ਅਮਿਤਾਭ ਬੱਚਨ ਵੱਲੋਂ ਆਪਣੇ ਸ਼ੋਅ ''KBC'' ਦੇ ਇਸ ਮੁਕਾਬਲੇਬਾਜ਼ ਲਈ ਵੱਡਾ ਐਲਾਨ

ਨਵੀਂ ਦਿੱਲੀ : ਹਾਲ ਹੀ 'ਚ ਮਸ਼ਹੂਰ ਟੀਵੀ ਸ਼ੋਅ 'ਕੌਨ ਬਣੇਗਾ ਕਰੋੜਪਤੀ' ਦੇ 16ਵੇਂ ਸੀਜ਼ਨ 'ਚ ਅਜਿਹਾ ਭਾਵੁਕ ਪਲ ਦੇਖਣ ਨੂੰ ਮਿਲਿਆ, ਜਿਸ ਨੇ ਦਰਸ਼ਕਾਂ ਦੇ ਦਿਲਾਂ ਨੂੰ ਛੂਹ ਲਿਆ। ਇਸ ਵਾਰ Nareshi Meena ਹੌਟ ਸੀਟ 'ਤੇ ਬੈਠੀ ਸੀ, ਜਿਸ ਦੀ ਕਹਾਣੀ ਸੁਣ ਕੇ ਸ਼ੋਅ ਦੇ ਹੋਸਟ ਅਮਿਤਾਭ ਬੱਚਨ ਵੀ ਭਾਵੁਕ ਹੋ ਗਏ। 27 ਸਾਲਾ ਨਰੇਸ਼ੀ ਮੀਨਾ ਰਾਜਸਥਾਨ ਦੇ ਸਵਾਈ ਮਾਧੋਪੁਰ ਦੀ ਰਹਿਣ ਵਾਲੀ ਹੈ। ਫਾਸਟੈਸਟ ਫਿੰਗਰ ਫਸਟ ਜਿੱਤਣ ਤੋਂ ਬਾਅਦ ਬਿੱਗ ਬੀ ਨੇ ਹੌਟ ਸੀਟ 'ਤੇ ਉਨ੍ਹਾਂ ਦਾ ਸਵਾਗਤ ਕੀਤਾ। ਖੇਡ ਦੌਰਾਨ ਮੈਗਾਸਟਾਰ ਨੇ ਨਰੇਸ਼ੀ ਨੂੰ ਉਸ ਦੇ ਪੇਸ਼ੇ ਬਾਰੇ ਪੁੱਛਿਆ। ਇੱਕ ਵੀਡੀਓ ਚਲਾਇਆ ਗਿਆ, ਜਿਸ 'ਚ ਮੁਕਾਬਲੇਬਾਜ਼ ਦੇ ਪਿਤਾ ਨੇ ਆਪਣੀ ਸਿਹਤ ਬਾਰੇ ਦੱਸਿਆ।

ਇਹ ਖ਼ਬਰ ਵੀ ਪੜ੍ਹੋ - ਪੰਜਾਬ 'ਚ ਕੰਗਨਾ ਰਣੌਤ ਨੇ ਮੁੜ ਸਹੇੜਿਆ ਵਿਵਾਦ, ਸਿਆਸਤ 'ਚ ਵੀ ਗਰਮਾਇਆ ਮਾਮਲਾ

