ਵੱਡੀ ਖ਼ਬਰ : ਆਰੀਅਨ ਖ਼ਾਨ ਦੀ ਜ਼ਮਾਨਤ ਅਰਜ਼ੀ ਰੱਦ, ਜੇਲ੍ਹ ’ਚ ਹੀ ਰਹੇਗਾ ‘ਬਾਦਸ਼ਾਹ’ ਦਾ ਪੁੱਤਰ

ਮੁੰਬਈ (ਬਿਊਰੋ)– ਆਰੀਅਨ ਖ਼ਾਨ ਦੇ ਮਾਮਲੇ ਨੂੰ ਲੈ ਕੇ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। ਅੱਜ ਕਿਲ੍ਹਾ ਅਦਾਲਤ ਨੇ ਆਰੀਅਨ ਖ਼ਾਨ ਦੀ ਜ਼ਮਾਨਤ ਅਰਜ਼ੀ ਨੂੰ ਰੱਦ ਕਰ ਦਿੱਤਾ ਹੈ। ਅਦਾਲਤ ਦਾ ਕਹਿਣਾ ਹੈ ਕਿ ਆਰੀਅਨ ਦੀ ਜ਼ਮਾਨਤ ਅਰਜ਼ੀ ਮੈਂਟੇਨੇਬਲ ਨਹੀਂ ਹੈ, ਇਸ ਲਈ ਇਸ ਨੂੰ ਰਿਜੈਕਟ ਕੀਤਾ ਜਾਂਦਾ ਹੈ।

ਇਹ ਖ਼ਬਰ ਵੀ ਪੜ੍ਹੋ : ਸੋਨਮ ਬਾਜਵਾ ਨਾਲ ਮਿਲ ਸ਼ਹਿਨਾਜ਼ ਗਿੱਲ ਨੇ ਕੁੱਟਿਆ ਦਿਲਜੀਤ ਦੋਸਾਂਝ, ਨਵੀਂ ਵੀਡੀਓ ਆਈ ਸਾਹਮਣੇ

ਆਰੀਅਨ ਖ਼ਾਨ ਨਾਲ 5 ਕੈਦੀਆਂ ਨੂੰ ਮੁੰਬਈ ਦੀ ਸਭ ਤੋਂ ਵੱਡੀ ‘ਆਰਥਰ ਜੇਲ੍ਹ’ ਦੀ ਬੈਰਕ ਨੰਬਰ 1 ’ਚ ਰੱਖਿਆ ਗਿਆ ਹੈ। ਇਹ ਇਕ ਖ਼ਾਸ ਇਕਾਂਤਵਾਸ ਬੈਰਕ ਹੈ। ਇਥੇ 5 ਦਿਨਾਂ ਲਈ ਆਰੀਅਨ ਖ਼ਾਨ ਤੇ ਹੋਰਨਾਂ ਦੋਸ਼ੀਆਂ ਨੂੰ ਇਕਾਂਤਵਾਸ ਕੀਤਾ ਜਾਵੇਗਾ। ਇਨ੍ਹਾਂ ਨੂੰ ਆਮ ਕੈਦੀਆਂ ਵਾਂਗ ਹੀ ਰੱਖਿਆ ਜਾਵੇਗਾ। ਆਰੀਅਨ ਤੇ ਹੋਰ 5 ਕੈਦੀਆਂ ਨੂੰ ਜੇਲ੍ਹ ਦਾ ਹੀ ਖਾਣਾ ਦਿੱਤਾ ਜਾਵੇਗਾ।

मुंबई की एस्प्लेनेड अदालत ने मुंबई तट पर एक क्रूज पर ड्रग्स से संबंधित मामले में आर्यन खान, अरबाज खान और मुनमुन धमेचा की ज़मानत याचिका खारिज़ कर दी है।

— ANI_HindiNews (@AHindinews) October 8, 2021

ਦੱਸ ਦੇਈਏ ਕਿ ਵੀਰਵਾਰ ਨੂੰ ਅਦਾਲਤ ਨੇ ਆਰੀਅਨ ਖ਼ਾਨ ਨੂੰ 14 ਦਿਨਾਂ ਦੀ ਨਿਆਇਕ ਹਿਰਾਸਤ ’ਤੇ ਭੇਜਿਆ ਸੀ। ਹੁਣ ਜਦੋਂ ਜ਼ਮਾਨਤ ਅਰਜ਼ੀ ਰੱਦ ਹੋ ਚੁੱਕੀ ਹੈ ਤਾਂ ਆਰੀਅਨ ਦੇ ਵਕੀਲ ਵਲੋਂ ਮੁੜ ਜ਼ਮਾਨਤ ਅਰਜ਼ੀ ਦਰਜ ਕਰਵਾਈ ਜਾਵੇਗੀ। ਹੁਣ ਦੇਖਣਾ ਇਹ ਹੋਵੇਗਾ ਕਿ ਅਗਲੀ ਜ਼ਮਾਨਤ ਅਰਜ਼ੀ ਕੱਲ ਦਰਜ ਹੁੰਦੀ ਹੈ ਜਾਂ ਫਿਰ ਉਸ ਤੋਂ ਅਗਲੇ ਦਿਨ।

ज़मानत याचिका खारिज़ होने के बाद आर्यन खान और अन्य 5 आरोपियों को आज रात ऑर्थर रोड जेल में रहना होगा। उन्हें बैरक नंबर-1 में रखा गया है, जो स्पेशल क्वारंटीन बैरक है।

— ANI_HindiNews (@AHindinews) October 8, 2021

ਆਰੀਅਨ ਖ਼ਾਨ ਨੂੰ ਸ਼ਨੀਵਾਰ ਦੇਰ ਰਾਤ ਕਰੂਜ਼ ਪਾਰਟੀ ਤੋਂ ਕਾਬੂ ਕੀਤਾ ਗਿਆ ਸੀ। ਆਰੀਅਨ ’ਤੇ ਕਰੂਜ਼ ’ਚ ਡਰੱਗਸ ਦੀ ਵਰਤੋਂ ਕਰਨ ਦਾ ਦੋਸ਼ ਹੈ। ਐੱਨ. ਸੀ. ਬੀ. ਵਲੋਂ ਆਰੀਅਨ ਖ਼ਾਨ ਸਮੇਤ 8 ਦੋਸ਼ੀਆਂ ਨੂੰ ਹਿਰਾਸਤ ’ਚ ਲਿਆ ਗਿਆ ਸੀ। ਆਰੀਅਨ ਖ਼ਾਨ ਤੇ ਬਾਕੀ ਦੋਸ਼ੀਆਂ ਦਾ ਕੋਰੋਨਾ ਟੈਸਟ ਹੋ ਚੁੱਕਾ ਹੈ ਤੇ ਇਹ ਸਾਰੇ ਨੈਗੇਟਿਵ ਮਿਲੇ ਹਨ।

ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।