ਅਦਾਕਾਰਾ ਕੰਗਨਾ ਰਣੌਤ ਨੂੰ ਮਿਲਿਆ ਨਵਾਂ ਪਾਸਪੋਰਟ, ਪੋਸਟ ਸਾਂਝੀ ਕਰ ਦਿੱਤੀ ਜਾਣਕਾਰੀ

ਮੁੰਬਈ- ਬਾਲੀਵੁੱਡ ਅਦਾਕਾਰਾ ਕੰਗਨਾ ਰਣੌਤ ਦਾ ਪਾਸਪੋਰਟ ਰੀਨਿਊ ਹੋ ਗਿਆ ਹੈ ਜਿਸ ਦੀ ਜਾਣਕਾਰੀ ਕੰਗਨਾ ਨੇ ਖ਼ੁਦ ਦਿੱਤੀ ਹੈ । ਕੰਗਨਾ ਕਈ ਦਿਨਾਂ ਤੋਂ ਆਪਣੇ ਪਾਸਪੋਰਟ ਨਵੀਨੀਕਰਣ ਨੂੰ ਲੈ ਕੇ ਚਿੰਤਤ ਸੀ। ਕੰਗਨਾ ਖ਼ਿਲਾਫ਼ ਚੱਲ ਰਹੇ ਕੁਝ ਮਾਮਲਿਆਂ ਕਾਰਨ ਪਾਸਪੋਰਟ ਵਿਭਾਗ ਨੇ ਅਭਿਨੇਤਰੀ ਦਾ ਪਾਸਪੋਰਟ ਰੀਨਿਊ ਕਰਨ ਤੋਂ ਇਨਕਾਰ ਕਰ ਦਿੱਤਾ ਸੀ। ਜਿਸ ਤੋਂ ਬਾਅਦ ਕੰਗਨਾ ਨੇ ਬੰਬੇ ਹਾਈ ਕੋਰਟ ਪਹੁੰਚ ਕੀਤੀ ਸੀ ਪਰ ਹੁਣ ਅਦਾਕਾਰਾ ਨੇ ਆਖਰਕਾਰ ਆਪਣਾ ਨਵਾਂ ਪਾਸਪੋਰਟ ਲੈ ਲਿਆ ਹੈ।

ਅਭਿਨੇਤਰੀ ਨੇ ਖ਼ੁਦ ਇਹ ਜਾਣਕਾਰੀ ਆਪਣੇ ਸੋਸ਼ਲ ਮੀਡੀਆ ਅਕਾਉਂਟ ਇੰਸਟਾਗਰਾਮ ਰਾਹੀਂ ਦਿੱਤੀ ਹੈ। ਕੰਗਨਾ ਨੇ ਆਪਣੀ ਇੰਸਟਾਗ੍ਰਾਮ ‘ਤੇ ਆਪਣੀ ਆਉਣ ਵਾਲੀ ਫ਼ਿਲਮ 'ਧਾਕੜ’ ਦੇ ਨਿਰਦੇਸ਼ਕ ਨਾਲ ਇਕ ਤਸਵੀਰ ਸ਼ੇਅਰ ਕੀਤੀ ਹੈ।

ਜਿਸ ਨਾਲ ਉਸ ਨੇ ਦੱਸਿਆ ਕਿ ਉਸ ਨੂੰ ਪਾਸਪੋਰਟ ਮਿਲ ਗਿਆ ਹੈ ਅਤੇ ਹੁਣ ਉਹ ਜਲਦੀ ਹੀ ਇਸ ਫਿਲਮ ਦੀ ਸ਼ੂਟਿੰਗ ਸ਼ੁਰੂ ਕਰੇਗੀ। ਕੰਗਨਾ ਨੇ ਲਿਖਿਆ, ‘ਮੈਂ ਆਪਣਾ ਪਾਸਪੋਰਟ ਲੈ ਲਿਆ ਹੈ। ਦੇਖਭਾਲ ਕਰਨ ਅਤੇ ਤੁਹਾਡੀਆਂ ਪ੍ਰਾਰਥਨਾਵਾਂ ਲਈ ਸਭ ਦਾ ਧੰਨਵਾਦ। ਚੀਫ ਮੈਂ ਜਲਦੀ ਤੁਹਾਡੇ ਨਾਲ ਹੋਵਾਂਗੀ’।