ਬ੍ਰੇਨ ਟਿਊਮਰ ਨਾਲ ਜੂਝ ਰਹੀ ਹੈ ਨਰੇਸ਼ੀ
ਜਦੋਂ ਅਮਿਤਾਭ ਬੱਚਨ ਨੇ ਨਰੇਸ਼ੀ ਨੂੰ ਉਸ ਦੀ ਸਿਹਤ ਬਾਰੇ ਪੁੱਛਿਆ ਤਾਂ ਉਸਨੇ ਖੁਲਾਸਾ ਕੀਤਾ ਕਿ ਉਸ ਨੂੰ 2018 'ਚ ਬ੍ਰੇਨ ਟਿਊਮਰ ਦਾ ਪਤਾ ਲੱਗਿਆ ਸੀ ਅਤੇ ਉਹ ਅਜੇ ਵੀ ਇਸ ਨਾਲ ਜੂਝ ਰਹੀ ਹੈ। ਉਸ ਨੇ ਕਿਹਾ, "ਸਰ, ਮੈਨੂੰ 2018 'ਚ ਬ੍ਰੇਨ ਟਿਊਮਰ ਦਾ ਪਤਾ ਲੱਗਿਆ ਸੀ। ਮੇਰੀ 2019 'ਚ ਸਰਜਰੀ ਵੀ ਹੋਈ ਸੀ, ਜਿਸ ਲਈ ਮੇਰੀ ਮਾਂ ਨੂੰ ਮੇਰੇ ਇਲਾਜ ਲਈ ਫੰਡ ਦੇਣ ਲਈ ਆਪਣੇ ਗਹਿਣੇ ਵੇਚਣੇ ਪਏ ਸਨ। ਸਰਜਰੀ ਦੇ ਬਾਵਜੂਦ, ਡਾਕਟਰ ਪੂਰਾ ਟਿਊਮਰ ਨਹੀਂ ਕੱਢ ਸਕੇ।"

ਸਰਜਰੀ ਨਹੀਂ ਕਰ ਸਕਦੇ
ਮੁਕਾਬਲੇਬਾਜ਼ ਨੇ ਅੱਗੇ ਕਿਹਾ, "ਇਹ ਇੱਕ ਨਾਜ਼ੁਕ ਸਥਾਨ 'ਤੇ ਹੈ, ਇਸ ਲਈ ਉਹ ਦੁਬਾਰਾ ਸਰਜਰੀ ਨਹੀਂ ਕਰ ਸਕਦੇ। ਡਾਕਟਰਾਂ ਨੇ ਪ੍ਰੋਟੋਨ ਥੈਰੇਪੀ ਦਾ ਸੁਝਾਅ ਦਿੱਤਾ, ਜੋ ਕਿ ਬਹੁਤ ਮਹਿੰਗਾ ਹੈ ਅਤੇ ਭਾਰਤ ਭਰ 'ਚ ਸਿਰਫ 2-4 ਹਸਪਤਾਲਾਂ 'ਚ ਉਪਲਬਧ ਹੈ। ਉਨ੍ਹਾਂ ਨੇ ਇਲਾਜ ਦੀ ਚੋਣ ਕੀਤੀ।" ਇਸ 'ਤੇ ਲਗਭਗ 25-30 ਲੱਖ ਰੁਪਏ ਖਰਚ ਹੋਣ ਦਾ ਅਨੁਮਾਨ ਹੈ। ਨਰੇਸ਼ੀ ਨੇ ਅੱਗੇ ਕਿਹਾ ਕਿ ਉਹ ਕੇਬੀਸੀ ਤੋਂ ਜੋ ਵੀ ਪੈਸਾ ਜਿੱਤੇਗੀ, ਉਹ ਆਪਣੇ ਇਲਾਜ ਲਈ ਇਸਤੇਮਾਲ ਕਰੇਗੀ।

ਇਹ ਖ਼ਬਰ ਵੀ ਪੜ੍ਹੋ - ਫ਼ਿਲਮ ਇੰਡਸਟਰੀ 'ਚ ਖੁੱਲ੍ਹੇਆਮ ਕੰਮ ਦੇ ਬਦਲੇ ਹੁੰਦੀ ਸੈਕਸ ਦੀ ਮੰਗ, ਖੁਲਾਸਿਆਂ ਮਗਰੋਂ ਸਿਆਸਤ 'ਚ ਵੱਡਾ ਤੂਫਾਨ

