ਗਾਇਕਾ ਦੀ ਮੌਤ ਦੀ ਖ਼ਬਰ ਸੁਣ ਹਸਪਤਾਲ ਪੁੱਜੇ ਮਨੋਜ ਤਿਵਾੜੀ, ਦਿੱਤੀ ਸ਼ਰਧਾਂਜਲੀ

ਨਵੀਂ ਦਿੱਲੀ- 5 ਨਵੰਬਰ 2024 ਨੂੰ ਮਸ਼ਹੂਰ ਗਾਇਕਾ ਸ਼ਾਰਦਾ ਸਿਨਹਾ ਨੇ ਦੁਨੀਆ ਨੂੰ ਅਲਵਿਦਾ ਕਹਿ ਦਿੱਤਾ ਹੈ। ਛਠ ਪੂਜਾ ਨੂੰ ਸਮਰਪਿਤ ਲੋਕ ਅਤੇ ਭਗਤੀ ਗੀਤ ਗਾਉਣ ਲਈ ਮਸ਼ਹੂਰ ਐਵਾਰਡ ਜੇਤੂ ਕਲਾਕਾਰ ਸ਼ਾਰਦਾ ਸਿਨਹਾ ਦਾ ਤਿਉਹਾਰ ਦੇ ਪਹਿਲੇ ਦਿਨ ਦਿਹਾਂਤ ਹੋ ਗਿਆ। ਇਸ ਦੁਖਦਾਈ ਖਬਰ ਨੂੰ ਸੁਣਦੇ ਹੀ ਅਦਾਕਾਰ, ਗਾਇਕ ਅਤੇ ਰਾਜਨੇਤਾ ਮਨੋਜ ਤਿਵਾੜੀ ਬਿਹਾਰ ਦੇ ਕੋਇਲ ਨੂੰ ਅੰਤਿਮ ਸ਼ਰਧਾਂਜਲੀ ਦੇਣ ਲਈ ਏਮਜ਼ ਹਸਪਤਾਲ ਪਹੁੰਚੇ।

ਇਹ ਖ਼ਬਰ ਵੀ ਪੜ੍ਹੋ -ਦਿਲਜੀਤ ਦੋਸਾਂਝ ਦੇ ਜੈਪੁਰ ਸ਼ੋਅ ਦੌਰਾਨ ਚੋਰਾਂ ਨੇ ਕੀਤਾ ਹੱਥ ਸਾਫ਼, ਲੋਕਾਂ ਦੇ...

ਮਨੋਜ ਤਿਵਾੜੀ ਪੁੱਜੇ ਹਸਪਤਾਲ 
ਬਿਹਾਰ ਕੋਕਿਲਾ ਦੇ ਨਾਂ ਨਾਲ ਮਸ਼ਹੂਰ ਸ਼ਾਰਦਾ ਸਿਨਹਾ ਦੀ ਆਵਾਜ਼ ਭਾਰਤ ਦੇ ਕਈ ਤਿਉਹਾਰਾਂ ਅਤੇ ਪੂਜਾ-ਪਾਠਾਂ ਦਾ ਅਨਿੱਖੜਵਾਂ ਅੰਗ ਸੀ। ਉਨ੍ਹਾਂ ਦੀ ਸੁਰੀਲੀ ਅਤੇ ਰੂਹਾਨੀ ਆਵਾਜ਼ ਅਕਸਰ ਲਾਊਡਸਪੀਕਰਾਂ 'ਤੇ ਸੁਣੀ ਜਾਂਦੀ ਸੀ, ਖਾਸ ਤੌਰ 'ਤੇ ਦੇਸ਼ ਭਰ ਵਿੱਚ ਮਨਾਈ ਜਾਂਦੀ ਛਠ ਪੂਜਾ ਦੇ ਸ਼ੁਭ ਮੌਕੇ 'ਤੇ। ਪਰ ਅਫ਼ਸੋਸ ਦੀ ਗੱਲ ਹੈ ਕਿ ਜਿਸ ਦਿਨ ਲੋਕਾਂ ਨੇ ਛਠ ਪੂਜਾ ਸ਼ੁਰੂ ਕੀਤੀ ਸੀ ਉਸੇ ਦਿਨ ਹੀ ਉਨ੍ਹਾਂ ਦੀ ਮੌਤ ਹੋ ਗਈ। ਉਨ੍ਹਾਂ ਦੇ ਦਿਹਾਂਤ ਦੀ ਖ਼ਬਰ ਸੁਣਨ ਤੋਂ ਬਾਅਦ ਮਨੋਜ ਤਿਵਾੜੀ ਉਨ੍ਹਾਂ ਦੇ ਦੁਖੀ ਪਰਿਵਾਰ ਨੂੰ ਮਿਲਣ ਅਤੇ ਉਨ੍ਹਾਂ ਨੂੰ ਸ਼ਰਧਾਂਜਲੀ ਦੇਣ ਲਈ ਏਮਜ਼ ਹਸਪਤਾਲ ਪਹੁੰਚੇ।

