TV ਦੀਆਂ ਇਹ ਹਸੀਨਾ ਬਿਜਨੈੱਸ ਦੀ ਦੁਨੀਆ ''ਚ ਵੀ ਕਰ ਰਹੀਆਂ ਕਮਾਲ, ਕਰਦੀਆਂ ਨੇ ਮੋਟੀ ਕਮਾਈ
Thursday, Aug 01, 2024 - 04:56 PM (IST)
ਮੁੰਬਈ (ਬਿਊਰੋ) : ਟੀਵੀ ਇੰਡਸਟਰੀ 'ਚ ਆਪਣੀ ਅਦਾਕਾਰੀ ਨਾਲ ਹਰ ਕਿਸੇ ਦਾ ਦਿਲ ਜਿੱਤਣ ਵਾਲੀਆਂ ਕਈ ਅਭਿਨੇਤਰੀਆਂ ਹਨ, ਜੋ ਹੁਣ ਬਿਜ਼ਨੈੱਸ ਦੀ ਦੁਨੀਆ 'ਚ ਧੂਮ ਮਚਾ ਰਹੀਆਂ ਹਨ। ਮੌਨੀ ਰਾਏ ਨਾ ਸਿਰਫ਼ ਇਕ ਬੇਹਤਰੀਨ ਅਭਿਨੇਤਰੀ ਹੈ ਸਗੋਂ ਇਕ ਵਧੀਆ ਬਿਜਨੈਸਮੈਨ ਵੀ ਹੈ।
ਮੌਨੀ ਮੌਨੀ ਰਾਏ
ਰਾਏ ਦਾ ਕੁਝ ਸਮਾਂ ਪਹਿਲਾਂ ਹੀ ਬਦਮਾਸ਼ ਰੈਸਟੋਰੈਂਟ ਮੁੰਬਈ 'ਚ ਖੁੱਲ੍ਹਿਆ ਹੈ, ਜਿਸ ਦੇ ਰਿਵਿਊ ਵੀ ਕਾਫੀ ਚੰਗੇ ਹਨ। ਇਸ 'ਚ ਇੰਡੀਅਨ ਟ੍ਰੇਡਿਸ਼ਨਲ ਖਾਣਾ ਮਿਲਦਾ ਹੈ। ਸਿਰਫ਼ ਮੌਨੀ ਰਾਏ ਹੀ ਨਹੀਂ ਬਲਕਿ ਸ਼ਰਾਰਤ ਫੇਮ ਅਦਿਤੀ ਸ਼ਿਰਵਾਈਕਰ ਮਲਿਕ ਦੇ ਮੁੰਬਈ ਅਤੇ ਬੈਂਗਲੁਰੂ 'ਚ ਕਈ ਰੈਸਟੋਰੈਂਟ ਹਨ। ਉਹ ਇਸ ਬਿਜਨੈੱਸ ਦੇ ਜ਼ਰੀਏ ਮੋਟੀ ਕਮਾਈ ਕਰ ਰਹੀ ਹੈ।
ਆਸ਼ਕਾ ਗੋਰਾੜੀਆ
ਸ਼ੋਅ ਕੁਸੁਮ ਫੇਮ ਆਸ਼ਕਾ ਗੋਰਾਡੀਆ ਦਾ ਇੱਕ ਪ੍ਰਸਿੱਧ ਕਾਸਮੈਟਿਕ ਬ੍ਰਾਂਡ ਹੈ 'ਰੇਨੀ ਕਾਸਮੈਟਿਕਸ'। ਇਸ ਬ੍ਰਾਂਡ ਨੂੰ ਲੜਕੀਆਂ ਵੱਲੋਂ ਕਾਫ਼ੀ ਪਸੰਦ ਕੀਤਾ ਜਾਂਦਾ ਹੈ। ਖ਼ਬਰਾਂ ਮੁਤਾਬਕ, ਰੇਨੀ ਕਾਸਮੈਟਿਕਸ ਦੀ ਸ਼ੁਰੂਆਤ ਤੋਂ ਲੈ ਕੇ ਹੁਣ ਤੱਕ ਭਾਵ ਸਿਰਫ਼ 2-3 ਸਾਲਾਂ 'ਚ ਇਸ ਦਾ ਮੁੱਲ ਲਗਭਗ 830 ਕਰੋੜ ਰੁਪਏ ਤੱਕ ਪਹੁੰਚ ਗਿਆ ਹੈ।
ਰੂਪਾਲੀ ਗਾਂਗੁਲੀ
ਮਸ਼ਹੂਰ ਟੀਵੀ ਅਦਾਕਾਰਾ ਅਨੁਪਮਾ ਯਾਨੀ ਰੂਪਾਲੀ ਗਾਂਗੁਲੀ ਦੀ ਵੀ ਇੱਕ ਵਿਗਿਆਪਨ ਕੰਪਨੀ ਹੈ। ਅਦਾਕਾਰੀ ਤੋਂ ਇਲਾਵਾ ਉਹ ਇਸ ਨੂੰ ਵੀ ਸੰਭਾਲਦੀ ਹੈ।
ਰਕਸ਼ੰਦਾ ਖ਼ਾਨ
ਰਕਸ਼ੰਦਾ ਖ਼ਾਨ ਨੂੰ ਲੈ ਕੇ ਰਿਪਰੋਟ ਹੈ ਕਿ ਉਸ ਦੀ ਆਪਣੀ ਈਵੈਂਟ ਮੈਨੇਜਮੈਂਟ ਕੰਪਨੀ ਹੈ ,ਜਿਸ ਦਾ ਨਾਮ ਹੈ ਸੈਲੀਬ੍ਰਿਟੀ ਲਾਕਰ। ਇਹ ਕੰਪਨੀ ਸਮਾਗਮਾਂ ਦਾ ਆਯੋਜਨ ਕਰਦੀ ਹੈ।