ਮਦਦ ਲਈ ਅੱਗੇ ਆਏ ਬਿੱਗ ਬੀ
ਨਰੇਸ਼ੀ ਮੀਨਾ ਦੀ ਗੱਲ ਸੁਣ ਕੇ ਅਮਿਤਾਭ ਬੱਚਨ ਭਾਵੁਕ ਹੋ ਗਏ ਅਤੇ ਉਨ੍ਹਾਂ ਨੇ ਉਨ੍ਹਾਂ ਦੇ ਇਲਾਜ ਦਾ ਖਰਚਾ ਚੁੱਕਣ ਦਾ ਐਲਾਨ ਕੀਤਾ। ਮੇਜ਼ਬਾਨ ਨੇ ਕਿਹਾ, "ਨਰਸ਼ੀ ਜੀ, ਮੈਂ ਤੁਹਾਡੇ ਇਲਾਜ ਲਈ ਲੋੜੀਂਦੇ ਪ੍ਰੋਟੋਨ ਥੈਰੇਪੀ ਦਾ ਖਰਚਾ ਚੁੱਕਣ ਦੀ ਪੂਰੀ ਕੋਸ਼ਿਸ਼ ਕਰਾਂਗਾ। ਮੈਂ ਤੁਹਾਡਾ ਸਹਾਇਕ ਬਣਨਾ ਚਾਹੁੰਦਾ ਹਾਂ ਅਤੇ ਹੁਣ ਤੁਸੀਂ ਸ਼ੋਅ ਤੋਂ ਜੋ ਵੀ ਰਕਮ ਜਿੱਤੋਗੇ, ਉਹ ਤੁਹਾਡੀ ਹੋਵੇਗੀ।"

ਮੇਜ਼ਬਾਨ ਨੇ ਨਰੇਸ਼ੀ ਦੀ ਕੀਤੀ ਤਾਰੀਫ਼
ਬਿੱਗ ਬੀ ਨੇ ਅੱਗੇ ਕਿਹਾ, "ਇੱਕ ਔਰਤ ਨੂੰ ਜਨਤਕ ਤੌਰ 'ਤੇ ਇਹ ਕਹਿਣ ਲਈ ਬਹੁਤ ਹਿੰਮਤ ਦੀ ਲੋੜ ਹੁੰਦੀ ਹੈ। ਤੁਹਾਡੇ ਧੀਰਜ ਲਈ ਤੁਹਾਡਾ ਬਹੁਤ ਧੰਨਵਾਦ। ਮੈਨੂੰ ਅਹਿਸਾਸ ਹੈ ਕਿ ਤੁਹਾਨੂੰ ਯਕੀਨ ਹੈ ਕਿ ਤੁਸੀਂ ਰਕਮ ਜਿੱਤੋਗੇ ਅਤੇ ਤੁਸੀਂ ਇਲਾਜ ਨੂੰ ਲੈ ਕੇ ਬਹੁਤ ਸਕਾਰਾਤਮਕ ਹੋ। ਹੁਣ ਡਾਕਟਰੀ ਖਰਚਿਆਂ ਦੀ ਚਿੰਤਾ ਨਾ ਕਰੋ।" ਇਸ ਸ਼ੋਅ 'ਚ ਨਰੇਸ਼ੀ ਨੇ 50 ਲੱਖ ਰੁਪਏ ਜਿੱਤੇ ਸਨ। ਇਸ ਤੋਂ ਬਾਅਦ ਜਿਵੇਂ ਹੀ ਅਮਿਤਾਭ ਬੱਚਨ ਨੇ ਐਲਾਨ ਕੀਤਾ ਕਿ ਉਹ ਹੁਣ 1 ਕਰੋੜ ਰੁਪਏ 'ਚ ਖੇਡਣਗੇ ਤਾਂ ਸ਼ੋਅ ਖ਼ਤਮ ਹੋ ਗਿਆ। ਨਰਸ਼ੀ ਹੁਣ ਅਗਲੇ ਐਪੀਸੋਡ 'ਚ ਵੱਡੇ ਸਵਾਲ ਲਈ ਖੇਡਣਗੇ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।