Birthday Spl: ਇਸ ਅਦਾਕਾਰਾ ਨੂੰ ਸੜੇ ਚਿਹਰੇ ਨਾਲ ਮਿਲਿਆ ਫੇਮ

ਮੁੰਬਈ- ਬੋਲਡ ਸੀਨ ਅੱਜ ਦੀ ਫਿਲਮ ਇੰਡਸਟਰੀ ਵਿੱਚ ਬਹੁਤ ਆਮ ਹਨ ਤੇ ਕਈ ਅਭਿਨੇਤਰੀਆਂ ਇਹ ਸੀਨ ਆਸਾਨੀ ਨਾਲ ਕਰ ਲੈਂਦੀਆਂ ਹਨ ਪਰ 70-80 ਦੇ ਦਹਾਕੇ ‘ਚ ਅਜਿਹੀਆਂ ਬਹੁਤ ਘੱਟ ਅਦਾਕਾਰਾਂ ਹਨ ਜੋ ਆਪਣੇ ਬੋਲਡ ਲੁੱਕ ਕਾਰਨ ਸੁਰਖੀਆਂ ‘ਚ ਰਹਿੰਦੀਆਂ ਹਨ। ਇੱਕ ਅਜਿਹੀ ਅਦਾਕਾਰਾ ਵੀ ਹੈ, ਜਿਸ ਦੀ ਬੋਲਡਨੈੱਸ ਲੋਕਾਂ ਨੂੰ ਅੱਜ ਵੀ ਹੈਰਾਨ ਕਰ ਦੇਵੇਗੀ। ਅਸੀਂ ਗੱਲ ਕਰ ਰਹੇ ਹਾਂ ਜ਼ੀਨਤ ਅਮਾਨ ਦੀ। ਜ਼ੀਨਤ ਅਮਾਨ ਨਾਲ ਜੁੜੀਆਂ ਖਬਰਾਂ ਹਮੇਸ਼ਾ ਅਖਬਾਰ ਦੇ ਪਹਿਲੇ ਪੰਨੇ ‘ਤੇ ਹੁੰਦੀਆਂ ਸਨ। ਇਹ ਅਦਾਕਾਰਾ ਨਾ ਸਿਰਫ ਆਪਣੀ ਪ੍ਰੋਫੈਸ਼ਨਲ ਲਾਈਫ ਸਗੋਂ ਆਪਣੀ ਨਿੱਜੀ ਜ਼ਿੰਦਗੀ ਲਈ ਵੀ ਸੁਰਖੀਆਂ ‘ਚ ਰਹੀ ਹੈ। ਅੱਜ ਯਾਨੀ ਕਿ 19 ਨਵੰਬਰ ਨੂੰ ਜ਼ੀਨਤ ਅਮਾਨ ਦਾ ਜਨਮਦਿਨ ਹੈ। ਆਓ ਜਾਣਦੇ ਹਾਂ ਜ਼ੀਨਤ ਅਮਾਨ ਨਾਲ ਜੁੜੀਆਂ ਕੁੱਝ ਦਿਲਚਸਪ ਗੱਲਾਂ ...

