ਵਿਆਹ ਦੇ ਬੰਧਨ ’ਚ ਬੱਝੀ ਅਦਾਕਾਰਾ ਯਾਮੀ ਗੌਤਮ, ਪਤੀ ਆਦਿੱਤਯ ਨਾਲ ਸਾਂਝੀ ਕੀਤੀ ਖ਼ੂਬਸੂਰਤ ਤਸਵੀਰ

ਮੁੰਬਈ: ਬਾਲੀਵੁੱਡ ਦੀ ਮਸ਼ਹੂਰ ਅਦਾਕਾਰਾ ਯਾਮੀ ਗੌਤਮ ਨਿਰਦੇਸ਼ਕ ਆਦਿੱਤਯ ਧਰ ਨਾਲ ਵਿਆਹ ਦੇ ਬੰਧਨ ’ਚ ਬੱਝ ਗਈ ਹੈ। ਆਦਿੱਤਯ ਧਰ ਅਤੇ ਯਾਮੀ ਗੌਤਮ ਨੇ ਸੋਸ਼ਲ ਮੀਡੀਆ ’ਤੇ ਆਪਣੇ ਵਿਆਹ ਦੀ ਤਸਵੀਰ ਸਾਂਝੀ ਕੀਤੀ ਹੈ ਜਿਸ ’ਚ ਦੋਵੇਂ ਬਹੁਤ ਖ਼ੂਬਸੂਰਤ ਲੱਗ ਰਹੇ ਹਨ। ਜੋੜੇ ਦੀ ਇਸ ਤਸਵੀਰ ਨੂੰ ਪ੍ਰਸੰਸਕਾਂ ਵੱਲੋਂ ਖ਼ੂਬ ਪਿਆਰ ਮਿਲ ਰਿਹਾ ਹੈ। 

ਅਦਾਕਾਰਾ ਯਾਮੀ ਅਤੇ ਆਦਿੱਤਯ ਦੀ ਖ਼ੂਬਸੂਰਤ ਤਸਵੀਰ ਸ਼ੇਅਰ ਕਰਨ ਦੇ ਨਾਲ ਕੈਪਸ਼ਨ ਵੀ ਲਿਖੀ ਹੈ। ਯਾਮੀ ਨੇ ਪਰਸ਼ੀਅਨ ਪੋਇਟ ਰੂਮੀ ਦੀਆਂ ਪੰਕਤੀਆਂ ਨੂੰ ਸ਼ੇਅਰ ਕਰਦੇ ਹੋਏ ਲਿਖਿਆ ਕਿ ‘ਤੁਹਾਡੀ ਰੌਸ਼ਨੀ ਦੇ ਨਾਲ, ਮੈਂ ਪਿਆਰ ਕਰਨਾ ਸਿੱਖਿਆ’। ਇਸ ਦੇ ਅੱਗੇ ਯਾਮੀ ਲਿਖਦੀ ਹੈ ਕਿ ਸਾਡੇ ਪਰਿਵਾਰ ਦੇ ਆਸ਼ੀਰਵਾਦ ਦੇ ਨਾਲ, ਅਸੀਂ ਅੱਜ ਚੁਨਿੰਦਾ ਲੋਕਾਂ ਦੇ ਵਿਆਹ ਦੇ ਬੰਧਨ ’ਚ ਬੱਝ ਗਏ’। 
ਪਿਆਰ ਅਤੇ ਦੋਸਤੀ ਦੀ ਨਵੀਂ ਸ਼ੁਰੂਆਤ
ਯਾਮੀ ਅੱਗੇ ਲਿਖਦੀ ਹੈ ਕਿ ‘ਅਸੀਂ ਇਸ ਖ਼ਾਸ ਮੌਕੇ ਨੂੰ ਆਪਣੇ ਕਰੀਬੀਆਂ ਅਤੇ ਪਰਿਵਾਰ ਦੇ ਨਾਲ ਸੈਲੀਬਿਰੇਟ ਕੀਤਾ। ਅਸੀਂ ਅੱਜ ਦੋਸਤੀ ਅਤੇ ਪਿਆਰ ਦੀ ਇਕ ਨਵੀਂ ਸ਼ੁਰੂਆਤ ਕਰ ਰਹੇ ਹਨ। ਅਜਿਹੇ ’ਚ ਸਾਨੂੰ ਤੁਹਾਡੇ ਸਭ ਦੇ ਪਿਆਰ ਅਤੇ ਸ਼ੁਭਕਾਮਨਾਵਾਂ ਦੀ ਲੋੜ ਹੈ। ਪਿਆਰ-ਯਾਮੀ ਅਤੇ ਆਦਿੱਤਯ।