ਕੁਆਰੀ ਮਾਂ ਬਣਨਾ ਚਾਹੁੰਦੀ ਹੈ ਬਾਲੀਵੁੱਡ ਦੀ ਇਹ ਅਦਾਕਾਰਾ !  ਗਾਇਨੀਕੌਲੋਜਿਸਟ ਕੋਲ ਐੱਗ ਫ੍ਰੀਜ਼ ਕਰਵਾਉਣ ਪਹੁੰਚੀ

ਮੁੰਬਈ- ਬਾਲੀਵੁੱਡ ਅਦਾਕਾਰਾ ਰੀਆ ਚੱਕਰਵਰਤੀ ਜੋ 33 ਸਾਲ ਦੀ ਹੋ ਚੁੱਕੀ ਹੈ, ਨੇ ਹਾਲ ਹੀ ਵਿੱਚ ਇੱਕ ਵੱਡਾ ਖੁਲਾਸਾ ਕੀਤਾ ਹੈ। ਅਦਾਕਾਰਾ ਨੇ ਮੰਨਿਆ ਹੈ ਕਿ ਹੁਣ ਉਨ੍ਹਾਂ ਨੂੰ ਮਾਂ ਬਣਨ ਦੀ ਚਿੰਤਾ ਸਤਾਉਣ ਲੱਗੀ ਹੈ, ਜਦੋਂ ਕਿ ਉਨ੍ਹਾਂ ਦਾ ਵਿਆਹ ਅਜੇ ਨਹੀਂ ਹੋਇਆ ਹੈ। ਇਸੇ ਚਿੰਤਾ ਕਾਰਨ, ਰੀਆ ਨੇ ਆਪਣੀ ਬਾਇਓਲੌਜੀਕਲ ਕਲੌਕ ਅਤੇ ਕੈਰੀਅਰ ਨੂੰ ਸੰਤੁਲਿਤ ਕਰਨ ਲਈ ਇੱਕ ਮਹੱਤਵਪੂਰਨ ਕਦਮ ਚੁੱਕਿਆ ਹੈ। ਅਦਾਕਾਰਾ ਨੇ ਦੱਸਿਆ ਕਿ ਉਹ ਆਪਣੇ ਐਗ ਫ੍ਰੀਜ਼ ਕਰਵਾ ਰਹੀ ਹੈ।
ਗਾਇਨੀਕੋਲੋਜਿਸਟ ਨਾਲ ਕੀਤੀ ਸਲਾਹ
ਰੀਆ ਚੱਕਰਵਰਤੀ ਨੇ ਆਪਣੇ ਇੱਕ ਪੌਡਕਾਸਟ ਵਿੱਚ ਅਦਾਕਾਰਾ ਹੁਮਾ ਕੁਰੈਸ਼ੀ ਨਾਲ ਗੱਲਬਾਤ ਕਰਦਿਆਂ ਇਹ ਜਾਣਕਾਰੀ ਦਿੱਤੀ। ਰੀਆ ਨੇ ਕਿਹਾ, "ਮੈਂ 33 ਸਾਲ ਦੀ ਹੋ ਗਈ ਹਾਂ। ਮੈਂ ਹਾਲ ਹੀ ਵਿੱਚ ਐਗ ਫ੍ਰੀਜ਼ ਕਰਵਾਉਣ ਲਈ ਗਾਇਨੀਕੋਲੋਜਿਸਟ ਕੋਲ ਗਈ ਸੀ।" ਉਨ੍ਹਾਂ ਨੇ ਸਪੱਸ਼ਟ ਕੀਤਾ ਕਿ ਉਹ ਇਸ ਪ੍ਰਕਿਰਿਆ ਨੂੰ ਕਰਵਾਉਣ ਬਾਰੇ ਸੋਚ ਰਹੀ ਹੈ।
'ਔਰਤਾਂ 'ਤੇ ਬਹੁਤ ਦਬਾਅ ਹੈ'
ਰੀਆ ਨੇ ਇਸ ਗੱਲ 'ਤੇ ਵੀ ਚਰਚਾ ਕੀਤੀ ਕਿ ਔਰਤਾਂ 'ਤੇ ਕਿੰਨਾ ਦਬਾਅ ਹੁੰਦਾ ਹੈ। ਅਦਾਕਾਰਾ ਨੇ ਕਿਹਾ ਕਿ ਇਹ ਬਹੁਤ ਅਜੀਬ ਹੈ ਕਿ ਇੱਕ ਪਾਸੇ ਉਨ੍ਹਾਂ ਦੀ 'ਬਾਡੀ ਕਲੌਕ' ਦੱਸਦੀ ਹੈ ਕਿ ਉਨ੍ਹਾਂ ਨੂੰ ਬੱਚੇ ਕਰ ਲੈਣੇ ਚਾਹੀਦੇ ਹਨ।
ਦੂਜੇ ਪਾਸੇ ਉਨ੍ਹਾਂ ਦਾ 'ਦਿਮਾਗ' ਦੱਸਦਾ ਹੈ ਕਿ ਉਨ੍ਹਾਂ ਦਾ ਪਹਿਲਾਂ ਤੋਂ ਹੀ ਇੱਕ ਬੱਚਾ ਹੈ, ਜੋ ਕਿ ਉਨ੍ਹਾਂ ਦਾ ਬ੍ਰਾਂਡ ਅਤੇ ਬਿਜ਼ਨਸ ਹੈ ਅਤੇ ਉਨ੍ਹਾਂ ਨੂੰ ਪਹਿਲਾਂ ਉਸ 'ਬੱਚੇ' ਨੂੰ ਪਾਲਣਾ ਹੈ।
ਇਸ ਤੋਂ ਪਹਿਲਾਂ ਵੀ, ਰੀਆ ਨੇ 'ਹਿਊਮਨਜ਼ ਆਫ ਬੰਬੇ' ਨਾਲ ਗੱਲਬਾਤ ਕਰਦਿਆਂ ਸਮਾਜ ਦੀਆਂ ਔਰਤਾਂ ਤੋਂ ਵਿਆਹ ਅਤੇ ਬੱਚੇ ਕਰਨ ਦੀਆਂ ਉਮੀਦਾਂ 'ਤੇ ਸਵਾਲ ਚੁੱਕੇ ਸਨ। ਉਨ੍ਹਾਂ ਕਿਹਾ ਸੀ ਕਿ ਉਹ ਖੁਦ ਵਿਆਹ ਲਈ ਕਿਸੇ ਸਹੀ ਉਮਰ ਵਿੱਚ ਯਕੀਨ ਨਹੀਂ ਕਰਦੀ, ਅਤੇ ਉਨ੍ਹਾਂ ਨੂੰ ਦੇਰ ਨਾਲ ਵਿਆਹ ਕਰਨ ਵਿੱਚ ਕੋਈ ਇਤਰਾਜ਼ ਨਹੀਂ ਹੈ। ਉਨ੍ਹਾਂ ਨੇ ਇਸ ਗੱਲ 'ਤੇ ਵੀ ਸਵਾਲ ਉਠਾਇਆ ਸੀ ਕਿ ਬਾਇਓਲੌਜੀਕਲ ਕਲੌਕ ਕਾਰਨ ਔਰਤਾਂ 'ਤੇ ਬੱਚੇ ਪੈਦਾ ਕਰਨ ਦਾ ਜ਼ਿਆਦਾ ਦਬਾਅ ਹੁੰਦਾ ਹੈ।