ਜ਼ੀਨਤ ਅਮਾਨ ਹਿੰਦੂ ਮਾਂ ਅਤੇ ਮੁਸਲਿਮ ਪਿਤਾ ਦੀ ਹੈ ਧੀ 

ਜ਼ੀਨਤ ਅਮਾਨ ਦੀ ਨਿੱਜੀ ਜ਼ਿੰਦਗੀ ਅਕਸਰ ਸੁਰਖੀਆਂ ‘ਚ ਰਹੀ ਹੈ। ਉਨ੍ਹਾਂ ਦਾ ਜਨਮ 19 ਨਵੰਬਰ 1951 ਨੂੰ ਮੁੰਬਈ ‘ਚ ਹੋਇਆ ਹੈ। ਉਨ੍ਹਾਂ ਦੀ ਮਾਤਾ ਵਰਧਨੀ ਹਿੰਦੂ ਸੀ ਅਤੇ ਪਿਤਾ ਮੁਸਲਮਾਨ ਸਨ ਜਿਨ੍ਹਾਂ ਦਾ ਨਾਮ ਅਮਾਨਤੁੱਲਾ ਖਾਨ ਸੀ। ਅਦਾਕਾਰਾ ਦੇ ਪਿਤਾ ਹਿੰਦੀ ਸਿਨੇਮਾ ਦੇ ਮਸ਼ਹੂਰ ਸਕ੍ਰਿਪਟ ਰਾਈਟਰ ਸਨ, ਜਿਨ੍ਹਾਂ ਨੇ ‘ਮੁਗਲ-ਏ-ਆਜ਼ਮ’ ਅਤੇ ‘ਪਾਕੀਜ਼ਾ’ ਵਰਗੀਆਂ ਸੁਪਰਹਿੱਟ ਅਤੇ ਬਲਾਕਬਸਟਰ ਫਿਲਮਾਂ ਲਿਖੀਆਂ ਹਨ। ਤੁਹਾਡੇ ਦਿਮਾਗ ਵਿੱਚ ਇਹ ਜ਼ਰੂਰ ਆ ਰਿਹਾ ਹੋਵੇਗਾ ਕਿ ਜੇਕਰ ਉਸ ਦੀ ਮਾਂ ਹਿੰਦੂ ਹੈ ਅਤੇ ਪਿਤਾ ਮੁਸਲਮਾਨ ਹਨ ਤਾਂ ਅਦਾਕਾਰਾ ਨੇ ਉਪਨਾਮ ਅਮਾਨ ਕਿਉਂ ਰੱਖਿਆ। ਇਸ ਦੇ ਪਿੱਛੇ ਇਕ ਖਾਸ ਕਾਰਨ ਹੈ, ਅਸਲ ‘ਚ ਉਨ੍ਹਾਂ ਦੇ ਪਿਤਾ ਆਪਣੇ ਨਾਂ ਨਾਲ ‘ਅਮਾਨ’ ਲਿਖਦੇ ਸਨ, ਜਿਸ ਕਾਰਨ ਅਦਾਕਾਰਾ ਨੇ ਆਪਣਾ ਸਰਨੇਮ ‘ਅਮਾਨ’ ਰੱਖਿਆ।ਜੇਕਰ ਤੁਸੀਂ ਜ਼ੀਨਤ ਅਮਾਨ ਦੇ ਪ੍ਰਸ਼ੰਸਕ ਹੋ ਤਾਂ ਤੁਸੀਂ ਉਨ੍ਹਾਂ ਦੀ ਫਿਲਮ ਸਤਯਮ ਸ਼ਿਵਮ ਸੁੰਦਰਮ ਜ਼ਰੂਰ ਦੇਖੀ ਹੋਵੇਗੀ। ਇਹ ਫਿਲਮ ਅਦਾਕਾਰਾ ਦੇ ਕਰੀਅਰ ਵਿੱਚ ਇੱਕ ਮੀਲ ਪੱਥਰ ਸਾਬਤ ਹੋਈ। ਇਸ ਫਿਲਮ ‘ਚ ਅਦਾਕਾਰਾ ਦਾ ਚਿਹਰਾ ਸੜਿਆ ਹੋਇਆ ਸੀ, ਜਿਸ ਨੂੰ ਉਹ ਹਮੇਸ਼ਾ ਢੱਕ ਕੇ ਰੱਖਦੀ ਸੀ ਪਰ ਜਦੋਂ ਹੀਰੋ ਨੇ ਉਸ ਨੂੰ ਦੇਖਿਆ ਤਾਂ ਉਸ ਦਾ ਚਿਹਰਾ ਨਹੀਂ ਸਗੋਂ ਉਸ ਦਾ ਕਿਰਦਾਰ ਦੇਖਿਆ ਅਤੇ ਉਸ ਨਾਲ ਪਿਆਰ ਹੋ ਗਿਆ। ਇਸ ਫਿਲਮ ‘ਚ ਅਦਾਕਾਰਾ ਨੇ ਕਾਫੀ ਬੋਲਡ ਸੀਨ ਵੀ ਦਿੱਤੇ ਹਨ।

ਇਹ ਵੀ ਪੜ੍ਹੋ- ਬਾਲੀਵੁੱਡ ਦੀ ਮਸ਼ਹੂਰ ਅਦਾਕਾਰਾ ਨੇ ਦੁਨੀਆ ਨੂੰ ਕਿਹਾ ਅਲਵਿਦਾ

ਜ਼ੀਨਤ ਅਮਾਨ ਦੀ ਨਿੱਜੀ ਜ਼ਿੰਦਗੀ ਵੀ ਖੁੱਲ੍ਹੀ ਕਿਤਾਬ ਵਾਂਗ ਹੈ। ਉਹ ਲੱਖਾਂ ਦਿਲਾਂ ‘ਤੇ ਰਾਜ ਕਰਦੀ ਸੀ ਪਰ ਦਿਲ ਦੇ ਮਾਮਲੇ ‘ਚ ਉਹ ਖੁਦ ਬਦਕਿਸਮਤ ਰਹੀ। ਅਦਾਕਾਰਾ ਨੇ ਸਭ ਤੋਂ ਪਹਿਲਾਂ ਸੰਜੇ ਖਾਨ ਨਾਲ ਵਿਆਹ ਕੀਤਾ, ਜੋ ਇੱਕ ਪਹਿਲਾਂ ਤੋਂ ਵਿਆਹੁਤਾ ਸਨ ਅਤੇ 4 ਬੱਚਿਆਂ ਦੇ ਪਿਤਾ ਸਨ ਪਰ ਕੁਝ ਸਮੇਂ ਬਾਅਦ ਹੀ ਦੋਵਾਂ ਵਿਚਾਲੇ ਝਗੜਾ ਸ਼ੁਰੂ ਹੋ ਗਿਆ। ਮੀਡੀਆ ਰਿਪੋਰਟਾਂ ਮੁਤਾਬਕ ਸੰਜੇ ਨੇ ਇਕ ਪਾਰਟੀ ‘ਚ ਜ਼ੀਨਤ ਨੂੰ ਬੁਰੀ ਤਰ੍ਹਾਂ ਕੁੱਟਿਆ ਸੀ। ਸੰਜੇ ਤੋਂ ਵੱਖ ਹੋਣ ਤੋਂ ਬਾਅਦ ਅਦਾਕਾਰਾ ਨੇ ਬਾਲੀਵੁੱਡ ਅਦਾਕਾਰ ਮਜ਼ਹਰ ਖਾਨ ਨਾਲ ਵਿਆਹ ਕੀਤਾ ਸੀ ਪਰ ਕੁਝ ਸਮੇਂ ਬਾਅਦ ਉਸ ਨੇ ਵੀ ਜ਼ੀਨਤ ਨਾਲ ਕੁੱਟਮਾਰ ਕਰਨੀ ਸ਼ੁਰੂ ਕਰ ਦਿੱਤੀ, ਜਿਸ ਕਾਰਨ ਸਰੀਰਕ ਸ਼ੋਸ਼ਣ ਤੋਂ ਪ੍ਰੇਸ਼ਾਨ ਹੋ ਕੇ ਅਦਾਕਾਰਾ ਨੇ ਉਸ ਨੂੰ ਵੀ ਤਲਾਕ ਦੇ ਦਿੱਤਾ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।