ਭਾਰਤੀ ਸਿੰਘ- ਹਰਸ਼ ਲਿੰਬਾਚੀਆ ਨੇ ਖਰੀਦਿਆ ਨਵਾਂ ਦਫ਼ਤਰ, ਫੈਨਜ਼ ਨੂੰ ਦਿਖਾਈ ਝਲਕ
Friday, Jul 12, 2024 - 12:47 PM (IST)
![](https://static.jagbani.com/multimedia/2024_7image_12_47_150880250bharti.jpg)
ਮੁੰਬਈ- ਕਾਮੇਡੀਅਨ ਭਾਰਤੀ ਸਿੰਘ ਅਤੇ ਉਸ ਦੇ ਪਤੀ ਹਰਸ਼ ਲਿੰਬਾਚੀਆ ਨੇ ਨਵਾਂ ਦਫਤਰ ਖਰੀਦਿਆ ਹੈ। ਭਾਰਤੀ ਨੇ ਯੂ-ਟਿਊਬ ਵਲੌਗ ਰਾਹੀਂ ਨਵਾਂ ਦਫਤਰ ਦਿਖਾਇਆ ਹੈ, ਜੋ ਅਜੇ ਤੱਕ ਨਹੀਂ ਬਣਿਆ ਹੈ। ਦਫਤਰ ਬਣਨ ਤੋਂ ਬਾਅਦ, ਭਾਰਤੀ ਅਤੇ ਹਰਸ਼ ਆਪਣਾ ਕੰਮ ਉੱਥੇ ਸ਼ਿਫਟ ਕਰ ਲੈਣਗੇ। ਵਲੌਗ 'LOL' ਪੋਡਕਾਸਟ ਦੇ ਆਗਾਮੀ ਐਪੀਸੋਡ ਦੀ ਇੱਕ ਝਲਕ ਵੀ ਦਿਖਾਉਂਦੀਹੈ, ਜਿਸ 'ਚ ਰਣਦੀਪ ਹੁੱਡਾ ਇੱਕ ਮਹਿਮਾਨ ਵਜੋਂ ਸ਼ਾਮਲ ਹੋਣਗੇ। ਐਪੀਸੋਡ ਦੀ ਸ਼ੂਟਿੰਗ ਤੋਂ ਬਾਅਦ, ਭਾਰਤੀ ਅਤੇ ਹਰਸ਼ ਪ੍ਰਸ਼ੰਸਕਾਂ ਨੂੰ ਆਪਣੇ ਨਵੇਂ ਦਫਤਰ ਦੇ ਦੌਰੇ 'ਤੇ ਲੈ ਗਏ।
ਵਲੌਗ 'ਚ ਭਾਰਤੀ ਸਿੰਘ ਮਜ਼ਾਕ 'ਚ ਹਰਸ਼ ਲਿੰਬਾਚੀਆ ਨੂੰ ਧਮਕੀ ਦਿੰਦੇ ਹੋਏ ਕਹਿੰਦੀ ਹੈ ਕਿ ਅੱਜ ਅਸੀਂ ਆਪਣੇ ਨਵੇਂ ਦਫਤਰ ਜਾ ਰਹੇ ਹਾਂ, ਹਾਂ ਅਸੀਂ ਤੁਹਾਨੂੰ ਦਿਖਾਵਾਂਗੇ ਕਿ ਸਾਡਾ ਨਵਾਂ ਦਫਤਰ ਕਿਹੋ ਜਿਹਾ ਹੈ। ਹੁਣ ਦਫਤਰ ਖਰੀਦਣ ਤੋਂ ਬਾਅਦ ਮੈਂ ਪਹਿਲੀ ਵਾਰ ਦਫਤਰ ਜਾ ਰਹੀ ਹਾਂ, ਜੇ ਮੈਨੂੰ ਦਫਤਰ ਪਸੰਦ ਨਹੀਂ ਆਇਆ ਤਾਂ ਮੈਂ ਸਾਰਾ ਦਾ ਦਫਤਰ ਢਾਹ ਦਿਆਂਗੀ, ਦਫਤਰ 'ਤੇ ਬੁਲਡੋਜ਼ਰ ਚਲਾਵਾਂਗੀ, ਮੈਂ ਪੂਰੇ ਦਫਤਰ ਨੂੰ ਦੁਬਾਰਾ ਬਣਾਵਾਂਗੀ। ਇਸ ਤੋਂ ਬਾਅਦ, ਭਾਰਤੀ ਪ੍ਰਸ਼ੰਸਕਾਂ ਨੂੰ ਨਵੇਂ ਦਫਤਰ ਦਿਖਾਉਂਦੀ ਹੈ, ਜੋ ਅਜੇ ਪੂਰੀ ਤਰ੍ਹਾਂ ਤਿਆਰ ਨਹੀਂ ਹੈ।
ਦਫ਼ਤਰ ਬਾਰੇ ਗੱਲ ਕਰਦਿਆਂ ਉਸ ਨੇ ਕਿਹਾ ਕਿ ਇਸ 'ਚ ਕਈ ਕਮਰੇ ਹਨ । ਇਸ ਤੋਂ ਇਲਾਵਾ, ਮੇਕਅਪ ਅਤੇ ਸਟਾਈਲਿੰਗ ਲਈ ਇਕ ਵਿਸ਼ੇਸ਼ ਕਮਰਾ ਹੈ, ਜੋ ਨਵੇਂ ਦਫਤਰ ਦੀ ਕਾਰਜਕੁਸ਼ਲਤਾ ਨੂੰ ਵਧਾਉਂਦਾ ਹੈ।