ਸ਼ਹਿਨਾਜ਼ ਤੇ ਹਿਮਾਂਸ਼ੀ ਖੁਰਾਣਾ ਅੱਗੇ ਫਿੱਕੀ ਪਈ ਸਾਰਾ ਗੁਰਪਾਲ, ਮੁੜ ਛਿੜੇ ਨਵੇਂ ਚਰਚੇ

ਮੁੰਬਈ (ਬਿਊਰੋ) — ਰਿਐਲਿਟੀ ਟੀ. ਵੀ. ਸ਼ੋਅ 'ਬਿੱਗ ਬੌਸ 14' ਦੇ ਪਹਿਲੇ ਵੀਕੈਂਡ ਕਾ ਵਾਰ 'ਚ ਹੋਸਟ ਸਲਮਾਨ ਖਾਨ ਨੇ ਸਾਰੇ ਘਰ ਵਾਲਿਆਂ ਦੀ ਕਾਫ਼ੀ ਕਲਾਸ ਲਾਈ। 'ਵੀਕੈਂਡ ਕਾ ਵਾਰ' 'ਚ ਸਲਮਾਨ ਖ਼ਾਨ ਨੇ ਫ੍ਰੇਸ਼ਰਸ ਮੁਕਾਬਲੇਬਾਜ਼ ਨੂੰ ਚੇਤਾਵਨੀ ਦਿੱਤੀ ਹੈ ਕਿ ਉਹ ਆਪਣੀ ਗੇਮ 'ਚ ਟਵਿੱਸਟ ਲਿਆਉਣ ਨਹੀਂ ਤਾਂ ਉਨ੍ਹਾਂ ਨੂੰ 2 ਹਫ਼ਤਿਆਂ ਬਾਅਦ ਗੇਮ ਸ਼ੋਅ 'ਚੋਂ ਨਾ ਬਾਹਰ ਹੋਣਾ ਪਵੇ। ਸਲਮਾਨ ਨੇ ਜਾਂਦੇ-ਜਾਂਦੇ 10 ਫ੍ਰੇਸ਼ਰਸ ਨੂੰ ਕਿਹਾ ਸੀ ਕਿ ਸਾਰੇ ਆਪਣੇ ਬੈਗ ਪੈਕ ਕਰਕੇ ਇਸ ਘਰ 'ਚੋਂ ਬਾਹਰ ਨਿਕਲ ਜਾਓ।

ਉਥੇ ਹੀ ਸਲਮਾਨ ਖ਼ਾਨ ਨੇ ਵੀ ਵੀਕੈਂਡ ਕਾ ਵਾਰ 'ਚ ਕਿਹਾ ਸੀ ਕਿ ਸਾਰਾ ਗੁਰਪਾਲ ਸ਼ੋਅ 'ਚ ਕੁਝ ਖ਼ਾਸ ਕਰਦੀ ਨਹੀਂ ਨਜ਼ਰ ਆ ਰਹੀ ਹੈ। ਸ਼ੋਅ 'ਚ ਸਾਰਾ ਗੁਰਪਾਲ ਦੇ ਯੋਗਦਾਨ 'ਤੇ ਸੀਨੀਅਰਾਂ ਨੇ ਵੀ ਸਵਾਲ ਉੱਠਾਏ ਹਨ। ਸਲਮਾਨ ਨੇ ਸਿਧਾਰਥ ਸ਼ੁਕਲਾ, ਹਿਨਾ ਖ਼ਾਨ ਤੇ ਗੌਹਰ ਸਣੇ ਬਾਕੀ ਘਰ ਵਾਲਿਆਂ ਨੂੰ ਇਕ ਟਾਸਕ ਦਿੱਤਾ ਗਿਆ ਹੈ। ਇਸ ਟਾਸਕ ਦੌਰਾਨ ਸੀਨੀਅਰਾਂ ਨੇ ਸਾਰਾ ਗੁਰਪਾਲ ਨੂੰ 'ਇਸ 'ਚ ਉਹ ਗੱਲ ਹੀ ਨਹੀਂ ਹੈ' ਕੈਟਾਗਿਰੀ 'ਚ ਰੱਖਿਆ ਸੀ।