ਇਹ ਖ਼ਬਰ ਵੀ ਪੜ੍ਹੋ -ਹਿੰਦੂ ਧਰਮ 'ਚ ਵਾਪਸੀ ਕਰ ਕੇ ਖ਼ੁਸ਼ ਹੈ ਚਾਹਤ ਖੰਨਾ, ਕਿਹਾ ਮੈਂ....

ਮਨੋਜ ਤਿਵਾਰੀ ਹੱਥ ਜੋੜ ਕੇ ਦਿੱਤੀ ਸ਼ਰਧਾਂਜਲੀ
 ਇੱਕ ਵੀਡੀਓ ਜਾਰੀ ਕੀਤਾ ਹੈ ਜਿਸ 'ਚ ਮਨੋਜ ਹੱਥ ਜੋੜ ਕੇ ਖੜ੍ਹੇ ਹਨ ਜਦਕਿ ਡਾਕਟਰ ਸਿਨਹਾ ਨੂੰ ਸਟਰੈਚਰ 'ਤੇ ਲਿਜਾ ਰਹੇ ਹਨ। ਉਨ੍ਹਾਂ ਦੇ ਨਾਲ ਉਨ੍ਹਾਂ ਦਾ ਪੁੱਤਰ ਅੰਸ਼ੁਮਨ ਸਿਨਹਾ ਅਤੇ ਕਈ ਹੋਰ ਵੀ ਮੌਜੂਦ ਹਨ।

ਪੁੱਤਰ ਨੇ ਦਿੱਤੀ ਸੀ ਜਾਣਕਾਰੀ 
ਕੁਝ ਦਿਨ ਪਹਿਲਾਂ ਪਦਮਸ਼੍ਰੀ ਐਵਾਰਡ ਨਾਲ ਸਨਮਾਨਿਤ ਗਾਇਕਾ ਦੇ ਪੁੱਤਰ ਅੰਸ਼ੁਮਨ ਸਿਨਹਾ ਨੇ ਆਪਣੇ ਅਧਿਕਾਰਤ ਯੂਟਿਊਬ ਚੈਨਲ 'ਤੇ ਪ੍ਰਸ਼ੰਸਕਾਂ ਨੂੰ ਉਨ੍ਹਾਂ ਦੀ ਸਿਹਤ ਬਾਰੇ ਜਾਣਕਾਰੀ ਦਿੱਤੀ ਸੀ। ਉਸ ਸਮੇਂ ਉਸ ਨੇ ਦੱਸਿਆ ਸੀ ਕਿ ਉਨ੍ਹਾਂ ਦੀ ਹਾਲਤ ਵਿਗੜ ਰਹੀ ਸੀ ਅਤੇ ਉਸ ਨੂੰ ਵੈਂਟੀਲੇਟਰ 'ਤੇ ਰੱਖਿਆ ਗਿਆ ਸੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।