਜ਼ਰਾ' 'ਚ ਨਜ਼ਰ ਆਵੇਗੀ, ਜਿੱਥੇ ਉਹ ਪਹਿਲੀ ਵਾਰ ਆਲੀਆ ਭੱਟ ਅਤੇ ਕੈਟਰੀਨਾ ਕੈਫ ਨਾਲ ਮੁੱਖ ਭੂਮਿਕਾਵਾਂ 'ਚ ਨਜ਼ਰ ਆਵੇਗੀ। ਜੇਕਰ ਖ਼ਬਰਾਂ ਦੀ ਮੰਨੀਏ ਤਾਂ ਇਹ ਫ਼ਿਲਮ ਕਥਿਤ ਤੌਰ 'ਤੇ ਜ਼ੋਆ ਅਖ਼ਤਰ ਦੀ 'ਜ਼ਿੰਦਗੀ ਨਾ ਮਿਲੇਗੀ ਦੋਬਾਰਾ' ਵਰਗੀ ਰੋਡ ਟ੍ਰਿਪ ਫ਼ਿਲਮ ਹੋਵੇਗੀ, ਪਰ ਇਸ ਵਾਰ ਫ਼ਿਲਮ 'ਚ ਸਿਰਫ਼ ਤਿੰਨ ਕੁੜੀਆਂ ਹੋਣਗੀਆਂ। ਜਦੋਂ ਤੋਂ ਫ਼ਿਲਮ ਦੀ ਘੋਸ਼ਣਾ ਹੋਈ ਹੈ, ਇਸ ਨੂੰ ਪ੍ਰਸ਼ੰਸਕਾਂ ਦਾ ਚੰਗਾ ਹੁੰਗਾਰਾ ਮਿਲ ਰਿਹਾ ਹੈ।
ਇਹ ਵੀ ਖ਼ਬਰ ਪੜ੍ਹੋ - 'ਡਾਂਸ ਦੀਵਾਨੇ 3' ਦੇ ਸੈੱਟ 'ਤੇ ਰੋਮਾਂਟਿਕ ਹੋਏ ਸ਼ਹਿਨਾਜ਼-ਸਿਧਾਰਥ, ਸ਼ਰੇਆਮ ਕੀਤੀ ਇਹ ਹਰਕਤ (ਤਸਵੀਰਾਂ)
ਨੋਟ - ਪ੍ਰਿਯੰਕਾ ਚੋਪੜਾ ਦੀ ਇਸ ਖ਼ਬਰ ਸਬੰਧੀ ਤੁਹਾਡੀ ਕੀ ਹੈ ਰਾਏ, ਕੁਮੈਂਟ ਕਰਕੇ ਜ਼ਰੂਰ ਦੱਸੋ।
