ਬੋਮਨ ਈਰਾਨੀ ਨੇ ਸਪਾਈਰਲ ਬਾਉਂਡ ਸਮਾਰੋਹ ''ਚ ਸੁਣਾਈ ਦਿਲ ਨੂੰ ਛੂਹ ਲੈਣ ਵਾਲੀ ਕਹਾਣੀ

ਮੁੰਬਈ (ਏਜੰਸੀ)- ਬਾਲੀਵੁੱਡ ਦੇ ਮਸ਼ਹੂਰ ਅਦਾਕਾਰ ਅਤੇ ਕਹਾਣੀਕਾਰ ਬੋਮਨ ਈਰਾਨੀ ਨੇ ਹਾਲ ਹੀ ਵਿੱਚ ਸਪਾਈਰਲ ਬਾਉਂਡ ਦੀ ਸਫਲਤਾ ਦਾ ਜਸ਼ਨ ਮਨਾਇਆ। ਲੌਕਡਾਊਨ ਦੌਰਾਨ ਸ਼ੁਰੂ ਕੀਤਾ ਗਿਆ ਇੱਕ ਸਕ੍ਰੀਨਰਾਈਟਿੰਗ ਨੈੱਟਵਰਕ, ਸਪਾਈਰਲ ਬਾਉਂਡ ਹੁਣ ਉਤਸ਼ਾਹੀ ਕਹਾਣੀਕਾਰਾਂ ਅਤੇ ਸਕ੍ਰੀਨਰਾਈਟਰਾਂ ਲਈ ਇੱਕ ਪਨਾਹਗਾਹ ਬਣ ਗਿਆ ਹੈ। ਦੇਸ਼ ਭਰ ਦੇ ਕਈ ਸਕ੍ਰੀਨਰਾਈਟਰਸ ਨਿਯਮਿਤ ਤੌਰ 'ਤੇ ਔਨਲਾਈਨ ਸੈਸ਼ਨਾਂ ਵਿੱਚ ਹਿੱਸਾ ਲੈਂਦੇ ਹਨ। ਸਪਾਈਰਲ ਬਾਉਂਡ ਪ੍ਰਸਿੱਧ ਫਿਲਮ ਨਿਰਮਾਤਾਵਾਂ ਅਤੇ ਫਿਲਮੀ ਸ਼ਖਸੀਅਤਾਂ ਦੁਆਰਾ ਆਯੋਜਿਤ ਵਰਕਸ਼ਾਪਾਂ ਰਾਹੀਂ ਉਤਸ਼ਾਹੀ ਲੇਖਕਾਂ ਨੂੰ ਮਦਦ ਵੀ ਕਰਦਾ ਹੈ।

ਇਸ ਖਾਸ ਸ਼ਾਮ ਦਾ ਮਾਹੌਲ ਉਦੋਂ ਹੋਰ ਵੀ ਭਾਵੁਕ ਹੋ ਗਿਆ, ਜਦੋਂ ਬੋਮਨ ਨੇ ਆਪਣੇ ਸਫ਼ਰ ਦੀਆਂ ਜੜ੍ਹਾਂ ਸਾਂਝੀਆਂ ਕੀਤੀਆਂ। ਇੱਕ ਅਜਿਹੀ ਸ਼ੁਰੂਆਤ, ਜੋ ਸਧਾਰਨ ਪਰ ਡੂੰਘੀ ਸੀ, ਜਿਸਦੀ ਅਸਲ ਹੀਰੋ ਉਨ੍ਹਾਂ ਦੀ ਮਾਂ ਸੀ। ਉਨ੍ਹਾਂ ਮੁਸਕਰਾਉਂਦੇ ਹੋਏ ਕਿਹਾ, "ਮੈਨੂੰ ਸਿਰਫ 11 ਸਾਲ ਦੀ ਉਮਰ ਵਿੱਚ ਹੀ ਫਿਲਮਾਂ ਬਾਰੇ ਉਹ ਸਭ ਕੁਝ ਪਤਾ ਸੀ ਜੋ ਮੈਨੂੰ ਸ਼ਾਇਦ ਉਸ ਉਮਰ ਵਿੱਚ ਨਹੀਂ ਪਤਾ ਹੋਣਾ ਚਾਹੀਦਾ ਸੀ! ਮੇਰੀ ਮਾਂ ਇੱਕ ਦੁਕਾਨਦਾਰ, ਇੱਕ ਵਿਧਵਾ ਸੀ। ਉਹ ਸਾਰਾ ਦਿਨ ਦੁਕਾਨ ਵਿੱਚ ਸਖ਼ਤ ਮਿਹਨਤ ਕਰਦੀ ਸੀ, ਪਰ ਫਿਰ ਵੀ ਇਹ ਪੱਕਾ ਕਰਦੀ ਸੀ ਕਿ ਮੈਂ ਫਿਲਮਾਂ ਦੇਖਾਂ।"

ਬੋਮਨ ਨੇ ਆਪਣੇ ਪਿਤਾ ਦੀਆਂ ਯਾਦਾਂ ਨੂੰ ਫਿਲਮਾਂ ਨਾਲ ਜੋੜਦੇ ਹੋਏ ਕਿਹਾ, "ਉਹ ਮੈਨੂੰ ਮੇਰੇ ਪਿਤਾ ਦੀਆਂ ਮਨਪਸੰਦ ਫਿਲਮਾਂ ਬਾਰੇ ਕਹਾਣੀਆਂ ਸੁਣਾਉਂਦੀ ਸੀ - 'ਇਹ ਤੁਹਾਡੇ ਪਿਤਾ ਦੀ ਮਨਪਸੰਦ ਫਿਲਮ ਸੀ। ਮੈਨੂੰ ਨਹੀਂ ਪਤਾ ਕਿ ਉਨਾਂ ਨੂੰ ਇਹ ਸਭ ਕਿਵੇਂ ਪਤਾ ਸੀ, ਪਰ ਉਨ੍ਹਾਂ ਨੂੰ ਪਤਾ ਸੀ! ਗ੍ਰਾਂਟ ਰੋਡ 'ਤੇ ਇੱਕ ਸਿਨੇਮਾ ਸੀ। ਅਸੀਂ ਉੱਥੇ ਕਈ ਫਿਲਮਾਂ ਦੇਖੀਆਂ। ਮੈਂ ਤਾਂ ਆਪਣੀ ਦੁਕਾਨ ਦੀ ਕੰਧ ਨਾਲ ਕੰਨ ਲਗਾ ਕੇ ਵੀ ਫਿਲਮਾਂਸੁਣਦਾ ਸੀ, ਕਿਉਂਕਿ ਥੀਏਟਰ ਇਸ ਨਾਲ ਜੁੜਿਆ ਹੋਇਆ ਸੀ!"