ਦੱਸਣਯੋਗ ਹੈ ਕਿ ਪਿਛਲੇ ਸੀਜ਼ਨ 'ਚ ਪੰਜਾਬ ਤੋਂ ਆਈ ਸ਼ਹਿਨਾਜ਼ ਕੌਰ ਗਿੱਲ ਤੇ ਹਿਮਾਂਸ਼ੀ ਖੁਰਾਣਾ ਤੋਂ ਬਾਅਦ ਇਸ ਸੀਜ਼ਨ 'ਚ ਸਾਰਾ ਗੁਰਪਾਲ ਨੂੰ ਲਿਆਂਦਾ ਗਿਆ। ਕਿਹਾ ਜਾਂਦਾ ਹੈ ਕਿ ਸਾਰਾ ਗੁਰਪਾਲ ਪੰਜਾਬ 'ਚ ਹਿਮਾਂਸ਼ੀ ਤੇ ਸ਼ਹਿਨਾਜ਼ ਤੋਂ ਵੱਡਾ ਚਿਹਰਾ ਹੈ, ਇਸ ਲਈ ਪ੍ਰਸ਼ੰਸਕਾਂ ਨੂੰ ਉਮੀਦ ਹੈ ਕਿ ਉਹ ਸ਼ੋਅ 'ਚ ਚੰਗਾ ਕਰੇਗੀ ਪਰ 1 ਹਫ਼ਤੇ 'ਚ ਸਾਰਾ ਗੁਰਪਾਲ ਨੇ ਲੋਕਾਂ ਨੂੰ ਆਪਣੀ ਪਰਸਨੈਲਿਟੀ ਨਾਲ ਖ਼ਾਸ ਇੰਪ੍ਰੈੱਸ ਨਹੀਂ ਕੀਤਾ। ਹਾਲਾਂਕਿ ਹਿਮਾਂਸ਼ੀ ਤੇ ਸ਼ਹਿਨਾਜ਼ ਨੂੰ 'ਬਿੱਗ ਬੌਸ' ਤੋਂ ਕਾਫ਼ੀ ਪ੍ਰਸਿੱਧੀ ਮਿਲੀ। ਸ਼ੋਅ 'ਚ ਦੋਵਾਂ ਦਾ ਸਫ਼ਰ ਲੰਬਾ ਚੱਲਿਆ ਸੀ।

ਦੱਸ ਦਈਏ ਕਿ ਸ਼ਹਿਨਾਜ਼ ਤੇ ਹਿਮਾਂਸ਼ੀ ਖੁਰਾਣਾ ਨੇ 'ਬਿੱਗ ਬੌਸ 13' 'ਚ ਖ਼ੂਬ ਰੌਣਕਾਂ ਲਾਈਆਂ ਸਨ। ਆਏ ਦਿਨ ਦੋਵੇਂ ਕਿਸੇ ਨਾ ਕਿਸੇ ਹੰਗਾਮਾ ਨੂੰ ਲੈ ਕੇ ਸੁਰਖੀਆਂ 'ਚ ਆ ਜਾਂਦੀਆਂ ਸਨ। ਇਹ ਉਹ ਦੋ ਮੁਕਾਬਲੇਬਾਜ਼ ਹਨ, ਜਿਨ੍ਹਾਂ ਨੇ 'ਬਿੱਗ ਬੌਸ 13' 'ਚ ਆਪਣੇ ਲੜਾਈ ਝਗੜਿਆਂ ਤੇ ਪਿਆਰ ਦੇ ਕਿੱਸਿਆਂ ਨਾਲ ਦਰਸ਼ਕਾਂ ਦਾ ਖ਼ੂਬ ਮਨੋਰੰਜਨ ਕੀਤਾ।