ਮਾਮੇਰੂ ਸੈਰੇਮਨੀ ਨਾਲ ਸ਼ੁਰੂ ਹੋਈਆਂ ਅਨੰਤ-ਰਾਧਿਕਾ ਮਰਚੈਂਟ ਦੀਆਂ ਵੈਡਿੰਗ ਰਸਮਾਂ, ਦੇਖੋ ਤਸਵੀਰਾਂ
07/04/2024 12:17:10 PM
ਮੁੰਬਈ- ਅਨੰਤ ਅੰਬਾਨੀ ਅਤੇ ਰਾਧਿਕਾ ਮਰਚੈਂਟ 12 ਜੁਲਾਈ ਨੂੰ ਵਿਆਹ ਕਰਨ ਜਾ ਰਹੇ ਹਨ। ਇਸ ਜੋੜੇ ਦੇ ਵਿਆਹ ਦੀਆਂ ਰਸਮਾਂ ਕੁਝ ਦਿਨ ਪਹਿਲਾਂ ਹੀ ਸ਼ੁਰੂ ਹੋਈਆਂ ਹਨ। ਅਨੰਤ-ਰਾਧਿਕਾ ਦੇ ਵਿਆਹ ਦੀਆਂ ਰਸਮਾਂ 3 ਜੁਲਾਈ ਨੂੰ ਮਾਮੇਰੂ ਰਸਮ ਨਾਲ ਸ਼ੁਰੂ ਹੋਈਆਂ, ਜਿੱਥੇ ਬਾਲੀਵੁੱਡ ਇੰਡਸਟਰੀ ਦੀਆਂ ਕਈ ਵੱਡੀਆਂ ਹਸਤੀਆਂ ਨੇ ਸ਼ਿਰਕਤ ਕੀਤੀ। ਇਸ ਦੌਰਾਨ ਜਲਦ ਹੀ ਲਾੜਾ-ਲਾੜੀ ਬਣਨ ਵਾਲੇ ਅਨੰਤ ਅਤੇ ਰਾਧਿਕਾ ਕਾਫੀ ਸੁਰਖੀਆਂ ਬਟੋਰਦੇ ਨਜ਼ਰ ਆਏ।
ਉਸ ਦੀਆਂ ਤਸਵੀਰਾਂ ਹੁਣ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀਆਂ ਹਨ।
ਸਾਹਮਣੇ ਆਈਆਂ ਤਸਵੀਰਾਂ 'ਚ ਦੇਖਿਆ ਜਾ ਸਕਦਾ ਹੈ ਕਿ ਅੰਬਾਨੀ ਪਰਿਵਾਰ ਦੀ ਹੋਣ ਵਾਲੀ ਨੂੰਹ ਦੁਲਹਨ ਦੀ ਤਰ੍ਹਾਂ ਸਜੀ ਨਜ਼ਰ ਆ ਰਹੀ ਹੈ। ਉਸ ਨੇ ਸੰਤਰੀ ਲਹਿੰਗਾ ਅਤੇ ਮਾਂਗ ਟਿੱਕੇ ਨਾਲ ਆਪਣੀ ਲੁੱਕ ਪੂਰੀ ਕੀਤੀ ਹੈ ਅਤੇ ਬਹੁਤ ਸੁੰਦਰ ਲੱਗ ਰਹੀ ਹੈ। ਇਕ ਵੀਡੀਓ 'ਚ ਰਾਧਿਕਾ ਆਪਣੇ ਮੰਗੇਤਰ ਅਨੰਤ ਨਾਲ ਸਟੇਜ 'ਤੇ ਖੜ੍ਹੀ ਬਹੁਤ ਖੁਸ਼ ਨਜ਼ਰ ਆ ਰਹੀ ਹੈ।
ਉਹ ਕਾਫੀ ਹੱਸਦੀ ਨਜ਼ਰ ਆ ਰਹੀ ਹੈ। ਅਨੰਤ ਵੀ ਆਪਣੀ ਪ੍ਰੇਮਿਕਾ ਨਾਲ ਕਾਫੀ ਖੁਸ਼ ਨਜ਼ਰ ਆ ਰਹੇ ਹਨ। ਦੋਵਾਂ ਦਾ ਇਕੱਠਿਆਂ ਅੰਦਾਜ਼ ਦੇਖਣ ਯੋਗ ਹੈ।